Entradas etiquetadas como ‘Ponteareas’

Dando exemplo de Educación Ambiental: Limpeza na beira do río

Venres, Maio 6th, 2016

Como xa ben sendo tradición, dende fai 18 anos, os alumnos de 2º de ESO realizaron unha saída á Moscadeira para levar a cabo unha labor exemplarizante: a limpeza dun tramo do río Tea en Ponteareas.

Ataviados con luvas, sacos, carretas e, sobre todo, conscientes da importancia de loitar frente ao deterioro do medio natural, alumnos e profesores traballaron con entusiasmo recollendo diferentes tipos de refugallos que contaminaban a zona. Plásticos, latas de refresco, teas, redes, vidros, e ata unha xardiñeira cerámica e restos un inodoro foron parte do lixo recollido. A cantidade de desperdicios atopada sorprendeu aos alumnos e resultou a mostra evidente da “presión” que a actividade humana está a exercer nos sistemas fluviais.

Foi unha xornada moi educativa na que os alumnos sentíronse axentes activos na protección e o respecto polo noso planeta, e na que se convenceron de que todos podemos levar a cabo accións para frear o seu deterioro.

Para ver o álbume completo preme aquí.

 

Magosto + reciclaxe + río Tea

Martes, Novembro 19th, 2013

O pasado venres 15 de Novembro celebramos o magosto. Os alumnos e familias  de E. Infantil e E. Primaria elaboraron cestas con material de refugallo para depositar as castañas asadas. Os alumnos de ESO celebraron o magosto logo dunha unha andaina pola beira do río Tea duns 4 Km na Bouza Vella.

Se queredes visualizar como o celebramos podes visitar no facebook  este enlace (celebramos o magosto)

 

Estudo da calidade da auga do río Tea 2012

Sábado, Abril 7th, 2012

De novo, os alumnos e alumnas de 2º ESO no pasado mes de marzo, participaron nunhas sesións prácticas adicadas a coñecer como valorar a posible contaminación á que pode estar sometido un curso de auga. O lugar escollido para a realización das medicións e as mostraxes voltou a ser “A Moscadeira”.  Non deixa de sorprenderlles que pequenos invertebrados que habitan no fondo do río poidan servir de valiosos indicadores do grao de contaminación do mesmo.

Os alumnos de 1ºE.S.O. pasan un día no Kiriko

Martes, Decembro 1st, 2009

O pasado mércores 18 de novembro os alumnos de 1º da E.S.O. foron ata a Granxa – Escola “O Kiriko” onde viviron unha xornada adicada a sostenibilidade.

Comezaron por dar un paseo polos terreos da Granxa, para observar ós animais e outras instalacións como a zona de compostaxe. Despois participaron nun concurso sobre sostenibilidade, onde o interese por gañar levou  ós nenos a pasar momentos divertidísimos.

Logo dun bo xantar e un merecido tempo de lecer, remataron o dia facendo, a partires dunha lata de refresco vacia, un bonito recipiente que pode ter varios usos: borralleiro, moedeiro, etc.

En resumo, un dia completo de “medio ambiente” no cal os nenos disfrutaron do lindo.

Recollendo berzas

No concurso

As nosas manualidades listas

Lembramos os 150 anos da TEORIA DA EVOLUCIÓN de Darwin

Venres, Novembro 27th, 2009

O 24 de novembro de 2009 cumpríronse 150 anos da publicación do famoso libro de Charles DarwinA orixe das especies”. Esta data serviunos para botar o peche a actividade que vimos desenvolvendo dende hai seis semanas contorno a figura deste extraordinario naturalista inglés. Daquela:

Nenos, nenas, pais e nais contemplando os paneis.

  • Proxectamos ao longo da semana, para todos os/as alumnos/as da ESO, o documental da BBC “Charles Darwin and the tree of life“.
  • Expuxemos nese mesmo día no patio do cole, a nais, pais e os compañeiros de primaria, todos os paneis que serviron neste tempo para COÑECER A DARWIN.
  • Demos por rematado o concurso que complementaba a actividade coa publicación dos resultados e o anuncio das gañadoras:
  1. Leticia Columna Amoedo: 4º ESO A
  2. Leidy Lorena Guerra Ochoa: 4ºESO B
  3. Giovanna de Carballo Gomés: 4º ESO A

NORABOA AS TRES GAÑADORAS POLA SÚA CONSTANCIA E BÓ SABER, E TAMÉN AOS OUTROS 80 ALUMNOS E ALUMNAS QUE PARTICIPARON DE XEITO VOLUNTARIO NESTE CONCURSO.

HISTORIAS DUNHA ÁRBORE MILENARIA

Venres, Novembro 20th, 2009

Eran as nove da mañá e os nenos do primeiro ciclo de primaria e as súas profes, aínda despreguizándose e ben abrigadiños protexéndose do frío, agardaban ansiosos o momento de coller o autobús que lles transportaría ao auditorio de Caixanova en Vigo. Alí agardaban, xa vestidos coas súas ropaxes, o grupo de actores dunha fantástica obra de teatro onde, entre todos, aprenderían a necesidade de respetar e protexer a natureza.

Na viaxe, non faltaron os cánticos tradicionais dunha típica saída escolar, facendo saber ao conductor que de garganta …. imos ben. Por sorte, fomos o segundo colexio en chegar, así que collemos os mellores asentos para non perder detalle. E por fin …. apáganse as luces, os nenos acomódanse nos seus asentos e o escenario ilumínase deixando ver o decorado.

A obra contaba a historia dun leñador moi ambicioso e da última árbore que lle quedaba por cortar. Pero a árbore, a través de contos e fábulas, faille entender a importancia do bosque, dos animais, da terra, da auga e sobre todo, do respeto pola vida, dunha forma divertida onde atopará novos amigos.

 

DARWIN. VEXO E APRENDO. FAGO E ENTENDO.

Martes, Novembro 17th, 2009

Os nenos de 5º de Primaria estivemos preparando este PPT sobre DARWIN para conmemorar os 200 anos do seu nacemento.

Amosamos o noso traballo aos nosos compañeiros de 6º que tamén aprenderon sobre o tema.

Agora temos colgadas as diapositivas no noso pavillón para compartilo con todos os alumnos de Primaria.

Se queres saber máis ¡VEN A VISITARNOS!.

 

embedded by Embedded Video

YouTube Direkt

Experiencia piloto da actividade: “un día sen electricidade”

Sábado, Novembro 14th, 2009

Somos animais dependentes da electricidade? Poderiamos vivir sen as vantaxes que nos proporciona a tranformación de electricidade noutras formas de enerxía? Sabrías como sería un día da túa vida sen non dispuxeramos de electricidade?

Se queres dar coa solución a estas preguntas non tes máis que apuntarte á experiencia piloto que se desenvolverá nas vacacións de Nadal:

A nosa idea é que todos os integrantes do colexio experimentemos o que supón estar todo un día sen luz, ordenadores, móbiles, calefacción,… Pero antes diso é necesario facelo a pequena escala (grupo de voluntarios).

Para os participantes de 2º, 3º e 4º de ESO: A participación na experiencia piloto e posterior presentación de resultados terá unha valoración de 2 puntos sobre a nota do tema  “A electricidade” na área de Tecnoloxía para 2º e 3º; para os de 4º de ESO sobre a nota do tema “A electrónica”.

Máis información sobre a electricidade en unesa, e materiais curriculares para jóvenes premiados polo MEC como “Iniciación a la Electricidad/electrónica”, ou “Introducción a la electricidad”.

Xa podemos “coñecer mellor” a Darwin

Venres, Novembro 13th, 2009

Unha das portadas dos libros doados

O CSIC (Consejo Superior de Investigaciones Científicas) doa para a nosa biblioteca 7 libros coa tradución ao español de importantes obras de Charles Darwin.

Xunto coa exposición-concurso “Coñecendo a Darwin”, se queredes seguir afondando na figura deste extraordinario científico, podedes visitar a biblioteca do centro e consultar ou recoller en préstamo calquera destos títulos:

A variación dos animais e as plantas baixo domesticación (2 tomos).

– Plantas insectívoras (2 exemplares).

– Os movementos e hábitos das plantas trepadoras (2 exemplares)

– A estrutura e distribución dos arrecifes de coral (2 exemplares)

PÁSATE POLA NOSA BIBLIOTECA !!

Primeiros datos deste curso do papel reciclado nas aulas

Martes, Novembro 10th, 2009

A cousa vai.

No mes de Octubro temos recollido 35.5 Kg de papel nas aulas.

Pero lembrade:

      1-. compre non estragar o papel

      2-. reutiliza o papel que poidas para outras tarefas escolares (facer contas, repetir esquemas,…)

      3-. dalle outra utilidade ao papel que vas a tirar (facer guirnaldas, construir xoguetes,…)

      e por último a reciclar para obter novamente a materia prima.

Concursiño: 0’5 puntos extra para o tema de “materiais” de Tecnoloxía de 2º e 3º de ESO para quen indique de que materia prima estamos a falar.

ojd