Entradas para la categoría ‘Fornos solares’

Cociñamos arroz na cociña solar tipo funil

Xoves, Abril 25th, 2013

Ola. Hoxe tocou cociñar arroz na cociña tipo funil. Aos  50 minutos estabámolo comendo. A cociña tipo funil acadou 0s 165 ºC.

Para o arroz é aconsellable unha porción de arróz e algo máis dunha porción de auga; sal, cebola, allos e especies ao gusto dos comensais.

En sucesivos días probaremos a proporción exacta de auga e as temperaturas acadadas para obtermos un arroz solto e no seu punto de cocción.

embedded by Embedded Video

YouTube Direkt

O noso primeiro bizcoito co forno solar

Martes, Abril 23rd, 2013

POR FIN CHEGOU O SOL.

Coa súa chegada escomenza no noso cole unha actividade frenética chea das actividades que durante estes meses non pudemos levar a cabo. A que agora presentamos é a elaboración dun bizcoito no noso forno solar. Estaba rico, pero hai que cociñar máis (todos queremos probalo!).

Poremos a Antía e Tamara nas clases de Educación Física, ámbalas dúas con muletas,   a darlle ao brazo para preparalos.

embedded by Embedded Video

YouTube Direkt

 

 

O noso primeiro forno solar

Venres, Marzo 15th, 2013

Ola, somos Paula, Carlos, Alba, Lucía,  Luis e Rubén,  alumnos de 4º da ESO,  e acabamos de construir o noso primer forno solar.

Aquí tedes un video de como o fixemos, esperamos que vos sexa útil.

Agora faremos de aprendices de cociñeiros

embedded by Embedded Video

YouTube Direkt

“Os luns ao sol”

Venres, Marzo 8th, 2013

Levamos xa un ano enteiro traballando na elaboración de fornos solares. O ano pasado se fabricaron 5 fornos tipo funil: fixemos probas de cocción de cachelos, arroz e verduras. Este ano temos elaborado dous fornos solares con cartón e estamos rematando un de madeira. Tiñamos e temos a idea de pórrnonos a cociñar cos fornos solares un día á semana: o noso proxecto chámase “Os luns ao sol”.

Como poderedes percatarvos non sabiades nada de el. Con razón, neste curso 12_13 non levamos unha semana seguida de sol. Un día que aparece despexado aproveitamos para facer pequenas probas, pero non damos conseguido ter continuidade. Esperemos que coa chegada da primavera PODAMOS.

O sol e as cociñas solares

Venres, Marzo 8th, 2013

 

O sol proporciónanos a enerxía vital para a vida no noso planeta. As súas radiacións, entre outras cousas ilumínanos e quécenos. E se aproveitamos parte desa enerxía que nos chega para cociñar?  Non é nada novo. Noutros lugares xa se fai. (Véxase Solar Cooking). Poderiamos facelo en Ponteareas, desde o noso cole e contribuir ao aforro enerxético a nivel global, ao aforro enerxético nas nosas casas?

Os alumnos de 3º e 4º de ESO xa son esa semente que espalle por Ponteareas unha nova forma de enterder a nosa relación co entorno: “Moita xenté pequena, en lugares pequenos, facendo cousas pequenas, poden cambiar o mundo”.

ojd