Entradas para la categoría ‘Río Tea’

PARTICIPACIÓN EN GALICIENCIA 2018

Venres, Maio 25th, 2018

Tras participar na  III Semana das Ciencias de Ponteareas agora as nosas alumnas Laura Carballido, Marta D. Mera e Alba Ubeira  de 3º de ESO, e Ainhoa Cordero (4º ESO) expuseron os seus traballos de investigación na feira científica GALICIENCIA 2018 celebrada en Ourense.

Marcharon  o pasado martes 8 e desde o mércores 9 ata o venres 11 foron quen de expor aos visitantes as súas experiencias. Ao mesmo tempo conviviron con outros mozos e mozas de Galicia e Cataluña, intercambiaron experiencias, visitaron a cidade de Ourense, relaxáronse nas termas de Outariz, recibiron a visita dos alumnos de 4º de ESO a dita exposición… Todo unha experiencia que nunca esquecerán.

Velaquí os seus traballos:

“Francamente, dannos ás as bebidas enerxéticas?”, Alba Ubeira e Ainhoa estudan o consumo das bebidas enerxéticas que fan os mozos de Ponteareas co fin de coñecer patróns de consumo e dar a coñecer os riscos que supón.

Laura Carballido e Marta D. Mera co traballo “Árbores bioinvasoras no río Tea, verdade ou ficción?” cuantificaron o número de árbores invasoras nun tramo do río preto de Ponteareas co fin de concienciar do impacto que xa están a ter no ecosistema.

Este traballo sirve de base para o proxecto que imos a desarrollar a nivel ambiental para o ano que ven, esperemos que na nosa 19 participación consecutiva en VOZ NATURA.

Árbores invasoras no Congreso de Alumnado na Semana das Ciencias de Ponteareas

Domingo, Maio 13th, 2018

Dentro da III Semana das Ciencias de Ponteareas, as alumnas de 3º de ESO, Laura Carballido e Marta D. Mera presentaron a súa ponencia no Congreso do alumnado “Futuras/es investigadoras/es”.

Baixo o título  “Árbores bioinvasoras no río Tea, verdade ou ficción?” Laura Carballido e Marta D. Mera co traballo cuantificaron o número de árbores invasoras nun tramo do río preto de Ponteareas co fin de concienciar do impacto que xa están a ter no ecosistema.

                        Marta (no centro) e Laura (á dereita), xunto con otra compañeira no Congreso.

Laura e Marta co seu titor de investigación (Nando)

Algúns dos ponentes coa Concelleira de Educación do Concello de Ponteareas

 

Podedes visualizar a súa presentación no seguinte vídeo:

Árbores bioinvasoras no Tea, verdade ou ficción?

Ponencia de Laura Carballido e Marta Domínguez no Congreso do alumnado na Semana das Ciencias.

Publicada por Cpr Plurilingüe Santiago Apóstol de Ponteareas en Miércoles, 18 de abril de 2018

Saída de paTEAndo

Mércores, Novembro 15th, 2017

Mércores 15 de novembro: saída para ir fixando conceptos de ecoloxía. Segue sen chover.

 

 

XOGOS DO PROXECTO PATEANDO

Mércores, Outubro 18th, 2017
Para o proxecto Pateando faremos os seguintes xogos:
-Tiro con landra.
-Pita árbore.
E varios xogos máis que son inventados por nós e que iremos desvelando
a medida que vaiamos avanzando.

O traballo continúa

Xoves, Novembro 10th, 2016

Boas a todos. Dende a semana pasada estamos divididos en grupos para adiantar máis o traballo:

-Pablo e Adrián están organizando os lugares onde imos a definir os conceptos.

-David foi quen fixo o logotipo da empresa ficticea e buscou e copiou os contidos para dárnolos a cada un de nós.

-Javier e Ernesto ocupáronse de facer os folletos.

-Sergio, Josué. Lorena e Diego son os encargados de buscar e desenar xogos, para facer a beira do rio, cando saiamos de excursión cos rapaces.

-Noa e Estela foron as encargadas de redactar una carta formal e enviarlla ao colexio para pedir permiso para realizar a excursión co alumnado do centro (ogallá que nos deixen).

-Aida e eu (os máis importantes do grupo) somos os encargados de redactar o traballo diario e publicalo no blog, aparte de axudar no que podemos aos demáis grupos.

 

paTEAndo¡ O comezo de algo grande.

Luns, Novembro 7th, 2016

 

Ola a todos, dende o último post xa adiantamos moito traballo. Xa nos dividimos os contidos e o traballo para facer, como os folletos e a carta para enviarlla ao CPR Santiago Apóstol. Ademáis estamos  a piques de subir contidos de paTEAndo, como imaxes e demáis, a Facebook. A semana pasada saímos por segunda vez ao río Tea para ver onde explicaríamos os contidos.

 

Alumnos de 4º de ESO presentan o seu proxecto paTEAndo

Xoves, Outubro 6th, 2016
Escrito por Aída Domínguez e Brandon Groba en representación dos alumnos de Bioloxía de 4º de ESO:

Ola rapaces e rapazas, tanto do Santiago Apóstol coma doutras partes do mundo. Somos os alumnos de 4º A da ESO e acabamos de empezar o noso proxecto: levaremos ós alumnos de 3º, 4º, 5º e 6º de primaria a dar unha volta polo río Tea mentras lles explicamos uns conceptos sobre o ecosistema. O noso proxecto consiste en crear unha hipotética empresa que oferte servizos de divulgación científico-ecolóxica relacionados coa nosa contorna: o río Tea. Chamámola PaTEAndo. Este é o noso logotipo.

“Arbolappeando”

Xoves, Maio 12th, 2016

Ademais dunha evidente utilidade lúdica os dispositivos móbiles, como tablets, smartphones, etc., poden resultar unha divertida ferramenta educativa. No panorama actual no que os rapaces empregan as novas tecnoloxías con fins fundamentalmente comunicativos, recreativos e baleiros de contidos parecéunos idóneo o emprego duna aplicación TIC para levar a cabo unha actividade formativa relacionada coas plantas e a contorna natural que nos rodea.

ARBOLAPP é unha aplicación gratuita baseada na investigación do Real Jardín Botánico do CSIC, que mediante a cribaxe de características morfolóxicas (follas, froitos, tronco,…) permite profundizar no coñecemento de distintas especies arbóreas e na súa axeitada identificación.

Aproveitando este recurso, e a partir de fichas con imaxes de distintas especies vexetáis, os alumnos/as de 1º de ESO levaron a cabo na aula a identificación precisa dalgunhas das árbores silvestres máis representativas da paisaxe da súa vila. De forma dinámica e grazas ao sinxelo manexo da aplicación puideron ir avanzando nesta “clave virtual” para chegar a diferenciar as árbores  que se lles mostraban nas imaxes.

Foi unha experiencia moi entretida e útil que repetiremos, fora da aula, en próximas excursións á natureza, cuando o tempo o permita, posto que a aplicación funciona de forma autónoma sen necesidade de estar conectada a Internet.

 

Podes ver mais fotos desta actividade premendo aquí.

Avaliamos a calidade da auga do Tea

Venres, Maio 6th, 2016

Por fin a chuvia deunos unha tregua e os alumnos de 2º de ESO puideron levar a cabo unha das actividades máis interesantes incluídas no noso Proxecto de Educación Ambiental: o estudo da calidade das augas do Tea, o seu paso pola Moscadeira.

O obxectivo era valorar o nivel de contaminación esa zona do río Tea mediante a avalición cualitativa de macroinvertebrados bentónicos. Para elo ademais de valorar parámetros como a turbidez da auga, a cantidade de osíxeno disolto ou o pH, realizaron mostraxes no leito fluvial. A finalidad era obter mostras da poboación de macroinvertebrados que viven neste ecosistema para emplegalos como bioindicadores, xa que existe unha relación directa entre o tipo de macroinvertebrados presentes e a calidade da auga. Algúns destes “animaliños” só son capaces de vivir en augas moi limpas, polo que a súa presenza indicará que as augas son de alta calidade. Pola contra, hai certos macroinvertebrados que toleran niveis altos de contaminación.

 

Una vez obtidas as mostras foron trasladadas ao centro onde levamos a cabo a identificación e cuantificación das mesmas. A avaliación do tipo de macroinvertebrados presentes nas mostras permitíunos determinar que o nivel de calidade das aguas do Tea nesta localización é moderada.

Para os rapaces e rapazas esta actividade resultou entretida e mi didáctica. Ademais de aprender dunha forma práctica e amena, nesta ocasión fíxose literal o de que os alumn@s “empapáronse de ciencia”.

Os resultados desta actividade, e a súa relevanza para a Vila de Ponteareas motivaron a sua presentación na Semana das Ciencias organizada polo Concello desta localidade do 18 ao 23 de Abril.

Foron moitos os visitantes que se achegaron  ao noso “stand” para coñecer de primeira man o estudo e recibir detaiadas explicacións da da actividade por parte dos nosos alumn@s, que sentíronse auténticos cientifica@os por un día.

 

Para ver mais fotos da realización do estudo preme aquí.

Para ver mais fotos da presentación do estudo na Semana das Ciencias preme aquí.

Celebrando o Día Internacional da Acción polos Ríos

Luns, Marzo 14th, 2016

Hoxe é día de celebración, pero mañán é tempo de acción.

Efectivamente,  tras 18 anos consecutivos, mañán martes os alumnos de 2º de ESO realizarán a limpeza das beiras do río Tea ao seu paso por Ponteareas.  Todo un clásico no noso facer relacionado coa educación ambiental. ÁNIMO.

ojd