Recibimos a Alberto Andeu

Por fin chegou o día! O martes, a meirande parte do alumnado do CPI Alcalde Xosé Pichel achegouse ao colexio en bicicleta. Daba gusto ver o patio!

Ao longo da mañá, os grupos foron probando o circuito proposto por representantes do Club Ciclista Carballo e escoitando os seus consellos para ser mellores ciclistas. Xa fai varios anos que veñen ata o centro e esperamos que veñan moitos máis porque esta actividade resulta moi interesante e motivadora.

 

Ás dúas e media, por fin chegou o momento que esperabamos todos. Montámonos en bicicleta os que a tiñan, e achegámonos á praza do concello, guiados por protección civil e policía local. Pouco tivemos que esperar porque Alberto foi moi puntual. Que festa! Foi moi ilusionante recibilo, percorrer os últimos metros do seu longo camiño e cruzar a meta con el. No colexio, todo o alumnado de infantil e os que non poideran traer as bicicletas agardaban aplaudindo e axitando bandeiríns. Foi un recibimento moi bonito, e viviuse moi intensamente polas dúas partes.

A continuación, representantes do concello, Amancia Lavandeira, alcalde de Coristanco e Verónica Facal, concelleira de deportes, recibiron e felicitaron a Alberto.

Finalmente, Alberto Andeu deunos unha charla na que animou a todos a utilizar a bicicleta como medio de transporte. Foi moi convincente, seguro que moitos se animan xa, porque “Andando en bicicleta, ayudas al planeta“!

Tamén na prensa, saímos todos! Nunha noticiagalería de fotos e vídeo de La Voz de Galicia.

Quédanos agradecer a todos os que participaron nesta xornada e que nos axudaron a organizala e a levala a cabo: os representantes do Concello e o personal do mesmo, o Club Ciclista Carballo, as familias que trouxeron aos nenos coa bicicleta, os que nos acompañaron e, como non, a Alberto Andeu por vir ata San Roque en bicicleta dende Murcia.

Publicado en Sin categoría | Deixa un comentario

Pon unha bici na túa vida

bici logoO próximo martes, recibiremos unha visita moi especial: trátase de Alberto, un mestre de Murcia que se propuxo levar a cabo unha campaña de sensibilización para  fomentar o uso da bicicleta entre os escolares e as súas familias. Por que? pois porque é san e sobretodo, porque non contamina!

O colexio no que traballa chámase CEIP San Roque de Ceutí. Un día, pensou que se quería que o seu alumnado fose á escola San Roque en bicicleta, el tería que dar exemplo e vir ata San Roque en bicicleta. Por iso o luns pasado montouse na súa bici e, dende o seu colexio, comenzou a súa viaxe!

RECORRIDO ETAPASLeva toda a semana parando en distintos centros que se atopan polo camiño e que participaron, c0mo nós, no seu proxecto. Podedes seguir a súa viaxe no blog que leva a modo de diario unabicientuvida.blogspot.com. Nese blog, tamén aparece o enlace a unha entrevista no programa Murcia Conecta de 7 Región de Murcia na que explica moi ben como se lle ocorreu esta idea e en que consiste.

E neste vídeo, vedes como o alumnado do seu colexio, CEIP San Roque de Ceutí en Murcia, expón o proxecto.

Así que o martes celebraremos no CPI Alcalde Xosé Pichel o día da Bicicleta, e recibiremos a Alberto. Que emoción!

 

Publicado en Sin categoría | 2 Comentarios

Visita ao invernadoiro de Juan

Este venres, os nenos de 4º e 5º de Educación Infantil desprazáronse ata o invernadoiro de Juan, o pai dunha alumna no colexio. Alí estiveron vendo dende cerca como se traballa nel e ata plantaron verzas! Seguro que traen moitas ideas novas e sapiencias que podemos aplicar no noso invernadoiro.

Moitas grazas a ese papá tan voluntarioso!

plantando verzas1 plantando verzas2 plantando verzas3 plantando verzas4

 

Publicado en Sin categoría | Deixa un comentario

Máis ecopatrulleiros!

Esta semana está de ecopatrulleiros un grupo de 3°B. Que ben o están facendo! Aquí os temos, recollendo lixo no patio.
1491386980439

Publicado en Sin categoría | Deixa un comentario

O noso terrario

Vistes o noso terrario na entrada do colexio? Como é que as plantas que hai no seu  interior seguen vivas se o terrario está totalmente pechado?
Estas rapazas de sexto cóntannos como montaron o terrario, e como ten lugar no seu interior o ciclo da auga. Bo traballo!

Publicado en Auga | Deixa un comentario

Observar a natureza dende Coristanco

O venres recibimos a visita de Antón, biólogo e veterinario, amante da natureza e pai de Anxo, un compañeiro noso.

Antón veunos explicar cómo observar a natureza que nos rodea e grazas a el, coñecemos agora moitas especies da nosa contorna das que non sabíamos a existencia.

Plantas, aves, mamíferos, insectos, anfibios… seguro que non volveremos saír a dar un paseo sen ser máis observadores. E tampouco volveremos mirar A Revolta nin O Campelo do mesmo xeito.

Que interesante, moitas grazas Antón!

IMG_5290

IMG_5291

IMG_5292

Publicado en Sin categoría | Deixa un comentario

Inauguramos invernadoiro!

Por fin inauguramos o noso invernadoiro!

Esta mañá, os nenos e nenas de primeiro e segundo estiveron plantando no invernadoiro coa axuda de Juan, un pai moi colaborador que o tiña todo preparado e que tamén lles explicou cales son as necesidades e características das plantas.

Ademais de Juan, tamén houbo outros pais, avós e amigos grazas aos cales inauguramos hoxe este espazo: foron os que se prestaron voluntarios para montar o invernadoiro e estiveron traballando duro durante un sábado enteiro. Moitas grazas a todos!!!

Por outra banda, quédanos agradecer a Voz Natura, cuxa aportación nos permitiu comprar o material para pechar o espazo.

Finalmente, a noraboa a estes rapaces que estiveron moi atentos e que aprenderon un montón. Seguro que próximamente poderemos degustar o produto do seu traballo no comedor!

Publicado en Sin categoría | 1 comentario

Chegou a primavera!

Por fin está aquí a primera,  ollade o porche do noso centro!
1490904921020

Publicado en Sin categoría | Deixa un comentario