AS FABAS 2

pequesreboreda

Chegou o día de cociñar as fabas. Puxemos os nosos gorros, o mandil ben axustado e mans a obra. Os Apolos foron os primeiros en cociñar e fixemos «Feixóns ao estilo dos Apolos». Coquiños e Xirasois tamén fixeron as súas receitas e logo xuntámonos todos para comer.
Moitos papás/mamás de seguro que non darían crédito se visen aos seus peques comendo e disfrutando coas legumes. Foi unha xornada preciosa, disfrutando do pracer de cociñar, aprendendo dos compañeiros e compartindo uns pratos que quedaron exquisitos. Todos os peques probaron os feixóns e practicamente todos os comeron sen problemas.
Aquí tedes un resumo.

A experiencia foi xenial! Un deses días nos que unha alédase moitísimo de adicarse a esta profesión porque disfrutas dende o primeiro minuto que estás no cole ata a hora de marchar.

Por certo que aínda que deixamos aquí o relato das nosas aventuras cos feixóns, seguimos traballando o resto da semana con eles, vimos os murais dos outros cursos, aprendemos máis cousas dos feixóns, escribimos na aula a receita…

octubre 29, 2015 | Leave a comment  

AS FABAS

pequesreboreda

No mes de xuño, antes de rematar o curso decidimos que neste curso, ademais de traballar sobre hábitos saudaveis para os nenos, iamos traballar as legumes porque o ano 2016 é o ano internacional das legumes. Falamos de que sería moi interesantes traballar nas aulas as legumes, preparar murais e cociñalas na escola para que os nen@s disfrutasen de pratos de culler que agora non son tan habituais nas nosas casas. Escollemos 3 legumes, unha por trimestre.
Así que esta semana adicámola a primeira das legumes que imos traballar: OS FEIXÓNS.
A finais de xuño a profe Luisa de 5º prantou os feixóns na horta e subiu ao cole durante o verán para coidalos. O volver os nen@s foron eles os que seguiron con este traballo.
Os Apolos comezamos o noso proxecto sobre os feixóns recolléndoos na horta.

Descubrimos que tiñamos varios tipos así que empezamos a investigar sobre eles. Ao final xa eramos uns expertos e pareceunos que sería boa idea compartir o que sabiamos cos CHOQUETES, cos COQUIÑOS e cos XIRASOIS.
Os Apolos fixéronno xenial, non podería estar máis orgullosa.

E isto é so o principio!!!

octubre 26, 2015 | Leave a comment  

ALMORZAMOS NO COLE

pequesreboreda

Esta ano imos tentar aprender coma mellorar a nosa calidade de vida. E un dos xeitos vai ser almorzando no cole unha vez ao mes.
Para iso cada equipo da clase ten que preparar o seu menú. Poden almorzar o que queiran sempre que inclúa un lácteo, froita, cereais e unha proteína. Coma teñen que tomar todo o almorzar deben consensualo porque a todos os membros do equipo ten que gustarlles o que van a almorzar. Para iso teñen unha plántilla que van cubrindo con recortes de revista. Despois de decidir o almorzo, cada equipo debe repartir os ingredientes entre os seus membros para que cada un deles traia un. Unha vez feito o reparto escriben a nota para as familias.
E,por fin, chega o día de almorzar. Foi xenial velos tan entregados e comparando uns menús con outros. O máis divertido foi que un equipo escolleu coma proteína os ovos fritos, que fixemos esa mañá no cole e logo o resto devecía por eles.
Non teño apenas vídeos de coma decidiron os menús porque quedeime sen batería pero o vindeiro mes tentarei amosarvos todo o proceso.
Foi un día xenial e os Apolos estaban encantados de poder almorzar no cole.
Teño que dar as grazas a todas as familias pola boa acollida da proposta e por mandar todos os ingredientes. Tamén lle teño que dar as grazas a coidadora do centro que nos axudou moitísimo para que todo resultase ben.
Coma foi tan ben imos almorzar no cole un venres ao mes así que seguide atentos.

octubre 21, 2015 | Leave a comment  

O MURAL DAS AVESPAS

pequesreboreda

Seguimos avanzando co proxecto deste curso e, seguindo as ideas de Mauro, fixemos un mural onde debuxamos unha avespa e unha abella e estamos poñendo a información que imos recollendo onde corresponde.

Esa información estámola recollendo na rede, coa colaboración das familias e, por suposto, na biblioteca do centro.

octubre 17, 2015 | Leave a comment  

ARRANCAMOS PROXECTO: AS AVESPAS/ABELLAS

pequesreboreda

David trouxonos unha avespa asiática que collera o seu pai. Primeiro estivemos véndoa co microscopio, descubrimos que estaba toda chea de pelos. Despois pasámola man a man para poder vela «in situ» e logo estivemos falando do que queriamos saber sobre estes insectos.
Aquí vos deixo un pequeno resumo.

octubre 13, 2015 | Leave a comment  

OS XIRASOIS E AS PIPAS

pequesreboreda

A semana pasada os Apolos fomos a horta a recoller os nosos xirasois porque daban chuvia para esta semana e non queriamos que se estropeasen. Ao velos na clase descubrimos que dentro tiñan pipas así que tivemos que sacalas (fantástico exercicio de motricidade fina), despois limpamos os restos e deixámolas secar.
O venres aproveitamos para cociñalas e logo probámolas na clase. Eran pequenas pero para ser a primeira vez que as faciamos non nos quedaron nada mal.
Rematamos debuxando xirasois cos dedos!!!

octubre 8, 2015 | Leave a comment  

PREPARANDO A NOSA HORTA

pequesreboreda

Esta semana comezamos de novo o traballo no noso horto e neste curso contamos coa colaboración dos nosos compañeiros e compañeiras de 5º B.
Agora é o momento de arrincar as tomateiras vellas e colleitar pementos, xudías, cenouras e algún que outro amorodo e de preparar de os neumáticos para novos cultivos.
Tamén estamos esperando que maduren os nosos feixóns. Sementamos diferentes variedades co fin de coñecelos e degustalos a finais de mes na semana adicada a estos legumes.
Clica na imaxe para ver as fotos.

horta

octubre 5, 2015 | Leave a comment