AMORODOS

pequesreboreda


Coa chegada da primaveira Os Cocoricos traballamos no horto do colexio, plantamos uns deliciosos amorodos. Xa tiñamos as plantas, pero había que preparar a terra, facendo uns buratos ben grandes para que collesen dentro. Unha vez rematado tiñamos que botarlle unha pouca auga para así conseguir que medrasen con moita enerxía. Á hora de facelo dividimos o traballo, uns facían os buratos, outros plantaban e outros regaban, conseguindo que todos colaborasen. Durante o proceso estivemos acompañados por unhas boas reporteiras, a cocorica Alba e a profe Aida, que non perderon detalle do asunto. Tamén nos acompañou Luisa, cantándonos fermosas cancións.
Pasadas unhas semanas e coa axuda do sol e a auga, puidemos comprobar como saían uns enormes e vermellos amorodos, ¡da gusto velos!

mayo 24, 2012 | Leave a comment  

DÍA DA ÁRBORE NO COLE DE REBOREDA

pequesreboreda

Un ano máis no cole de Reboreda tivo lugar unha das celebracións más populares da escola «O día da árbore».

Este ano as comunidades de montes de Reboreda e Ventosela recomendáronnos ir a plantar as árbores preto do campo de fútbol de Reboreda. Alí os peques axudaron a plantar as árbores, merendaron e xogaron sen parar.

Ahí vos deixamos algúns recordos deses momentos.

OS NEN@S MAIORES TAMÉN O PASARON MOI BEN

mayo 21, 2012 | Leave a comment  

PREMIADOS CUNHA MENCIÓN ESPECIAL NOS PREMIOS VOZ-NATURA

pequesreboreda

O noso blog de Voz Natura foi premiado cunha mención especial entre 214 blogs que participaban no proxecto deste curso. Estamos super-contentos!!!

mayo 14, 2012 | Leave a comment  

SAIDA COA ASOCIACIÓN TRES PÉS

pequesreboreda
Este venres os nenos e nenas de 3º A e 3º B, acompañados por dous monitores da COOPERATIVA TRESPÉS, realizamos unha excursión ata a praia fluvial de Reboreda para coñecer un pouco mellor a flora e a fauna do río Alvedosa.
Ao chegar, despois de que Tania nos explicase que como ía trascurrir a xornada e de repoñer forzas tomando a merenda, comenzamos a buscar as prantas e arbustos que aparecían no caderno de campo que nos deran. Así poidemos coñecer algunhas árbores propias de ribeira como son os salgueiros, amieiros, bidueiros, loureirros e carballos e algunha que outra especie invasora como a falsa acacia. Tamén abundaban diferentes herbas propias da nosa zona coma os pampullos,  o xoio, os croques, o fiuncho e tamén  bastantes estrugas que foron as  primeiras que nos interesou distinguir.
Noutra parte do río onde hai unha  pequena ponte poidemos observar as marxes e descubrir como algúns plásticos e cascallos contaminaban ese fermoso lugar. Alí, Tania nos falou da importancia de manter os ríos limpos e xunto con ela construimos unha mini depuradora utilizando varios filtros de pedras e area. Tamén nos fixo un experimento para mostrarnos que lles pasaría aos saltóns se a auga estivese contaminada.
Quedabanos por baixar a praia fluvial, e alá nos fomos. Alí hai unha pequena presa que no verán péchase para que as persoas  poidan bañarse e disfrutar do río. Sorprendeunos moito como cun simple cordel  e unha laranxa se pode medir a velocidade do caudal do río e coñecer en que zonas as augas van máis rápido ou están mais tranquilas. E xa  tocaba poñer as botas, primeiro para pescar a laranxa  e logo para cos ganapáns extraer area do fondo e botala en pequenas bandexas con auga para buscar os bichiños que alí había. Atopamos: ninfas de cabaliños do demo e líbelulas, larvas, vermes … que logo identificamos coa axuda dos debuxos que tiñamos nuha plantilla.
Pasousemos a mañá moi rápido e tocou voltar ao cole cansos pola calor pero moi contentos polo que aprendéramos e o ben que o pasaramos. 
Grazas Tania, grazas Paulo.
O próximo curso esperamos contar  de novo con vos!

Temos na clase un compañeiro o que lle encanta facer fotos e nesta saída fixo un montón para que non se nos quedase atrás ningún detalle.

Mirade que fotos máis chulas nos fixo Juan G. !

mayo 14, 2012 | Leave a comment  

PREPARATIVOS E PRIMEIROS ENSAIOS DA NOSA GRAN OBRA TEATRAL

pequesreboreda

As familias dos exploradores quixeron darnos unha gran sorpresa cun divertido conto, chamado: “A galiña que quería voar”

Polo que nos pediron axuda para acompañalos nese día no seu gran debut artístico. Os exploradores estaban moi emocionados porque levaban días preparando as máscaras, a máquina para voar, as entradas para ir ver a obra teatral, invitar a todos os compañeiros do ciclo, profes,… Utilizaron diferentes recursos e materiais de refugallo e tentaron traballar de forma cooperativa na elaboración das entradas. Tamén durante varios días ensaiaron coas familias para que resultado final fose marabilloso.

Queredes ver todo o proceso de preparación??? Pois ahí vos deixamos un pequeno adianto.

mayo 14, 2012 | Leave a comment  

FACENDO MÁSCARAS DE ANIMALES DA GRANXA CON MATERIAIS DE REFUGALLO

pequesreboreda

Os exploradores estiveron traballando arreo para preparar un pequeno conto coas familias. Como a historia desenvolvíase nunha granxa tivemos que preparar máscaras de galos, de porcos, de cabras e ovellas, de coellos, de cabalos e ata….. duns ratiños moi travesos. Para dar forma a estas divertidas máscaras tentamos utilizar diferentes materiales de refugallo, como: platos de usar e tirar, “hueveras”, cartóns do papel hixiénico, tapas, algodón, botóns,…

Mirade que bonitas quedaron ao final…

mayo 13, 2012 | Leave a comment  

EXPERIMENTOS

pequesreboreda
Para rematar co estudo do ciclo da auga fixemos tres experimentos onde se reproducen  a pequena escala  os  procesos que teñen lugar na natureza.
Construimos un terrario que consiste nun circuito pechado onde vamos a poder obsevar como a auga que  está filtrada na terra, a do no noso pequeno lago ou  a procedente da transpiración das nosas plantas se evapora, se condensa e volver a caer, mantendo constante e cantidade de auga que hai dentro do recipiente e que fará posible que medren as nosas plantas sen necesidade de regalas.
Temos un pozo para ver como a auga que se filtra na terra pasa a formar parte das augas subterráneas que poden ser extraídas  por unha bomba igual que nos pozos reais onde se saca a auga para o noso consumo, para regar os campos ou darlle de beber os animais.
Cunha pequena depuradora somos capaces de limpar a auga sucia mediante a mediante os procesos  de condensación e a precipitación.
Estas actividades forman parte das actividades cooperativas que desenrolamos na aula e cada equipo foi o encargado de realizar un dos experimentos.

mayo 8, 2012 | Leave a comment  

CONTO DOS TRES PORQUIÑOS INSTRUMENTADO

pequesreboreda

A profe Isabel, leva varias sesións liada cos compañeir@s de 4º preparando un coñecido conto cuns instrumentos moi particulares, para elo empregou todo tipo de materiais de refugallo que podemos atopar ao noso redor e que poden servir como uns verdadeiros instrumentos musicais polos sons que producen. Os peques tivemos que escoitar o conto dun xeito singular, tiñamos que estar de espaldas aos músicos e caladiños para escoitar atentamente todos os sons que aparecían para descubrir, como dunha adiviña se tratase, cal era o conto que os amig@s de 4º acababan de representar.

Unha vez rematada a instrumentalización rapidamente os peques adiviñaron o conto. Tratábase do conto: «Os tres porquiños». Explicaron como o adiviñaron e logo pedíronlle aos músicos que nos explicasen como facían cada un dos sons que aparecían no conto, como facían os porquiños, como soaba o lume, ou o vento, ou mesmo a auga fervendo na cheminea. Pasámolo xenial!!!

mayo 1, 2012 | Leave a comment