A NOSA HORTA SEGUE MEDRANDO

A primavera nótase na horta, iso si, se chovera un pouquiño habíase notar máis. Os chícharos están impresionantes, enormes e cheos de flor. As patacas aínda non naceron todas, pero xa empezan a furar as primeiras.

Publicado en Actividades | Deixa un comentario

PLANTANDO O NOSO MONTE APAGALUMES

No CEP Pedro Caselles facemos as cousas ao grande, por iso hoxe todo o colexio fomos ao monte do Xibao a plantar árbores, todos, os 210 nenas  e nenos e tódolos profes.

Fomos camiñando ata o Monte propiedade da Comunidade de Montes de Tomiño no barrio do Xibao, e alí nos estaban esperando 75 buratos para 75 árbores autóctonas, todo arranxado e mercado pola Comunidade de Montes.

Primeiro escoitamos unha charla que nos deron para saber como plantar correctamente unha árbore e despois xa nos puxemos mans a obra, nunha hora xa tíñamos as distintas árbores ben plantadiñas.

Despois a Comunidade agasallounos cun bocadillo e unha botella de auga.

Nenas e nenos do CEP Pedro Caselles puxemos o noso granciño de area na loita contra o lume e no coidado do planeta, agora no Xibao hai un pequeno bosque Apagalumes, libre de eucalipto e piñeiro, esperamos a vosa colaboración no seu coidado, pois este minibosque é para goce de todos e todas.

Xa para rematar dar as grazas a Comunidade de Montes da parroquia de Tomiño por unha xornada tan bonita e educativa.

Para ver tódalas fotos preme AQUÍ

Publicado en Actividades | Deixa un comentario

PLANTAMOS AS PATACAS

Hoxe, ao longo de toda a mañá, tocoulle o turno a nosa actividade estrela, as patacas. Nenas e nenos de 1º viñemos moi preparadiños da casa con botas de goma ou calzado vello e puxémonos coa sementeira das nosas patacas.

Primeiro abrimos os regos, que se chaman así regos, tivemos que cavar e cavar ata que nos cansamos, logo botámoslle o esterco, desta vez usamos dous tipos, de cabalo e compost da nosa composteira xigante. Despois colocamos as patacas, que estaban cheas de grelos, e logo tapámolas con terra do seguinte rego. Mentres plantamos atopamos moitísimas miñocas, que osixenan a terra e fan que as nosas patacas crezan con moita forza

Pasámolo moi ben, e aprendemos moitas cousas, agora a esperar que saian e crezan fortes para poder disfrutar delas!

Podes ver todas as imaxes premendo AQUI

 

Publicado en Actividades | Deixa un comentario

COMPOSTAXE

O Grupo Ecolóxico comeza esta semana unha nova tarefa. Serán os responsables de recoller e baleirar todos os restos orgánicos que se xeneren durante os recreos.

Para unha mellor organización repartiron por todas as zonas interiores e polo patio do centro pequenos caldeiros para a recollida de restos das merendas dos nenos, ao remate do recreo baleirarán o seu contido na composteira que temos colocada ao lado da horta.

Publicado en Actividades | Deixa un comentario

XA NACERON OS CHÍCHAROS

A volta de vacacións tróuxonos unha gran sorpresa, xa naceron os chícharos, todos, todiños! Se as cousas non se torcen a colleita deste ano vai ser histórica.

 

 

 

Publicado en Actividades | Deixa un comentario

A HORTA: PLANTANDO CHÍCHAROS

Moitos son os proxectos que levamos a cabo no Pedro Caselles dentro do programa Voz Natura, un dos máis importantes e que repetimos ano a ano, e a nosa horta.

Comezamos, como xa é habitual desde fai moitos anos, coa sementeira de chícharos, ou como lle chamamos aquí, ervillas. Nenas e nenos  de primeiro curso abriron os regos, ou polo menos cavaron cos sachos, abonaron con compost feito cos restos vexetais do noso enorme patio, e colocaron as sementes…ah, e tamén aproveitaron a ocasión para xogar coas miñocas e coa terra.

Agora a esperar a que nazan os nosos chícharos.

Para ver tódalas fotos preme AQUÍ

Cavando para atopar compost de calidade

Cavando para atopar compost de calidade

Preparados para cavar

Chícharos semetados no rego

Transportando o compost

Transportando o compost

Traballando!

Traballando!

Publicado en Actividades | Deixa un comentario

MONTANDO O NOSO INVERNADOIRO I

Este mércores o grupo ecolóxico fixo horas extras. Houbo xuntanza de tarde para empezar coa montaxe do noso novo xoguete, un invernadoiro. O principo resultou complicado, pero pouco a pouco as pezas foron encaixando. Tivemos moita axuda, as mamás da ANPA, Antón de Agromiño, Daniel,… pero rematamos a fase I de montaxe, agora agardamos que os operarios do Concello nos preparen o terreo para poder colocalo e comezar a fase II, colocado do plástico.

Temos moitos plans para este invernadoiro, xa vos iremos contando.

Para ver máis fotos preme AQUÍ

 

Publicado en Actividades | Deixa un comentario

RECOLLIDA DE LIXO

Hoxe o grupo Ecolóxico organizouse por patrullas para recoller o lixo do noso patio, e aínda que hai moitísimas papeleiras, había moito polo chan. Sabemos que as veces o vento leva e trae cousas, pero decatámonos de que moitos nenos e nenas non se acordan de botar o lixo onde deben. Comprometémonos a velar que nos recreos compañeiros e compañeiras boten os seus desperdicios onde deben….porque algúns con tanta gana de xogar esquécense!

Podedes ver máis fotos premendo AQUÍ

Publicado en Actividades | Deixa un comentario

…. E COMEZAMOS A NOSA VOZNATURAVENTURA!!!!

No día de hoxe deu comezo a nosa experiencia Voz Natura deste curso. Nenas e nenos de tódolos cursos ofrecéronse voluntarios para formar parte do Grupo Ecolóxico, e hoxe foi a presentación oficial, coa foto de rigor.

Comezamos limpando a horta de broza: arrancamos malas herbas, recollemos lixo, preparamos as ferramentas ,  enchémonos de po… pero sobre todo disfrutamos .

Como todos os cursos plantaremos na horta, este ano 1º curso e grupo ecolóxico, recolleremos lixo do noso patio, visitaremos o monte… e todo o que vaia xurdindo ao longo deste curso.

Tamén teremos novidades, este ano estreamos invernadoiro, en canto o teñamos montado, imos converternos en auténticos investigadores do mundo vexetal,…xa o veredes!!!

Para ver tódalas fotos preme AQUÍ

Publicado en Actividades | Deixa un comentario

TURONIA 2018

Hoxe nenas e nenos de 1º e 2º curso fixeron o seu Turonia. Comezaron o seu camiño guiados pola fada das árbores Epona que lles foi deixando pistas e pulseiras máxicas ao longo de toda a andaina.
Grazas  esta fada nenas e nenos aprenderon un pouquiño máis da maxia das pedras, que está nos petos e cruceiros, e da maxia das árbores, sobre todo aprenderon a recoñecer carballos, sobreiras e castiñeiros, unhas árbores tan máxicas que hasta son quen de apagar o lume dos nosos bosques!
Tamén visitamos os muíños da Regueira, andiveron kilómetros e kilómetros, e sabedes que,… non  se cansaron nin un pouquiño!
Para ver as imaxes preme AQUÍ 

 

 

 

 

Publicado en Actividades | Deixa un comentario