Monthly Archives: Abril 2012

AS BOTELLAS RECÍCLANSE PARA CREAR LUZ ARTIFICIAL NAS CASAS:

Nunha vila de Canadá, onde a xente ten poucos recursos, agudizaron o inxenio e crearon lámparas artificiais con botellas de plástico, auga e cloro. Non vos perdades o vídeo!

APARECE UN CACHALOTE VARADO NUNHA PRAIA DE MALPICA:

Onte, a través do periódico  La Voz de Galicia (link vídeo) na edición da comarca de Bergantiños, enterámonos de que aparecera un cachalote de quince metros varado nunha praia de Beo (Malpica), preto das nosas escolas.

Este roncual común mide 15 metros, pesa 25 toneladas e ten aproximadamente 40 anos de idade, según apuntaron técnicos do Coordinadora para o Estudo dos Mamíferos (Cemma), os cales se acercaron ao lugar para efectuar un primeiro diagnóstico.

Non sabemos se o animal se desorientou debido aos cambios climáticos que sufrimos ou se, despois de falecer, as fortes correntes do mar leváronno ata as nosas costas.

DÍA DO LIBRO: abril 2012

Celebramos onte o Día do Libro nas nosas escolas. Para iso realizamos convivencias entre as diferentes unitarias, onde recibimos a visita de membros da Fundación Intervida. Contáronnos uns contos moi divertidos que trataban o coidado do noso planeta, realizamos unha pequena charla sobre esta temática para despois crear entre todos un mural dunha árbore, ao cal lle puxemos unhas follas moi especiais, fixádevos!

UNHA PÍNTEGA VISITA A UNITARIA DE TALLO:

Fai uns días subimos a este blogue un artigo sobre á Píntega Gallaica, quen nos diría que días despois ibamos poder contemplar este fermoso animal na horta da Unitaria de Tallo!

CHARLA SEPRONA: 30.03.2012

O pasado 30 de marzo, recibimos no noso CRA a visita de membros dos SEPRONA. Foi unha mañá moi divertida na que aprendimos moitas cousas sobre o coidado e mantemento da natureza.

Ao chegar a profe Esther contounos moitas cousas sobre as árbores e as prantas: qué precisan para vivir, que nos aportan, como coidalas, etc.

Continuamos a xornada cantando con Ivana, a mestra de inglés deste CRA, cancións en inglés que tiñan como temática a fauna e o medio natural dunha selva.

(Pinchar no seguinte audio)

Despois, os membros do SEPRONA amosáronnos os vehículos que usan para poder andar polos montes e visiar así a zona. Deixáronnos subir ao coche e a moto, e por uns intres os nenos e nenas  sentíronse tamén uns auténticos gardas forestais.

A mañá continuou cunha charla dos nosos visitantes e o visionado dun PowerPoint que nos serviron para tomar conciencia sobre o cuidado dos nosos montes.

Finalizamos a mañá cunha película moi divertida que trataba a importancia da auga.

HORTA DE BRÁNTOAS:

Os días próximos á Semana Santa os nen@s da Escola Unitaria de Brántoas estrenaron a súa horta coa plantación de cabazas. Os vindeiros días continuarán a labranza con patacas, chícharos, etc.