Entradas para la categoría ‘Río Tea’

Conmemorando o World Fish Migration Day

Venres, Maio 23rd, 2014

Celebramos hoxe cos alumnos de 3º e 4º de ESO o World Fish Migration Day. Marcial Carrera, pai dun alumno de 4º de ESO e axente de protección do medio ambiente falounos do traballo desenvolvido na Estación de Control de Peixes de A Freixa. Asemesmo, visualizamos un espectacular vídeo de Manuel E. Garci titulado “Os mares doces de Galicia” presentado na XVI Semana de Cine Submarino de Vigo onde as máis das secuencias foron rodadas no noso río Tea: lampreas, salmóns e anguías os protagonistas deste impresionante documento gráfico.

Logo fumos de andaina ata dita estación na Freixa e alí asistimos a unha simulación de pesca eléctrica para a mostraxe dos peixes xunto coa Directora Xeral de Conservación da Natureza Dª Verónica Tellado Barcia e máis do Xefe Provincial de dito organismo.

Agradecemos a Marcial Carrera a súa amena e didáctica exposición así como a súa inestimable colaboración.

https://plus.google.com/photos/106448770609519979604/albums/6016732007195263329?authkey=CNOJk6vFyraGDA

Coas mans río Tea…

Domingo, Marzo 23rd, 2014

…nunca mellor dito.

Aproveitamos o sol de principios de marzo, e alí marchamos, ao río cos alumn@ de 2º de ESO. Un ano máis coa inquedanza de non saber cal sería  a resposta dos rapaces e rapazas fronte a actividade plantexada, pero convencidos da importancia da labor a desenvolver. E un ano máis séguenos a sorprender. Disípanse ás nosas dúbidas. Collen as luvas, observan o seu contorno emporcado, e alá van. Non importa que recoller, nin onde recollelo, teñen que limpar aquilo. Plásticos, latas, papeis, caixas, rodas…, todo o que non ten que estar alí, todo o que afea o río. Todo polo coidado do noso contorno e pola biodiversidade do noso río.

Noraboa, xamáis defraudades !!

Alumnos de 4º de Primaria saen ao río Tea

Mércores, Decembro 18th, 2013

O pasado mércores 27 de  novembro os alumnos de 4.º de Educación Primaria visitaron A Moscadeira, como actividade integrada no proxecto Voz Natura. Esta saída tivo como finalidade coñecer a importancia das árbores para os ríos, ver as diferentes clases de árbores, observar o entorno e, por suposto, ¡pasalo ben!

Se queredes ver as fotos deste actividade, podedes facelo pinchando neste enlace.

 

Preparando vídeos e murais sobre o río Tea

Xoves, Novembro 28th, 2013

Os alumnos de 4º de ESO , logo de buscar información e das saídas realizadas ao río Tea, están a elaborar murais  e vídeos sobre aspectos tan variados como o ciclo do carbono ou a xeomorfoloxía asociados ámbolos dous ao río Tea, completando o realizado en anos anteriores polos seus compañeiros.

Noraboa!, a cousa vai marchando.

 

Magosto + reciclaxe + río Tea

Martes, Novembro 19th, 2013

O pasado venres 15 de Novembro celebramos o magosto. Os alumnos e familias  de E. Infantil e E. Primaria elaboraron cestas con material de refugallo para depositar as castañas asadas. Os alumnos de ESO celebraron o magosto logo dunha unha andaina pola beira do río Tea duns 4 Km na Bouza Vella.

Se queredes visualizar como o celebramos podes visitar no facebook  este enlace (celebramos o magosto)

 

Saídas ao río Tea

Xoves, Novembro 14th, 2013

O martes 12 e o xoves 14 de novembro os alumnos de Bioloxía de 4º de ESO sairón ao río Tea para fotografar e grabar vídeos para a elaboración de plotters e vídeos. Os resultados de aquí a uns meses. Bo traballo.

Velaquí a alguns deles no seu quefacer. Album de fotos

Xa chega o Magosto

Domingo, Novembro 3rd, 2013

Ola,  o Magosto definitivamente este Venres 15 de Novembro. Iremos consultándoo en meteogalicia.

Como anos atrás os alumnos de ESO iremos andando pola beira do río Tea ata a Bouza Vella. Aproveitaremos a andaina para estudar a xeomorfoloxía, e a vexetación asociada a este tramo do río.

 

Procesos fluviais e xeoformas no río Tea

Luns, Marzo 25th, 2013
IMG_2613

Ao lado dun corte con estratos orixinados por depósitos de aluvión.

Incluida nas actividades do noso proxecto medioambiental, na primeira semana deste mes realizamos cos alumnos/as de 3º E.S.O. unha saída de recoñecemento ao río Tea, completando deste xeito o estudo da súa xeomorfoloxía. O noso obxectivo, localizar e interpretar procesos e xeoformas fluviais.

Cheas no río Tea

Domingo, Xaneiro 20th, 2013

Levamos un curso pasado por auga. Moitas das nosas actividades céntranse no río Tea e aínda non pudemos facer saídas ao río para levalas a cabo. Que non o credes: velaquí como vai o río onde facemos as actividades (limpeza, cálculo da velocidade da auga, estudo dos macroinvertebrados, das árbores,…)

embedded by Embedded Video

YouTube Direkt

 embedded by Embedded Video

YouTube Direkt

Novas do magosto celebrado cos alumnos da ESO

Mércores, Novembro 28th, 2012

Ola a todos:

Tivemos que celebrar o magosto nunha tarde que non choveu no patio do centro. Así pois, non puidemos facelo como en anos anteriores:

  • andaina á beira do río Tea ata a Bouza Vella (1 hora ida e outra volta por camiños de pescadores)
  • non pudemos desenvolver a actividade de descripción da paisaxe e análise do perfil do río,
  • non pudemos celebrar o magosto coas nosas cociñas solares (as horas de insolación foron insuficientes para o asado das mesmas). Este mes vai cheo de choiva ou néboa que se esvae a iso das 13 horas.

Cando as condicións ambientais sexan favorables retomaremos ditas actividades. Mentras, podemos visualizar as FOTOS do magosto que están colgadas na web do colexio.

ojd