SAÍDA A ILLA DE CORTEGADA

avatar Escrito por cela18
12 de Xuño de 2019 a las 11:50h

Xornada completa na Illa de Cortegada para despedir #odespertardassementes 🌱

Tesouro que pertence ao Parque Nacional das Illas Atlánticas, tamén coñecida coma o Bosque flotante, esta xoia da Ría de Arousa ofreceunos moitas vivencias e aprendizaxes.
Ademáis da súa riqueza vexetal tamén conta con máis de 900 especies de setas.
Cruzamos bosques de piñeiros, cerquiños, carballos… para chegar ao bosque de loureiros máis grande de Europa.
Aprendimos historia, costumes da illa, lendas de carballos come pedras, de bruxos que curaban con plantas medicinais, xogamos, navegamos con chalecos salvavidas e moitas cousas máis que de seguro contaremos na casa!!
Toda unha experiencia para non olvidar!
Grazas a Corticata Turismo Medioambiental por todo!!

I ROMARÍA DAS LETRAS GALEGAS NO MONTE CHANS

avatar Escrito por cela18
22 de Maio de 2019 a las 20:04h

Onte celebramos  unha xornada de covivencia no monte de  Chans,  moi preto do noso colexio, chamámolo a I Romaría Escolar das Letras Galegas.

Plantamos os carballos e castiñeiros que naceron nas botas, as que fai meses, enchemos de terra coas sementes que finalmente despertaron.
Falamos previamente coa Comunidade de Montes de Cela para informarlles desta plantación que iamos facer no monte e pedímoslle que nos indicasen onde poderíamos levala a cabo. Así o fixeron, enviáronos un plano coas indicacións para facela.
Levamos para o monte todo o material necesario e todos os nenos en grupos participaron na plantación.

 
Despois continuamos contemplando a natureza deste fermoso lugar mentras os nenos participaban nun montón de xogos tradicionais, merendamos ata a fartura e escoitamos a música de Retrouso. Algúns pais acompañáronnos neste momento tan especial.
E rematamos recibindo un fermoso agasallo por parte do Equipo de Dinamización.
Temos que repetir!! Grazas a todos por colaborar e disfrutar desta mañá con nós!!

         PLANTACIÓN DE GERANIOS E SURFÍNEAS

avatar Escrito por cela18
22 de Maio de 2019 a las 17:52h

Decoramos as ventás das clases que dan ao patio con macetas colgantes nas que plantamos unhas plantas ornamentais: uns bonitos geranios e unhas surfíneas. Están cheos de flores!!

        

 

 

    VIVIMOS A NOSA CONTORNA

avatar Escrito por cela18
9 de Maio de 2019 a las 19:51h

Segundo a pedagoga Heike Freire o contacto coa natureza é vital para os seres humanos e, especialmente, entre os máis pequenos, xa que hai moitos beneficios que proporciona, permiten mellorar o desenvolvemento cognitivo ampliando a capacidade de razoamento e observación. Ademáis o xornalista estadounidense Richard Louv atreveuse a falar da existencia dun “trastorno de déficit da natureza”, baixo o cal agrúpanse diferentes enfermidades cuxa causa común podería ser a falta de contacto co noso contorno natural.
Dende o cole de Cela e , en concreto, de Educación Infantil , somos seguidores desta “pedagoxía verde“, fomentando innumerables actividades diarias no exterior, potenciando o desenvolvemento das capacidades dos nenos e nenas e atopándonos con verdadeiros tesouros. Velaquí algún exemplos disto

 

 

 

 

 

INVESTIGACIÓN SOBRE AS ÁRBORES AUTÓCTONAS DOS BOSQUES GALEGOS

avatar Escrito por cela18
9 de Maio de 2019 a las 19:27h

Os alumn@s de 3º e 4º de E. Primaria levaron a cabo unha investigación sobre as árbores que poblan os nosos bosques. Cada nen@ informouse, a través de distintos medios, dunha especie autóctona como: a sobreira, o carballo, o castiñeiro, o ameneiro, o bidueiro, o salgueiro, a aciñeira, o piñeiro, a abeleira, o loureiro, o freixo ou a nogueira; ou investigou sobre unha especie invasora como a acacia ou o eucalipto.
Ademáis de coñecer outros nomes para cada ábore tamén recolleron información sobre o tipo de folla, as súas flores, os froitos, os anos que poden vivir… Aprenderon os distintos usos de cada árbore: construción, fabricación de mobles, combustible, ornamental…ou que da cortiza do salgueiro obtense a salicina coa que se fai un fármaco moi coñecido como é a aspirina.
Coñeceron exemplares importantes como o carballo de Santa Margarida na parroquia de Mourente que o ser vivo de maior idade da provincia de Pontevedra, cuns 500 anos de antiguedade.
Ademáis en cada unha das árbores ou ao seu alrededor viven moitisimos seres vivos: paxaros, insectos, distintos mamíferos, fungos, liques…e outras aliméntanse das súas follas e froitos.
Para observar toda esta vida os nen@s, acompañados dos seus pais, achegáronse ao Monte Chans da parroquia de Cela, onde viven, e incluso lle quitaron fotos a algúns exemplares.
Aprendemos un montón e disfrutamos de tanta beleza. 
VIVAN AS ÁRBORES!!

 

 

VISITA A LAGOA DE CASTIÑEIRAS

avatar Escrito por cela18
8 de Maio de 2019 a las 12:37h

Os alumn@s de 3º, 4º, 5º e 6º de E.P., xunto cos seus titores, pasaron unha agradable mañá na Lagoa de Castiñeiras.

Acompañados por dous guías fixeron un percorrido pola zona:
– Explicáronlles como se fixo esta lagoa artificial.
– Observaron as distintas árbores e as súas características: ameneiros, bidueiros, castiñeiros, aveleiras, acivros…
– Coñeceron como é o peculiar crecemento das raíces duns exemplares de ciprés dos pantanos que alí hai.
– E mesmo lograron facer  xabón coas follas da acacia.

 

Ademáis viron a Aula da Natureza de Cotorredondo que se encarga da recuperación de fauna da provincia de Pontevedra.
Despois de camiñar un bo tramo puidemos observar unhas mámoas, entre as que destaca a Mámoa do Rei.

Para rematar sentámonos a merendar desfrutando da fermosa paisaxe.

VISITA DE ANXO MOURE

avatar Escrito por cela18
29 de Abril de 2019 a las 8:08h

Abril, mes dos libros. O despertar das sementes. Quen mellor que Anxo Moure Contos Solidarios para visitar o noso cole?Coma sempre este Carballo con Botas sementa na cativada o amor e o respeto polas árbores e os bosques. Lembrades as landras e as castañas que prantamos dentro dunha bota en novembro, con motivo do día das árbores autóctonas? Pois ahí están, dous carballos e dous castiñeiros que pronto levaremos á terra para que medren ben fortes

SEGUIMOS PLANTANDO

avatar Escrito por cela18
25 de Abril de 2019 a las 10:09h

Non deixamos de plantar para mellorar a nosa contorna. Pequenos e maiores estiveron plantando, entre outras especies, uns arándanos que esperamos poder desfrutar algún día!!!!

ÁRBORE DAS VERBAS

avatar Escrito por cela18
25 de Abril de 2019 a las 8:51h

Seguimos creando poesía!!  Nas aulas en pequenos grupos compuxéronse flores con poemas e rimas relacionadas co noso proxecto: “O despertar das sementes”. Estas flores forman parte da “Árbore das verbas” que temos no corredor da biblioteca.

Bo traballo rapaces!!!

ROBÓTICA NA HORTA

avatar Escrito por cela18
10 de Abril de 2019 a las 20:17h

A robótica tamén está presente no noso proxecto: “O despertar das sementes”. Os nen@s Infantil xogan a descurbrir os pasos de crecemento dunha semente, que necesitan para medrar…
ojd