Este curso iniciamos unha nova colaboración con centros do entorno e temos que decir que estamos emocionados por facer cousas en común cos máis pequenos da Arousa.
Primeiro falamos con David o director da Galescola no mes de marzo porque necesitaban árbores para plantar cos pequen@s e nos cedímoslle algúns árbores do noso viveiro. Ademáis o noso club do sacho foi ao Con do Navio un xoves pola tarde para facerlles os buracos e facilitarlles o traballo aos pequenos.
Por ser unha experiencia moi interesante programamos tamén unha visita do alumnado da galescola , familias e profesoradoá nosa horta-invernadoiro. Así que onte tivemos unha visita ben bonita. Toda a tropa miuda da Arousa acompañados de pais, nais e avos/oas e profesores/as. Alí chegaron ás 11 da mañá cargados de ilusión e con moitas ganas de traballar.
Despois de explicarlles un pouco como naceu o noso proxecto con Voz Natura e todo o que levamos feito nestes últimos anos, ala se puxeron coas máns na terra a traballar nos bancais e quitarnos as malas herbas. E David e Borja explicáronlles como facer un viveiro forestal. Así tomando boa nota marcharon para seguir traballando na súa Galescola. Temos que felicitar a David , o director, e ao profesorado e familias por tomar o testigo e seguir os nosos pasos coa nova semente da Arousa.
