Entradas para la categoría ‘biodiversidade’

Lumes: Pena e rabia; solidariedade e futuro

Mércores, Outubro 18th, 2017

Moitos dos nosos (alumnos, pais, familias, veciños) con solidariedade e afouteza foron quen de salvar casas, leiras e montes da nosa contorna dun lume devastador.

Logo dos choros, da rabia contida, dunha solidariedade que cómpre non perder, vai sendo hora de empezar a planificar o noso futuro.

Para a sociedade en conxunto é mester analizar causas e propór accións a curto, medio e longo prazo para que nunca máis aconteza.

Temos aos nosos alumnos ávidos por contar as súas experiencias vitais, e emocionalmente motivados para pórse mans á obra. Canalicemos pois as súas inquedanzas.

Velaquí algúns recursos, que compartimos con todos vós, base do noso futuro traballo con eles.

Como actuar despois dos lumes da Asociación Amigos da Terra

Manual sinxelo de reforestación por sementeira da Universidade de Vigo

Nas redes sociais infórmanos de moitos perigos por facer as cousas con boa vontade pero sen rigor: Leede, valorade e logo actuar sempre supervisados:

https://www.google.es/amp/s/cienciasycosas.com/2017/10/18/lo-que-se-debe-y-no-se-debe-de-hacer-despues-de-un-incendio/amp/

Sentidiño.

Unha imaxe para a esperanza:

Érbedo (Arbutus unedo) en A Picaraña (Ponteareas)

Nós tamén somos un ecosistema

Venres, Marzo 10th, 2017

Efectivamente, o noso corpo é un ecosistema. E que seres vivos viven no noso corpo? Unha variedade moi grande de bacterias, fungos,… e onde viven? Pois na pel, na boca, no tracto intestinal,… E agora tamén estamos a estudalo.

No CRG (Centro de Regulación Genómica) de Barcelona, un grupo de científicos liderados por Dr. Toni Gabaldón está a estudar o microbioma bucal. Un programa de ciencia cidadá que  pretende estudar o tipo de flora bacterian existente na nosa boca, as interaccións entre dita flora, as implicacións na saúde que pode ter dita presenza,…Tedes máis información na web do proxecto do microbioma bucal Sacalalengua.

A semana do 13 ao 17 científicos do CRG estarán extraendo mostras de saliva, dando charlas e facendo demostracións en Galicia: (máis…)

“Arbolappeando”

Xoves, Maio 12th, 2016

Ademais dunha evidente utilidade lúdica os dispositivos móbiles, como tablets, smartphones, etc., poden resultar unha divertida ferramenta educativa. No panorama actual no que os rapaces empregan as novas tecnoloxías con fins fundamentalmente comunicativos, recreativos e baleiros de contidos parecéunos idóneo o emprego duna aplicación TIC para levar a cabo unha actividade formativa relacionada coas plantas e a contorna natural que nos rodea.

ARBOLAPP é unha aplicación gratuita baseada na investigación do Real Jardín Botánico do CSIC, que mediante a cribaxe de características morfolóxicas (follas, froitos, tronco,…) permite profundizar no coñecemento de distintas especies arbóreas e na súa axeitada identificación.

Aproveitando este recurso, e a partir de fichas con imaxes de distintas especies vexetáis, os alumnos/as de 1º de ESO levaron a cabo na aula a identificación precisa dalgunhas das árbores silvestres máis representativas da paisaxe da súa vila. De forma dinámica e grazas ao sinxelo manexo da aplicación puideron ir avanzando nesta “clave virtual” para chegar a diferenciar as árbores  que se lles mostraban nas imaxes.

Foi unha experiencia moi entretida e útil que repetiremos, fora da aula, en próximas excursións á natureza, cuando o tempo o permita, posto que a aplicación funciona de forma autónoma sen necesidade de estar conectada a Internet.

 

Podes ver mais fotos desta actividade premendo aquí.

Avaliamos a calidade da auga do Tea

Venres, Maio 6th, 2016

Por fin a chuvia deunos unha tregua e os alumnos de 2º de ESO puideron levar a cabo unha das actividades máis interesantes incluídas no noso Proxecto de Educación Ambiental: o estudo da calidade das augas do Tea, o seu paso pola Moscadeira.

O obxectivo era valorar o nivel de contaminación esa zona do río Tea mediante a avalición cualitativa de macroinvertebrados bentónicos. Para elo ademais de valorar parámetros como a turbidez da auga, a cantidade de osíxeno disolto ou o pH, realizaron mostraxes no leito fluvial. A finalidad era obter mostras da poboación de macroinvertebrados que viven neste ecosistema para emplegalos como bioindicadores, xa que existe unha relación directa entre o tipo de macroinvertebrados presentes e a calidade da auga. Algúns destes “animaliños” só son capaces de vivir en augas moi limpas, polo que a súa presenza indicará que as augas son de alta calidade. Pola contra, hai certos macroinvertebrados que toleran niveis altos de contaminación.

 

Una vez obtidas as mostras foron trasladadas ao centro onde levamos a cabo a identificación e cuantificación das mesmas. A avaliación do tipo de macroinvertebrados presentes nas mostras permitíunos determinar que o nivel de calidade das aguas do Tea nesta localización é moderada.

Para os rapaces e rapazas esta actividade resultou entretida e mi didáctica. Ademais de aprender dunha forma práctica e amena, nesta ocasión fíxose literal o de que os alumn@s “empapáronse de ciencia”.

Os resultados desta actividade, e a súa relevanza para a Vila de Ponteareas motivaron a sua presentación na Semana das Ciencias organizada polo Concello desta localidade do 18 ao 23 de Abril.

Foron moitos os visitantes que se achegaron  ao noso “stand” para coñecer de primeira man o estudo e recibir detaiadas explicacións da da actividade por parte dos nosos alumn@s, que sentíronse auténticos cientifica@os por un día.

 

Para ver mais fotos da realización do estudo preme aquí.

Para ver mais fotos da presentación do estudo na Semana das Ciencias preme aquí.

Presentación dos proxectos e despedida do CEAM de Villardeciervos

Domingo, Novembro 29th, 2015

O pasado venres foi día para a realización dos proxectos de cada un dos centros participantes e para as despedidas, a semana chegou ao seu fin.
Os nosos alumnos presentaron o seu proxecto “Das augas do Tea ás augas de Tera”. O primeiro foi mostrar o traballo realizado semanas atrás para determinar a calidade das augas do noso río, para posteriormente realizar as oportunas medicións e mostraxes no arroio Cervas, afluente do río Tera, e así comparar o “limpas” que están unhas e outras.
Comida e tempo para as despedidas. Tras unha intensa semana de convivencia, ponteareáns e arcobrigenses forxaron recordos e lazos de amizade que, de seguro, perdurarán no tempo. Boa proba diso foi a despedida: abrazos, bágoas e promesas de reencontro encheron o patio do centro durante longo tempo. A media tarde cada grupo xa viaxaba para as súas respectivas localidades.

Grazas a todos: Dirección e traballadores do CEAM de Villardeciervos, profesores do IES Ribera del Jalón e do Santiago Apóstol e a todos os alumnos, verdadeiros protagonistas dunha experiencia inesquecible.

Visita ao Parque Natural de Lago de Sanabria

Domingo, Novembro 29th, 2015

O diario da participación dos alumnos de 4º ESO no Ceam de Villardeciervos está a piques de pecharse. Xa empeza a ser difícil elixir cal foi o mellor día, a mellor actividade, que nos sorprendeu máis, ou onde o pasei mellor. Onte tivemos un completo programa no Parque Natural do lago de Sanabria e arredores.
A nosa primeira parada foi a “Casa do Parque” que é o centro de interpretación do Parque Natural. Tras as oportunas explicacións sobre a xeomorfoloxía do lugar, a súa flora e a súa fauna característica, preparámonos para realizar o que din é, o máis bonito e histórico carreiro do lugar, a ruta dos monxes. Non exento de dificultade (e auga), o tortuoso camiño levounos até Ribadelago. Alí fomos conscientes da súa recente máis triste historia.

Logo comida, e á praia. Fómonos aos “areais de Vigo”, e aínda que polo seu nome puidese parecer que estivésemos xa preto da casa, seguiamos, por suposto, ás beiras do Lago de Sanabria.

Tarde en Puebla de Sanabria, con paseo pola zona medieval, e volta ao centro para cear e preparar a actividade da noite. Esta vez tocou aos alumnos expor parte dos traballos realizados por eles nos seus centros para dar a coñecer ben a súa contorna natural, como foi o noso caso, ben a súa riqueza cultural, histórica e natural, como fixeron os alumnos e alumnas sorianos. Intercambio de obsequios entre alumnos dos centros participantes e a descansar.

Visita ás “Arribes del Duero” e a un obradoiro de olaría. Día 3.

Venres, Novembro 27th, 2015

A nosa participación no Ceam de Villardeciervos levounos ate o Parque Natural de Arribes del Duero. O itinerario comezou, despois dun breve traslado en autobús, na ermida da nosa Señora do Castelo, preto do miradoiro das barrancas, desde o que xunto con espectaculares vistas dos escarpados canóns escavados polo río Douro, puidemos contemplar en pleno voo a unha das poboacións máis abundantes de voitres de toda a Península. A partir de aquí, entre enebros ao principio e aciñeiras despois, percorremos boa parte do arroio Pisón até o pobo de Fariza.

Despois de comer, visitamos o taller de olaría de Mª Carmen, en Movemos. Alí puidemos observar pampos como, co torno e as súas mans, elaboraba coa especial arxila da zona diferentes pezas cunha habilidade sorprendente. Todos quixemos probar a facelo, pero só algúns puideron comprobar que este oficio milenario require á vez que técnica, moita práctica. Interesantísima actividade da que algúns levarán un recordo para toda a vida (se non cae e rompe).
Taller de historia da navegación para concluír o día coa construción dun recortable que funciona como un astrolabio, que permite determinar a altura dun astro e deducir, segundo esta, a hora e a latitude

.

  

 

  

   

Os alumnos de 4º de ESO no CEAM de Villardeciervos

Mércores, Novembro 25th, 2015

24 alumnos e alumnas de 4º ESO iniciaron este luns a súa estadía dunha semana no Centro de Educación Ambiental de Villardeciervos (Zamora) xunto con outros tantos alumnos do IES Ribera del Jalón de Arcos del Jalón (Soria), onde realizarán en convivencia unha serie de actividades, rutas e obradoiros co obxectivo de seguir traballando hábitos e valores en Educación Ambiental.
A nosa participación foi posible grazas á aprobación por parte do Ministerio de Educación, Cultura y Deporte do proxecto presentado polo notro centro no que ademáis de promover o contacto dos alumnos coa contorna natural, realizaremos unha comparativa entre a calidade das aguas do noso río Tea e as augas doutro río como é o Tera, que discorre por esa comarca zamorana.
Neste primeiro día, vivido polos nosos alumnos con ilusión, curiosidade e entusiasmo, fumos acollidos á chegada polos monitores do centro que nos acomodaron, explicaron  o seu funcionamento e  normas de convivencia e nos ensinaron o pobo de Villardeciervos a traverso dunha entrenida gymkana polas súas rúas. Maña, ben cedo, itinerario pola serra…

Mais FOTOS

Análise da contaminación do río Tea en octubro

Sábado, Outubro 24th, 2015

Na tarde do pasado xoves 8 de octubro realizamos unha saída ao río Tea para determiñarmos novamente a calidade das súas augas. Os alumnos de 4º ESO realizaron mediadas de temperatura, pH, turbidez e osíxeno disolto para logo proceder ao mostreo de macroinvertebrados existentes (serán bioindicadores da posible contaminación das augas).

Estas actividades repetirémolas entre o 23 e 27 de novembro no Centro de Educación Ambiental CEAM de Villardeciervos (Zamora). O obxectivo é facer un estudo comparativo da calidade das augas do Tea e do Tera (máis concretamente no Regato de las Ciervas).

 

Conmemorando o World Fish Migration Day

Venres, Maio 23rd, 2014

Celebramos hoxe cos alumnos de 3º e 4º de ESO o World Fish Migration Day. Marcial Carrera, pai dun alumno de 4º de ESO e axente de protección do medio ambiente falounos do traballo desenvolvido na Estación de Control de Peixes de A Freixa. Asemesmo, visualizamos un espectacular vídeo de Manuel E. Garci titulado “Os mares doces de Galicia” presentado na XVI Semana de Cine Submarino de Vigo onde as máis das secuencias foron rodadas no noso río Tea: lampreas, salmóns e anguías os protagonistas deste impresionante documento gráfico.

Logo fumos de andaina ata dita estación na Freixa e alí asistimos a unha simulación de pesca eléctrica para a mostraxe dos peixes xunto coa Directora Xeral de Conservación da Natureza Dª Verónica Tellado Barcia e máis do Xefe Provincial de dito organismo.

Agradecemos a Marcial Carrera a súa amena e didáctica exposición así como a súa inestimable colaboración.

https://plus.google.com/photos/106448770609519979604/albums/6016732007195263329?authkey=CNOJk6vFyraGDA

ojd