Entradas para la categoría ‘ACTIVIDADES’

Transmisión de movementos con material de refugallo

Martes, Xuño 2nd, 2020

Confinamento, material de refugallo, mecanismos de transmisión de movementos. Axítese  con agarimo e este é parte do resultado

 

 

Reciclaxe na casa

Xoves, Marzo 26th, 2020

Actividade que están realizando os alumnos de 2º de ESO na casa:

Utilizando material de refugallo, realiza unha estrutura para gardar o teu material escolar. Planifica na libreta o que queres gardar nela; non utilices pegamentos instantáneos; podes decorala ao teu gusto. Podedes facela en familia. Cando remates, podes enviar unha foto para subila ao site de tecno e a blog Voz Natura.

Levamos uns días e aquí algunhas mostras. Animádeos

Cascabeis de plástico en EI

Venres, Marzo 13th, 2020

Os alumnos/as de E.I 3 anos xunto coa súa profe de música Yanira, fixeron uns preciosos cascabeles con tapóns de plástico.

 

 

Cartón e aprendizaxe

Domingo, Marzo 8th, 2020
En Educación Infantil construímos, xogamos, aprendemos e imaxinamos coas pezas de cartón da cultura maker, unha cultura baseada en “aprender facendo”.

Desplastificando as merendas

Xoves, Febreiro 27th, 2020

As profes de infantil Marta Tresandi, Pili González e Montse Méndez están  traballando as reglas das RRRR (Reducir, Reciclar, Reutilizar e Reemplazar) de xeito eficaz e moi sinxelo: Os envoltorios de plástico que protexen as merendas dos cativos  están sendo reemplazados por recipientes que se poden reutilizar ou están sendo reemplazados por materiais de doada reciclaxe. No sinxelo está a eficacia. Tomemos exemplo.

 

 

Identificación de árbores no río Tea

Venres, Outubro 11th, 2019

Os alumnos de 4º de ESO de BIO-XEO aproveitaron a hora de clase para identificar ás árbores nun pequeno tramo do río Tea no seu paso por Ponteareas: carballos, ameneiros, bidueiras, pradairos, aveleiras, salgueiros, freixos, acacias,… son algunhas das árbores identificadas en 50 minutos. Faremos copia das súas follas na libreta….

Planificación de saídas ao río Tea

Xoves, Outubro 10th, 2019

Un grupo de alumnos de Bio-Xeo de 4º de ESO empezan a planificar os paseos pedagóxicos polo río Tea. Ao mesmo tempo , outro grupo planifica a elaboración de vídeos didácticos sobre o río Tea.

20 anos de educación ambiental da man de Voz Natura

Mércores, Outubro 9th, 2019

Saúdos a toda a comunidade Voz Natura.

Si, xa levamos 20 anos traballando a educación ambiental da man de Voz Natura!

Nestes anos, realizamos 76 actividades diferentes en niveis de E. Infantil, E. Primaria, ESO e antigo BUP.  Moitas delas foron mellorándose ano a ano e son parte do noso proxecto; outras forman parte do acervo de xeracións de alumnos (algúns deles son hoxe docentes no noso centro).

A seguir aprendendo e traballando pola nosa contorna.

 

Calidade das augas do río Tea

Mércores, Abril 24th, 2019

A mediados de abril e outro ano máis, realizamos cos alumnos de 4º de ESO o estudo da calidade da auga do río Tea en A Moscadeira a traverso de bioindicadores (macroinvertebrados).

Analizamos parámetros físicos da auga (temperatura, pH, turbidez); químicos (osíxeno disolto) e estudo dos macroinvertebrados existentes. Froito do mesmo concluímos que o estado da aula neste punto é boa (se ben, non observamos un número significativo de perlas de auga, coma en anos anteriores). Repetiremos as análises a principios de maio.

A temperatura 12ºC

Turbidez (0UJT)

pH 5

Osíxeno disolto

Alumnos de 4º ESO

Mostreo no río

Mostreo

Mostra de individuos

Determinando macroinv.

Preparativos do día mundial dos bosques

Xoves, Marzo 7th, 2019

Os alumnos de 3º e 6º de Ed. Primaria do noso centro, xunto con outros dos centros de ensino de Ponteareas realizarán unha plantación de árbores nunha zona afectada polos incendios durante curso pasado. Dita actividade está organizada polo Concello de Ponteareas. Iremos informando.

ojd