Entradas etiquetadas como ‘ACTIVIDADES’

A voltas coas casas bioclimáticas

Luns, Maio 2nd, 2016

Os proxectos dos alumnos de 3º de ESO relacionados coas casas bioclimáticas xa están rematados. Pero había que ir máis lonxe, e un grupiño deles decidiu presentarse ao I Premio Nacional de Iniciación a la Investigación Tecnológica”. Javier Abalde, Saúl Álvarez, Sergio Araujo e Ernesto Rodríguez foron quen de darlle un toque extra a súa maqueta; así o resumen:

“Ser conscientes dos factores que poden influir na eficiencia enerxética das casas nas que vivimos resulta un tanto difícil. Para poder aprender, e á vez ensinar aos nosos compañeiros de forma máis atractiva e intuitiva cómo podemos mellorar a eficiencia enerxética das casas, decidimos realizar unha maqueta. En esencia, o noso proxecto consiste na construción de dita maqueta que presenta algunhas das características típicas nas que se basea a arquitectura bioclimática. Realizamos el siguiente vídeo onde se pode apreciar o noso traballo”

Pero non remata aí a cousa: tiveron que redactar e deseñar un documento onde se recolle toda a información, que elaborar un holograma, que descargar e programar un asistente virtual,…

Noraboa polo voso entusiasmo e pola vosa autonomía (a isto os pedagogos seica lle chaman “aprender a aprender” ).Pois o dito, un exemplo  de boas prácticas no estudo para o resto de compañeiros.

 

Datos sobre o desxeo no polo norte

Sábado, Marzo 19th, 2016

Hoxe puidemos colaborar na concienciación contra o cambio climático apagando os nosos aparellos eléctricos: a hora do planeta.

Visualizade o seguinte estudo (en 30 segundos) e pensade por vós mesmos.

http://svs.gsfc.nasa.gov/cgi-bin/details.cgi?aid=4435

É momento da acción.

 

 

 

 

Casas bioclimáticas: a construción con sentidiño

Martes, Marzo 15th, 2016

Crise, afundimento do ladrillo, perda de postos de traballo, contaminación, corrupción,…

Eficiencia enerxética, crecemento sostible, enerxías renovables, novas tecnoloxías, confort, o ser humano…

E diante destes dous modelos antagónicos os alumnos de 3º de ESO estudan as características que deberían ter as casas bioclimáticas; mentras o fan, construen maquetas ilustrativas.

 

Celebrando o Día Internacional da Acción polos Ríos

Luns, Marzo 14th, 2016

Hoxe é día de celebración, pero mañán é tempo de acción.

Efectivamente,  tras 18 anos consecutivos, mañán martes os alumnos de 2º de ESO realizarán a limpeza das beiras do río Tea ao seu paso por Ponteareas.  Todo un clásico no noso facer relacionado coa educación ambiental. ÁNIMO.

Visita ás “Arribes del Duero” e a un obradoiro de olaría. Día 3.

Venres, Novembro 27th, 2015

A nosa participación no Ceam de Villardeciervos levounos ate o Parque Natural de Arribes del Duero. O itinerario comezou, despois dun breve traslado en autobús, na ermida da nosa Señora do Castelo, preto do miradoiro das barrancas, desde o que xunto con espectaculares vistas dos escarpados canóns escavados polo río Douro, puidemos contemplar en pleno voo a unha das poboacións máis abundantes de voitres de toda a Península. A partir de aquí, entre enebros ao principio e aciñeiras despois, percorremos boa parte do arroio Pisón até o pobo de Fariza.

Despois de comer, visitamos o taller de olaría de Mª Carmen, en Movemos. Alí puidemos observar pampos como, co torno e as súas mans, elaboraba coa especial arxila da zona diferentes pezas cunha habilidade sorprendente. Todos quixemos probar a facelo, pero só algúns puideron comprobar que este oficio milenario require á vez que técnica, moita práctica. Interesantísima actividade da que algúns levarán un recordo para toda a vida (se non cae e rompe).
Taller de historia da navegación para concluír o día coa construción dun recortable que funciona como un astrolabio, que permite determinar a altura dun astro e deducir, segundo esta, a hora e a latitude

.

  

 

  

   

Visita a Peña del Castro, GPS, velas e unha radiografía

Xoves, Novembro 26th, 2015

Amenceu un frío pero asollado día en terras de Zamora e os 47 mozos e mozas dos dous centros, despois de coller forzas cun bo almorzo e organizar as súas habitacións, dispuxéronse a encarar unha estupenda mañá.

Os seus monitores tíñanlles preparado un bonito itinerario pola serra, no que a través de variadas microleccións de botánica, zooloxía e xeoloxía, co seu correspondente caderno de traballo, foron lembrando sobre o terreo moitos dos contidos impartidos ao longo destes anos nas aulas.

Pola tarde seguiron en contacto coa súa contorna natural realizando un exercicio de orientación no campo con sistema GPS, para xa continuar nas instalacións do centro cun obradoiro de confección de velas con diferentes fragrancias.

A xornada deparáballes unha última sorpresa cun paseo nocturno baixo unha lúa chea que o iluminaba todo, para tentar descubrir os sons da noite no bosque, que concluíu coa lectura dalgún dos episodios máis significativos do que foi e é a loita pola protección do noso medio ambiente.

A anécdota do día: un pisotón nun dedo de Jorge na noite do luns,  160 Km ida e volta a Zamora para unha radiografía, 4 horas (toda a tarde) para confirmar o que todos desexabamos: con este mozo non hai quen poda.

Mañá itinerario polas “Arribes do Douro”.

 

Os alumnos de 4º de ESO no CEAM de Villardeciervos

Mércores, Novembro 25th, 2015

24 alumnos e alumnas de 4º ESO iniciaron este luns a súa estadía dunha semana no Centro de Educación Ambiental de Villardeciervos (Zamora) xunto con outros tantos alumnos do IES Ribera del Jalón de Arcos del Jalón (Soria), onde realizarán en convivencia unha serie de actividades, rutas e obradoiros co obxectivo de seguir traballando hábitos e valores en Educación Ambiental.
A nosa participación foi posible grazas á aprobación por parte do Ministerio de Educación, Cultura y Deporte do proxecto presentado polo notro centro no que ademáis de promover o contacto dos alumnos coa contorna natural, realizaremos unha comparativa entre a calidade das aguas do noso río Tea e as augas doutro río como é o Tera, que discorre por esa comarca zamorana.
Neste primeiro día, vivido polos nosos alumnos con ilusión, curiosidade e entusiasmo, fumos acollidos á chegada polos monitores do centro que nos acomodaron, explicaron  o seu funcionamento e  normas de convivencia e nos ensinaron o pobo de Villardeciervos a traverso dunha entrenida gymkana polas súas rúas. Maña, ben cedo, itinerario pola serra…

Mais FOTOS

Elaborando papel reciclado

Luns, Decembro 8th, 2014

Un ano máis os alumnos de 1º de ESO elaboran papel reciclado a partires, neste caso, de xornais usados na aula. En seguintes sesións realizarémolo coma sempre co papel depositado nos colectores das aulas.

 

Máis fotos neste ALBUM

Alumnos de 4º de ESO preparan un paseo pedagóxico polo Tea

Luns, Decembro 8th, 2014

 

De como os alumnos de 4º de ESO  preparan un paseo pedagóxico e actividades lúdicas para o resto de alumnos do centro. Simulan a creación dunha empresa de divulgación medio ambiental á beira do río Tea que nomean paTEAndo.  

 

Aquí tedes máis fotos: paTEAndo

 

Conmemorando o World Fish Migration Day

Venres, Maio 23rd, 2014

Celebramos hoxe cos alumnos de 3º e 4º de ESO o World Fish Migration Day. Marcial Carrera, pai dun alumno de 4º de ESO e axente de protección do medio ambiente falounos do traballo desenvolvido na Estación de Control de Peixes de A Freixa. Asemesmo, visualizamos un espectacular vídeo de Manuel E. Garci titulado “Os mares doces de Galicia” presentado na XVI Semana de Cine Submarino de Vigo onde as máis das secuencias foron rodadas no noso río Tea: lampreas, salmóns e anguías os protagonistas deste impresionante documento gráfico.

Logo fumos de andaina ata dita estación na Freixa e alí asistimos a unha simulación de pesca eléctrica para a mostraxe dos peixes xunto coa Directora Xeral de Conservación da Natureza Dª Verónica Tellado Barcia e máis do Xefe Provincial de dito organismo.

Agradecemos a Marcial Carrera a súa amena e didáctica exposición así como a súa inestimable colaboración.

https://plus.google.com/photos/106448770609519979604/albums/6016732007195263329?authkey=CNOJk6vFyraGDA

ojd