colexiosantiagoapostol

Os alumnos de 4º de ESO de BIO-XEO aproveitaron a hora de clase para identificar ás árbores nun pequeno tramo do río Tea no seu paso por Ponteareas: carballos, ameneiros, bidueiras, pradairos, aveleiras, salgueiros, freixos, acacias,… son algunhas das árbores identificadas en 50 minutos. Faremos copia das súas follas na libreta….

Un grupo de alumnos de Bio-Xeo de 4º de ESO empezan a planificar os paseos pedagóxicos polo río Tea. Ao mesmo tempo , outro grupo planifica a elaboración de vídeos didácticos sobre o río Tea.

Saúdos a toda a comunidade Voz Natura.

Si, xa levamos 20 anos traballando a educación ambiental da man de Voz Natura!

Nestes anos, realizamos 76 actividades diferentes en niveis de E. Infantil, E. Primaria, ESO e antigo BUP.  Moitas delas foron mellorándose ano a ano e son parte do noso proxecto; outras forman parte do acervo de xeracións de alumnos (algúns deles son hoxe docentes no noso centro).

A seguir aprendendo e traballando pola nosa contorna.

A mediados de abril e outro ano máis, realizamos cos alumnos de 4º de ESO o estudo da calidade da auga do río Tea en A Moscadeira a traverso de bioindicadores (macroinvertebrados).

Analizamos parámetros físicos da auga (temperatura, pH, turbidez); químicos (osíxeno disolto) e estudo dos macroinvertebrados existentes. Froito do mesmo concluímos que o estado da aula neste punto é boa (se ben, non observamos un número significativo de perlas de auga, coma en anos anteriores). Repetiremos as análises a principios de maio.

A temperatura 12ºC	Turbidez (0UJT)	pH 5
Osíxeno disolto	Alumnos de 4º ESO	Mostreo no río
Mostreo	Mostra de individuos	Determinando macroinv.

Os alumnos de 3º e 6º de Ed. Primaria do noso centro, xunto con outros dos centros de ensino de Ponteareas realizarán unha plantación de árbores nunha zona afectada polos incendios durante curso pasado. Dita actividade está organizada polo Concello de Ponteareas. Iremos informando.

Hoxe os alumnos de Bio-Xeo  4º de ESO analizaron os conceptos relacionados cos factores abióticos: temperatura (da auga 16 ºC e atmosférica 12ºC ás 9’30 horas), pH da auga (5’5), luz,… Visualizamos a erosión do río , a tala de árbores de ribeira en A Moscadeira, os croios e areas dunha praia,…

Os alumnos de Bio-Xeo de 4º de ESO tiveron o seu primeiro contacto co río Tea neste curso.

Como en edicións anteriores enmarcados no proxecto “emprendemos e aprendemos” (creación dunha hipotética empresa paTEAndo que ofertará servizos divulgativos)

• Explicación dos primeiros conceptos do ecosistema
• Explicación dos factores bióticos e abióticos.
• Recollida e identificación das árbores do río.
  

Ola a todas (sodes persoas, non si?).

Iniciamos o curso 18/19.

Traballo, investigación, limpeza, estudo, compromiso, innovación,…. Saúde e ecoloxía para todos.

Grazas Voz Natura.

Tras participar na  III Semana das Ciencias de Ponteareas agora as nosas alumnas Laura Carballido, Marta D. Mera e Alba Ubeira  de 3º de ESO, e Ainhoa Cordero (4º ESO) expuseron os seus traballos de investigación na feira científica GALICIENCIA 2018 celebrada en Ourense.

Marcharon  o pasado martes 8 e desde o mércores 9 ata o venres 11 foron quen de expor aos visitantes as súas experiencias. Ao mesmo tempo conviviron con outros mozos e mozas de Galicia e Cataluña, intercambiaron experiencias, visitaron a cidade de Ourense, relaxáronse nas termas de Outariz, recibiron a visita dos alumnos de 4º de ESO a dita exposición… Todo unha experiencia que nunca esquecerán.

Velaquí os seus traballos:

“Francamente, dannos ás as bebidas enerxéticas?”, Alba Ubeira e Ainhoa estudan o consumo das bebidas enerxéticas que fan os mozos de Ponteareas co fin de coñecer patróns de consumo e dar a coñecer os riscos que supón.

Laura Carballido e Marta D. Mera co traballo “Árbores bioinvasoras no río Tea, verdade ou ficción?” cuantificaron o número de árbores invasoras nun tramo do río preto de Ponteareas co fin de concienciar do impacto que xa están a ter no ecosistema.

Este traballo sirve de base para o proxecto que imos a desarrollar a nivel ambiental para o ano que ven, esperemos que na nosa 19 participación consecutiva en VOZ NATURA.

Dentro da III Semana das Ciencias de Ponteareas, as alumnas de 3º de ESO, Laura Carballido e Marta D. Mera presentaron a súa ponencia no Congreso do alumnado “Futuras/es investigadoras/es”.

Baixo o título  “Árbores bioinvasoras no río Tea, verdade ou ficción?” Laura Carballido e Marta D. Mera co traballo cuantificaron o número de árbores invasoras nun tramo do río preto de Ponteareas co fin de concienciar do impacto que xa están a ter no ecosistema.

                        Marta (no centro) e Laura (á dereita), xunto con otra compañeira no Congreso.

Laura e Marta co seu titor de investigación (Nando)

Algúns dos ponentes coa Concelleira de Educación do Concello de Ponteareas

Podedes visualizar a súa presentación no seguinte vídeo: