Entradas etiquetadas como ‘magosto’

Magosto + reciclaxe + río Tea

Martes, Novembro 19th, 2013

O pasado venres 15 de Novembro celebramos o magosto. Os alumnos e familias  de E. Infantil e E. Primaria elaboraron cestas con material de refugallo para depositar as castañas asadas. Os alumnos de ESO celebraron o magosto logo dunha unha andaina pola beira do río Tea duns 4 Km na Bouza Vella.

Se queredes visualizar como o celebramos podes visitar no facebook  este enlace (celebramos o magosto)

 

Xa chega o Magosto

Domingo, Novembro 3rd, 2013

Ola,  o Magosto definitivamente este Venres 15 de Novembro. Iremos consultándoo en meteogalicia.

Como anos atrás os alumnos de ESO iremos andando pola beira do río Tea ata a Bouza Vella. Aproveitaremos a andaina para estudar a xeomorfoloxía, e a vexetación asociada a este tramo do río.

 

Novas do magosto celebrado cos alumnos da ESO

Mércores, Novembro 28th, 2012

Ola a todos:

Tivemos que celebrar o magosto nunha tarde que non choveu no patio do centro. Así pois, non puidemos facelo como en anos anteriores:

  • andaina á beira do río Tea ata a Bouza Vella (1 hora ida e outra volta por camiños de pescadores)
  • non pudemos desenvolver a actividade de descripción da paisaxe e análise do perfil do río,
  • non pudemos celebrar o magosto coas nosas cociñas solares (as horas de insolación foron insuficientes para o asado das mesmas). Este mes vai cheo de choiva ou néboa que se esvae a iso das 13 horas.

Cando as condicións ambientais sexan favorables retomaremos ditas actividades. Mentras, podemos visualizar as FOTOS do magosto que están colgadas na web do colexio.

Magosto e reciclaxe

Xoves, Novembro 8th, 2012

Xa estamos novamente. Hoxe acabamos de aplazar o magosto para E. Infantil e E. Primaria: mira que porse a chover precisamente agora (fallaron as previsións vistas na rede).

É igual, celebrarémolo tan pronto como o tempo acompañe. Polo pronto, nenos e pais,  xa teñen feitos con material de refugallo diferentes recipientes para depositar as castañas asadiñas.

Os alumnos da ESO iamos a celebralo mañán: paseo dunha hora pola beira do río Tea ata chegar á Bouza Vella, pero vai ser que non. Seguiremos informando,….

Magosto da ESO=paseo polo TEA

Luns, Decembro 5th, 2011

Un ano máis os alumnos da ESO disfrutaron do magosto no parque A Bouza Vella. Para chegarmos alí desde o colexio, unha andaina á beira do río Tea dunha hora. Fumos quen de observar o bosque de ripisilva e do estado do mesmo nesta xornada. Na presentación que agora se observa os protagonistas os nenos, de fondo, o noso río.

Actividades previas ao Magosto

Xoves, Decembro 1st, 2011

Os alumnos de E. Infantil e E. Primaria realizan cestiñas con material de refugallo para gardar as castañas asadas antes de comelas.

Como sairon tan bonitiñas estiveron expostas ata que o tempo nos acompañou e o celebramos.

Os alumnos da ESO foron á Bouza Vella a celebralo: como todos os anos aproveitarán a camiñata para visualizar o estado do río Tea. (Tranquis, que estamos a montar unha presentación para a que a vexades).

EN BUSCA DE LANDRAS

Xoves, Decembro 1st, 2011

Escrito por Carmiña González

20 de outubro de 2011 ás 12 h.

Os alumnos de 4º de Primaria sairon o xoves 20/ 11 a coller landras a Moscadeira para crear  un viveiro. Levaron: bolsas, recipientes e palas.

Primeiro recibiron información das árbores que dan as landras

Buscaron as árbores.

Observaron a paisaxe do autono.

Recolleron as landras que estaban secas.

Buscaron terra escura rica en humus.

Recolleron follas seca sen estado de descomposición.

Plantío:

Cada alumno/a plantou as súas landras no seu recipinte, seguindo as instrucións indicadas

Regreso ao colexio deixaron os recipientes nun lugar protexido para ser controlado

Os alumnos de ESO celebran o magosto

Xoves, Novembro 11th, 2010

Como xa aconteceu o ano pasado, os alumnos de ESO celebramos o magosto na Bouza Vella (camiñata á beira do río e xogos). Aproveitamos para sacar fotos á natureza e observar novamente a contaminación.

Tedes opción de visualizar todas as fotos no album do cole que subimos en Picasa

Camiño da Bouza Vella

De volta, cruzando o río Tea

Así celebramos o magosto os alumnos de ESO

Mércores, Novembro 4th, 2009

Os alumnos de ESO celebramos un magosto no parque forestal “A Bouza Vella” en Ganade (Ponteareas). Saímos andando desde o colexio e fumos pola beira do río Tea. Visualizamos as árbores da ripisilva, a depuradora de Ponteareas que non cumple coa súa función, a acción da auga sobre as beiras do río,… pero tamén o pasamos ben xogando e comendo todos xuntos. Velaí como vivimos esta xornada.

embedded by Embedded Video

YouTube Direkt

ojd