colexiosantiagoapostol

Na Semana da Ciencia alumnos/as de Secundaria convertéronse en divulgadores do que aprenderon en clase e ensinaron aos seus compañeiros de secundaria e de primaria experimentos que  explican o por que de feitos cotiáns relacionados coa auga.

Os alumnos/as de Educación Primaria, seguiron con atención as explicacións e participaron activamente na experiencia.

Outra das actividades desenvolvidas co gallo da Semana de Ciencia foi a conferencia impartida por Andrés Sampedro (concellal de Cultura do Concello de Ponteareas e Presidente da Asociación de Amigos dos Muíños) e Javier Lores (ex-profesor e vicepresidente da citada organización).

A súa conferencia versou por un lado, sobre os tipos e funcionamento dos muíños de auga en Galicia, e por outro, na cultura asociada ao mundo dos muíños (tradicións, cantares, …) .

Alumnas presentando a D. Javier Lores (centro) e D. Andrés Sampedro

Nun momento da conferencia

Tras a súa participación en Galiciencia 2010, onde deron a coñecer os resultados dos seus traballos sobre a calidade da auga do río Tea en Ponteraeas, as alumnas de 3º de ESO, Alicia, Marta, Silvia, María Domínguez e María Otero preséntannos as memorias destes estudos onde se inclúen as conclusións ás que chegaron. PDF da memoria I PDF da memoria II

Podedes visualizar máis fotos de Galiciencia 2010 no noso  álbum en Picasa

Os alumnos de 3º de Educación Primaria presentaron a todos os alumnos o seu proxecto “O consumo responsable da auga” que levarán a cabo durante todo o curso  no noso centro. Noraboa a todos eles por explicarnos tan ben o que xa están a realizar: seguiremos as indicacións que nos recomendedes que fagamos a partires de agora. Bo traballo nenos; e noraboa tamén á profe que está a coordinar o seu traballo: Pili Gallego. Seguide así.

Nun momento da súa exposición

Podedes visualizar máis fotos no noso album en picasa.

O xoves 2 de decembro, os alumnos/as de educación infantil realizaron a súa actividade da semana da ciencia.
Foi unha tarde chea de experimentos coa auga que nos fixeron gozar, aprender curiosidades e tamén reflexionar. Puidemos experimentar cos sentidos, interactuar coa natureza da auga e formulámonos cal é a razón pola que uns corpos flotan, outros se afunden e algúns quedan mergullados sen moverse.
Foi unha tarde moi frutífera, tanto en diversión coma en aprendizaxe. Grazas Marta, Pili e  Montse por permitirme pasar unha tarde convosco  e os vosos alumnos/as. Ver fotos. 

embedded by Embedded Video

YouTube Direkt

O martes 22 de Novembro os alumnos de Ed. Primaria asistiron á charla impartida por Verónica e Victor de Ecoldivulga co título “O trotaaugas viaxa cara as Gándaras de Budiño”. Decubriron un mundo en cada un dos animais e vexetais dos nosos humedais.

O martes 22 de novembro os alumnos de ESO visualizaron a película “Océanos”; e o mércores 23 foi a quenda dos alumnos de E. Primaria: fantásticas imaxes do mundo subacuático dos nosos mares e impactantes imaxes de denuncia do impacto da actividade humana sobre os nosos mares.

Para o mércores 23 está programado que a vexan os alumnos de E. Primaria.

Cinco alumnas: María Domínguez,  Silvia Gille,  María Otero, Alicia Rodríguez,  e Marta Sestelo baixo a dirección do profesor Jose Davila presentan aos alumnos de ESO os seus proxectos investigadores dentro das actividades da semana da ciencia. Ditos proxectos serán presentados os días 24-26 en Galiciencia 2010 a celebrar en Tecnópole (Ourense).

A grandes rasgos diremos que estudaron as características físico-químicas no río TEA antes e despois da estación depuradora de augas residuais así como os macroinvertebrados existentes (que actúan como bioindicadores da contaminación).

Nun momento da exposición do seu proxecto

En fin, que nos aclararon (CON DATOS CIENTÍFICOS) o estado no que se atopa o noso río Tea, pero iso faranno neste blog ao longo dos vindeiros días logo do seu paso por Tecnopole.

Parabens polo seu sesudo e completo traballo. E tamén para o profe: grazas Jose.

Por cuarto ano consecutivo celebramos a nosa particular semana da ciencia no colexio. Iniciámola coa presentación dos actos por parte de dúas alumnas (Laura alonso e Andrea Pardellas). Fixérono moi ben. Noraboa.

Podedes visulalizar máis fotos da presentación no noso album en Picasa

Escomenzamos a nosa IV Semana da Ciencia do 23 ao 26 de Novembro. Polo momento, facemos público o cartel coas activiades a realizar. Esperemos que sexan do voso agrado.