ENSINANDO CO EXEMPLO NO ENTROIDO

Como sabedes, este ano intentamos reducir os resíduos nas merendas e promover que estas sexan o máis saudables posible.

Para iso, pedimos que o alumnado traia froita para comer no recreo cada día.

Sabemos que en celebracións como o Entroido debemos ser algo máis permisivas con respecto ao zucre e os alimentos “non tan saudables”.

Malia todo, dende Voz Natura, adoitamos ofrecer a alternativa saudable para compensar os excesos nas festas e comprobamos con satisfacción que o natural sempre é unha aposta segura.

Publicado en #mesturArte | Etiquetado , , , | Deixa un comentario

ENTROIDO DE REFUGALLO EN BARRIONOVO

NAS SEMANAS PREVIAS AO ENTROIDO, NA AULA DE TRES, ESTIVEMOS A AMBIENTAR A CLASE COMO A TRIBU KOROWAI (QUE ANDAMOS A INVESTIGAR) E MAIS FACER OS DISFRACES, TODO CON MATERIAIS DE REFUGALLO (CARTÓN, PAPEIS, PALLA, PAUS…) E VELAIQUÍ O RESULTADO






OS NENOS E NENAS DE CATRO ANOS TEMOS COMO CENTRO DE INTERESE OS RAÑACEOS, ASÍ QUE NOS DISFRAZAMOS DE HOMES E MULLERES DE NEGOCIOS. PARA O DISFRACE ELEBORAMOS OS NOSOS MALETÍNS EMPREGANDO MATERIAIS DE REFUGALLO TALES COMO CAIXAS DE CEREAIS OU ZAPATOS, XORNAIS, ETC.

Publicado en #mesturArte, B.T.S., RECICLAXE | Etiquetado , | Deixa un comentario

Día internacional da muller e a nena na ciencia

Este martes celebramos o Día da Nena e a Muller na Ciencia lendo o conto dunha nena moi especial, Isa, amante dos inventos.

E como Isa nós tamén xogamos a ser científic@s, e levamos tempo a observar un experimento e registrar a súa evolución: Canto viven os plásticos?

Publicado en #mesturArte | Etiquetado , , | Deixa un comentario

Novo maceteiro no patio

Aínda que seguimos no inverno, estes días semella que a primavera asomou por Barrionovo.

Nós aproveitamos para encher de terra un novo maceteiro e se cadra plantar unhas flores no noso patio. Facémolo coas mans,sen luvas, sentindo a terra, para enchernos de vitamina N.

Clica no enlace para acceder á noticia e coñecer todas as vantaxes do contacto coa natureza na infancia.

https://www.lavozdegalicia.es/noticia/lavozdelaescuela/2020/02/05/span-langgl-natureza-sentache-moi-ben-span/0003_202002SE5P4991.htm

Publicado en #mesturArte | Etiquetado , , , | Deixa un comentario

Taller internivel: Land Art

O land Art ou arte da terra, é unha corrente artística que une a paisaxe e a natureza. Dos materiais que nos rodean: pedras, area, madeira,… nacen estas obras efémeras, expostas ao vento, o sol, a auga…
Despois de coñecer as obras de artistas como Joanna Hedrick, Richard Long, Motoi Yamamoto, Denisse Openheim ou Lévy Gorky… esta semana na creación internivel presentamos esta proposta onde pode xogar, experimentar, vivir,… e a creatividade virá a sorprendernos.

Publicado en #mesturArte | Etiquetado , , , | Deixa un comentario

Venres de encurtas medioambientais: Turning point

Publicado en #mesturArte, Todas | Etiquetado | Deixa un comentario

O veleiro verde de Barrionovo

“Os nenos e nenas da escola Barrionovo navegamos co veleiro verde para coidar o planeta!”

Publicado en HORTO ESCOLAR, RECICLAXE | Etiquetado , , , , | Deixa un comentario

Día da Paz: Os nosos veleiros

Este ano, polo día da paz seleccionamos no xornal todas as malas noticias que non nos gustan.
Decidimos rompelas e, con elas, facer barquiños de refugallo que, como o veleiro verde leven polo mundo palabras de paz.

Publicado en ReciclARTE, RECICLAXE | Etiquetado , , , , | Deixa un comentario

#mesturarte: Maqueta de Expito

Seguindo co proxecto anual deste curso a clase de 5 anos está a investigar Exipto e coma traballo final realizou esta maqueta feita con refugallo.
Preme na imaxe para ver máis.

Publicado en Todas | Deixa un comentario

LUPO

Onte tivemos a inmensa sorte de contar na escola coa presenza dos arquitectos Patricia e Fermín de Lupo.

Pola mañá levaron a cabo un obradoiro cos nenos e nenas nos que lles explicaron o funcionamento do sistema Lupo. Nel puidemos tocar, experimentar, xogar e tamén aprender, nen@s e mestras, distintas aplicacións didácticas deste sistema.

Pola tarde, as mestras levamos a cabo unha xornada de formación na que, xuntos, puxemos os alicerces dunha remodelación do noso patio, na que invertiremos o premio outorgado polo Programa Voz Natura. O potencial pedagóxico do espazo exterior, a naturalización do contorno e a posibilidade de que o alumnado teña capacidade para se mover de xeito san e seguro, estiveron moi presentes en todo momento.

Mil grazas, seguimos!

Publicado en #mesturArte | Etiquetado , , , | Deixa un comentario