Entradas para la categoría ‘contaminación’

O Seprona danos unha charla sobre os incendios

Martes, Marzo 6th, 2012

Dous integrantes do Seprona déronnos unha charlas sobre a súa laboura a nivel xeral e sobre os incendios a nivel máis concreto.

Coma nós estamos a velar pola mellora do noso entorno. Grazas.

Limpeza do río Tea

Venres, Maio 6th, 2011

Foi o pasado mes de abril. Un ano máis os alumnos e alumnas de 2º de ESO do noso colexio levaron a cabo a xornada de limpeza dun tramo do río Tea na Moscadeira (Ponteareas), encadrada no proxecto “Voz Natura”. Retiramos  todo aquel lixo que se foi depositando na súa ribeira e tamén no seu leito por descoido ou por mala fe de persoas con pouca ou ningunha sensibilidade cara o medioambiente. Ao remate, todos sentímonos orgullosos de contribuír a preservar o noso patrimonio natural

Limpeza do río Tea_2011 Slideshow: Colexio’s trip from, Galicia, España to Ponteareas was created by TripAdvisor. See another Ponteareas slideshow. Create your own stunning slideshow with our free photo slideshow maker.

Reciclamos papel, logo aforramos auga

Mércores, Abril 27th, 2011

Logo dalgúns anos recuperando o papel de refugallo das aulas para a súa reciclaxe,  xa podemos facer balance dos beneficios medioambientais acadados. Chegamos aos 1.350 Kg de papel recollidos, con eles pódense fabricar unha tonelada de papel reciclado isto supón que:

  • Evitamos a tala de 17 árboles de 15 anos de idade.
  • Aforramos máis de 4.000 Kw/h de enerxía.
  • Deixamos de xerar 1.500 Kg de residuos.
  • Evitamos a emisión de substancias contaminantes a atmosfera.
  • Aforramos 20.000 L. de auga !!!

Macroinvertebrados e contaminación no río Tea (2)

Mércores, Decembro 15th, 2010

Tras a súa participación en Galiciencia 2010, onde deron a coñecer os resultados dos seus traballos sobre a calidade da auga do río Tea en Ponteraeas, as alumnas de 3º de ESO, Alicia, Marta, Silvia, María Domínguez e María Otero preséntannos as memorias destes estudos onde se inclúen as conclusións ás que chegaron. PDF da memoria I PDF da memoria II

Podedes visualizar máis fotos de Galiciencia 2010 no noso  álbum en Picasa

Macroinvertebrados e contaminación no río Tea (1)

Martes, Novembro 23rd, 2010

Cinco alumnas: María Domínguez,  Silvia Gille,  María Otero, Alicia Rodríguez,  e Marta Sestelo baixo a dirección do profesor Jose Davila presentan aos alumnos de ESO os seus proxectos investigadores dentro das actividades da semana da ciencia. Ditos proxectos serán presentados os días 24-26 en Galiciencia 2010 a celebrar en Tecnópole (Ourense).

A grandes rasgos diremos que estudaron as características físico-químicas no río TEA antes e despois da estación depuradora de augas residuais así como os macroinvertebrados existentes (que actúan como bioindicadores da contaminación).

Nun momento da exposición do seu proxecto

En fin, que nos aclararon (CON DATOS CIENTÍFICOS) o estado no que se atopa o noso río Tea, pero iso faranno neste blog ao longo dos vindeiros días logo do seu paso por Tecnopole.

Parabens polo seu sesudo e completo traballo. E tamén para o profe: grazas Jose.

O “cole” en GALICIENCIA 2010

Xoves, Novembro 4th, 2010

Dous traballos experimentais realizados por alumnas de 3º da ESO foron seleccionados para participar na feira científica de Galicia, Galiciencia 2010, que se desenvolverá os próximos 24, 25 e 26 de novembro en Tecnópole, Ourense.

 Alicia, Marta, Silvia, María Domínguez e María Otero, participarán na feira científica máis grande de Galicia, Galiciencia 2010, con dous stands propios compartindo con outros mozos e mozas de Galicia e doutras partes de España o seu esforzo e talento. Presentarán dous traballos experimentais, que integrados no proxecto medio ambiental  “Voz Natura” que desenvolve o colexio, foron elaborados por elas durante os meses de setembro e outubro de xeito totalmente voluntario. Os traballos, que son unha continuidade dos realizados polos alumnos e alumnas de 2º de ESO no pasado curso, profundizan no estudo da calidade da auga do río Tea, sinalando a contaminación por augas sen depurar como un dos máis graves problemas aos que se enfrenta este ecosistema fluvial. Antes de partir para Ourense, onde estarán os días 24, 25 e 26 de novembro, presentarán o seu labor aos/ás compañeiros/as da ESO como unha das actividades a desenvolver na “Semana da Ciencia” deste ano. Noraboa!

Así celebramos o magosto os alumnos de ESO

Mércores, Novembro 4th, 2009

Os alumnos de ESO celebramos un magosto no parque forestal “A Bouza Vella” en Ganade (Ponteareas). Saímos andando desde o colexio e fumos pola beira do río Tea. Visualizamos as árbores da ripisilva, a depuradora de Ponteareas que non cumple coa súa función, a acción da auga sobre as beiras do río,… pero tamén o pasamos ben xogando e comendo todos xuntos. Velaí como vivimos esta xornada.

embedded by Embedded Video

YouTube Direkt

A contaminación no río Tea en Ponteareas

Mércores, Setembro 9th, 2009

Ponteareas ten experimentado un estoupido urbanístico na última década falto de toda previsión digna do século no que estamos. Primeiro constrúese e logo xa se verá se hai infraestructuras básicas que garantan unha calidade de vida acorde coa riqueza xerada.

Para mostra, o que acontece coa depuración das augas residuais: a depuradora existente é claramente insuficiente para o volume urbanistico agora existente. Solución: moitas augas son vertidas ao río sen depurar. Podedes observalo nos seguintes vídeos que iremos subindo:

embedded by Embedded Video

YouTube Direkt

ojd