CRA Boqueixón-Vedra

Menuda sorpresa nos levamos cando nos mandaron estas fotos. A nosa horta é un éxito e comeza a dar o seu froito. Fresas, remolacha, grandes leitugas e ata millo. Mágoa non poder disfrutar dela cada día.

A nosa horta segue a medrar grazas ás familias.Premendo na seguinte imaxe, poderedes ver uns pequenos vídeos cos que nos sorprenden as familias amosando a nosa colleita. Graciñas!!

E para rematar a semana imos cunha actividade creativa do instagram de @teachingtachan: un abecedario reciclado. A idea é crear con elementos naturais e de refugallo as diferentes letras do alfabeto. Podemos comezar polas letras do noso nome e despois ir engadindo outras. Despois, podemos facer fotos das mesmas e imprimilas e traballar con ese abedecario propio para construír palabras. Déixámosvos esta imaxe a modo de exemplo. Boa fin de semana a todos/as!!!

Hoxe limos un libro vinculado ao día do medio ambiente e dos océanos.

Como hoxe celebramos o día do medioambiente. Presentámosvos  unha serie de xogos da fantástica web de ecoembes para imprimir e traballar cos nenos/as conceptos relacionados coa reciclaxe e o coidado do medio ambiente. Na seguinte imaxe atoparedes os xogos e material que a profe Laura buscou para este día tan importante.

Na seguinte ligazón á nosa páxina web, atoparedes uns quebracabezas sobre animais autóctonos de Galicia que están catalogados pola Xunta como “en perigo de extinción”. Tamén  moi importante en canto á biodiversidade, tema central deste ano según a ONU. Tamén atoparedes outros xogos de seguro moi divertidos.

Bo venres, familia!

Hoxe, 5 de maio, é a data reivindicativa que a ONU escolleu para adicar ao Medio Ambiente, pola necesidade que temos os humanos de cambiar o modo de usar os recursos que nos ofrece o planeta e así conservalo, pois é  o único fogar que coñecemos, … de momento.

O curso pasado traballamos un chisquiño sobre un conto escrito e ilustrado por Eva Clemente que se titula “¿Qué le pasa al planeta?” A ver quen se acorda:

embedded by Embedded Video

Como vedes este conto quere facernos entender que as grandes empresas e os gobernos poden ser axentes de cambio para mellorar o Medio Ambiente, pero sobre todo cada uno de nós podemos facer moitas cousas pequechiñas que sumadas producen cambios significativos.

É a mesma idea que nos deixaba o historiador Howard Zinn nunha das súas célebres frases: “Se a xente puidera ver que o cambio se produce como resultado de millóns de pequenas accións que parecen totalmente insignificantes, entón non dubidarían en realizar estes pequenos actos”.

O momento actual que vivimos inmersos na pandemia do Covid19, está deixando patente nas nosas rúas o excesivo consumo de artículos non reutilizables como mascarillas e luvas hixiénicas que logo aparecen ciscadas por todas partes. Pensade que se poden empregar mascarillas reutilizables e lavar a menudo as mans en lugar de usar luvas.

Recordades o conto que un compañeiro trouxo á escola polo seu aniversario? Pois ollade o que nos canta “La ballena llena” sobre o uso de mascarillas e luvas:

embedded by Embedded Video

Propoñémosvos que recollades a través dun debuxo, dun vídeo, dunhas fotos, dun audio, dun escrito nun papel, … como se vós ocurra, algunhas desas pequenas cousas que facedes a diario ou de vez en cando e que axudan a coidar o planeta. Así podemos aportar ideas entre tod@s para mellorar o noso entorno.

Boa finde chic@s!!

Así temos a nosa horta actualmente. E mesmo algún exalumno botando unha man. Graciñas!

Premendo na seguinte imaxe, veredes un vídeo de como está a nosa horta.

A nosa horta segue medrando e premendo na seguinte imaxe poderás ver o bonita que está.

Que alegría levamos cando o noso amigo Xosé, nos mandou estas fotos de como vai a nosa horta. Cando esta situación de quedar na casa, comezou, deixámola recén plantada e mirade no que se converteu co paso dos días. Moitas gracias Xosé e graciñas tamén aos avós de Ángela que se encargaron de botarlle unha auga cando foi necesario. Xa nos tarda volver para disfrutar dos nosos amig@s e da nosa colleita. Unha aperta!