Este blogue nace co obxecto de difundir a actividade desenvolvida no Colexio Eduardo Pondal a través do proxecto Voz Natura.

A nosa andaina no proxecto Voz Natura escomeza no curso 2009-2010 froito dunha necesidade de acercar ós nosos alumnos á natureza, a respetala e a valorala.

Situados nun entorno natural, o Colexio dispón dunha zona posterior na que se está a realizalo proxecto. A primeira actuación que realizamos, no curso 2009-2010, foi a elaboración dun horto, pero debido a climatoloxía as prantas que os rapaces sementaron deron o seu froito no verán e os nenos non poideron disfrutar de todo o proceso que abrangue dende a plantación ata a recollida do froito.
É por iso polo que o proxecto do curso seguinte, 2010-2011 foi a construcción dun invernadoiro no que poder adiantar a plantación de hortalizas e así terminalo proceso no curso escolar.
No curso, 2011-2012, os alumnos de educación infantil son os encargados da plantación e cuidado do invernadeiro. Os alumnos de primaria e secundaria traballan no proxecto de creación dun xardín botánico con especies de clima atlántico e propias da nosa rexión.

No curso 2013-2014 fabricamos un aeroxerador a partir de materiais reciclados coma un xerador de coche e tubería de pvc. Tamén se construimos unha charca para poder plantar especies acuáticas e criar peixes.

No curso 2014-2015 continuamos coa plantación de árbores autóctonas, xa temos carballos, unha sobreira, un acivro. O noso obxetivo e crear unha fraga.

Para o vindeiro curso queremos rescatar unha lagoa e fusionala coa fraga creando un entorno que recupere os nosos bosques, que se atopan moi atacados por especies foráneas coma o eucalipto, e que forman parte da ideosincrasia da nosa rexión e do noso pasado

PROXECTO                “A RECONQUISTA”

OBXECTIVOS:

• ECOLÓXICOS: Rehabilitación e conservación hábitat incrementando a biodiversidade de prantas e árbores característicos da fraga galega, reintroducindo especies autóctonas e eliminando invasoras.

•  XESTIÓN: Establecer un espazo natural protexido de interés pedagóxico e paisaxístico xetionado pola comunidade educativa do Colexio.

•  SOCIAIS: Sensibilización do alumnado da función e importancia da biodiversidade e do coidado da natureza.

DESCRIPCIÓN:

   O noso Colexio atópase situado nos montes do lugar de Darbo, pertencente ó concello de Cangas do Morrazo. Coma a maioría das zoas costeiras os nosos montes sufren a ameaza das especies invasoras (eucalipto e mimosas, entre outras) que lle ganaron terreo as árbores autóctonas. Dentro dos terreos do Colexio temos unha importante extensión de monte no que levamos, dende xa fai cinco anos en colaboración con VOZ NATURA, unha labor de reforestación donde temos xa plantados carballos, un castiñeiro, unha acacia, un acibro, un buxo, unha sobreira e unha cerdeira, entre outras. Ademáis temos tamén un invernadoiro, un aeroxerador e unha charca. Todas as nosas actuacións van encamiñadas a crear unha aula da natureza e recuperar unha zoa bastante abandoada na que salientar que este ano atopamos na zoa limítrofe dos nosos terreos unha pequena lagoa seminatural que se empregou noutros tempos como alxibe para o rego das leiras.

As actuacións que temos pensado levar a cabo de cara ó vindeiro curso son:

• Limpeza, acondicionamento e recuperación da lagoa. Eliminar ecucaliptos da beirada, recuperar uns carballos que estaban asolagados e prantar especies propias das beiradas dos regatos .
• 

• Continuación coa plantación nos terreos do Colexio que enlace co anterior bosque de ribeira para o que necesitamos acondicionalo terreo posto que esta zoa ten un sustrato empobrecido procedente de recheo de excavacions. O que pretendemos crear e unha fraga que continue co bosque de ribeira. As especies que empregaremos son: carballo, sobreira, castiñeiro, bidueiro, faia, abruñeiro, teixo, capudre, aciñeira, ameneiro, freixo, pradeiro, lomigueiro e sabugueiro.

• Creación de paneis identificativos para salientar o máis importante da zoa que imos crear.

• Elaboración en lousas de carteis identificativos das especies prantadas.

Ademáis destas actuacións que se realizarán cos nenos de Primaria e ESO, continuaremos coma tódolos anos cos nenos de infantil coa prantación legumes e hortalizas no invernadoiro.

O proxecto para este curso é a construcción dun aeroxerador.

Este proxecto será desenvolvido polos alumnos da ESO.

Tamén seguiremos co invernadoiro, do que se encargarán os alumnos

de INFANTIL, e coa plantación de especies no Xardín Botánico, do que

 se  encargarán os de PRIMARIA

Para a construcción do aeroxerador empregaremos o xerador, o retifi-

cador e a batería dun automobil. Adiantamos unha foto do que quere-

mos conseguir:

A construcción do invernadoiro foi realizada polos alumnos de secundaria: preparalo terreno, colocación do plástico, montar o sistema de rego por goteo, …
Os máis cativos foron os encargados de plantar tomates, leitugas, pementos, calabacíns, etc