Entradas para la categoría ‘Sin categoría’

PASIÑO A PASIÑO FAISE O CAMIÑO…DAQUELA COMEZAMOS!!!

domingo, octubre 11th, 2020

Dalgún xeito hai que lle ir dando vida ao proxecto deste curso, que leva por título » PASIÑO A PASIÑO FAISE O CAMIÑO «, entón, queremos empezar o noso camiño renovando as plantas dos palés e do xardín da entrada do colexio.

Esta semana pasada xa se foron animando a participar algunhas aulas.

Aquí  podedes ver aos alumnos e alumnas de 4º A, 5º A e 5º B.

Nas próximas semanas poderedes ver ao resto do alumnado aprendendo e gozando desta experiencia.

 

Benvidos/as ao novo curso 2020/2021

domingo, octubre 4th, 2020

Aquí estamos nun novo curso, que esperamos que sexa moi produtivo en tódolos sentidos, e polo tanto xa temos en mente cales van ser algúns dos proxectos principais deste ano.

  • A horta
  • O viveiro
  • O invernadoiro
  • Os camiños da contorna…

Comezamos limpando e axeitando o invernadoiro, para que próximamente o alumnado poida ir a el desenvolver as actividades pertinentes.

 

 

Grazas a toda a comunidade educativa.

domingo, junio 14th, 2020

 


O curso remata e dende o Claustro do Cep Xosé Neira Vilas queremos agradecer a toda a comunidade educativa do centro a labor medio ambiental feita no curso 2019-2020. Quedaron actividades sen facer que retomaremos no vindeiro curso. Grazas a todo o alumnado, familias, profesorado, Comunidade de Montes de Peitieiros, concello de Gondomar e a todos/as os que axudaron a manifestarnos contra o cambio climático e a realizar actividades medio ambientais.

 

 

Venres Verde 5 de xuño Día Internacional do Medio Ambiente.

viernes, junio 5th, 2020

Este Venres Verde foi moi especial e emotivo. Celebramos o Día Internacional do Medio Ambiente en vez de no cole, nas nosas casas polo covid19. A nosa aportación foi unha manifestación de pares de zapatos simbolizando as persoas que polo distanciamento social non se xuntan pero si actúan contra o cambio climático. Moitas grazas ao alumnado, familias e profesorado pola participación. Non podemos olvidar que senón actuamos o cambio climático chegará. Parabéns aos pares de zapatos que se manifestaron.

22 de abril Día Internacional da Nai Terra.

miércoles, abril 22nd, 2020

A situación que estamos a vivir fai que dende os nosos fogares invintemos a toda a comunidade educativa a disfrutar da natureza na primavera. O tempo de confinamento nos fogares deixa fotos da natureza cercana as nosas casas. Agora é tempo de coidarnos pero tamén de coidar o Planeta para seguir disfrutando de fotos tan preciosas. Grazas rapaces de 4ºA por compartir estas fotos.

21 de marzo Día da Árbore.

sábado, marzo 21st, 2020

As actividades previstas para conmemorar este día tan importante víronse afectadas polo paron polo aislamento polo coronavirus.

Antes do parón, os rapaces repuxeron as plantas dos maceteros da entrada do colexio

Coñeceron a Wangari política e ecoloxista keniana, Premio Nobel da Paz 2004 pola súa contribución na defensa do sostible, a democracia e a paz.

Por ciclos, íamos elaborar árbores con material de refugallo , pero non temos resultado final polo parón.

Que todas as tarefas axuden a concienciar aos nosos rapaces, familias e profesorado da comunidade educativa do Cep Xosé Neira Vilas


Venres Verdes e inauguración do invernadorio.

domingo, marzo 8th, 2020

Despois de moito esforzo, Edit a mami que nos guía na andaina da horta, axudounos a transformar o antigo galiñeiro nun invernadoiro.

O 28 de febreiro plantáronse na horta árbores frutais.

A quedada do Venres Verde 28 de febreiro foi diante do invernadoiro para inauguralo, lugar de mimos das sementes para a nosa horta.

ENTROIDO CONTRA O CAMBIO CLIMÁTICO

jueves, marzo 5th, 2020

O 21 de febreiro todo o alumnado do CEP Xosé Neira Vilas foi de pasarrúas a Gondomar. Tamén asistiron as alumnas e alumnos do CEIP Plurilingüe Chano Piñeiro, IES Auga da Laxe e IES Plurilingüe Terra de Turonio.

O alumnado de 1º e 2º foron de animais contaminados e de illa de plástico, 3º e 4º de árbores queimadas, lápidas e árbores vivas, e 5º e 6º de mergulladores e pescadores con anacos de plásticos. Fomos así, xa que queríamos facer visible o problema da contaminación e a deforestación no noso planeta. Todos os disfraces foron elaborados con material de refugallo, como botellas, tubos, cartón, papel de xornais…

Despois volvemos ao colexio e fixemos unha merenda con receitas típicas do entroido (orellas, filloas…). Estaba todo delicioso!

Para continuar a festa, asistimos ao xuízo do Meco que prepararon os nosos compañeiros e compañeiras de 6º. Este ano o Meco salvouse do lume, pero pegounos un susto de morte cando se levantou da cadeira e botou a correr cara nós.

Para finalizar, xogamos e bailamos ata cansar.

Alumnado de 5ºA

Venres Verde cheo de Paz.

domingo, febrero 2nd, 2020

O 31 de xaneiro o Cep Xosé Neira VIlas realizou moitas actividades relacionadas ca natureza,a ecoloxía e a Paz.

O noso centro colaborou co Ceip Valle Inclán, na elaboración de grullas de papel de refugallo , para acadar o reto de 1000 grullas como símbolo de paz en Xapón no recordo do bombardeo de Hirosima e da historia dunha nena Sadako Sasaki que foi vítima anos despois dese feito. A elaboración das grullas feitas ca técnica de origami foi un traballo de colaboración entre o alumnado de 4º ,1º e 2º. Xunto coas grullas enviamos os desexos das nenas e nenos de Paz que foron expostos nos corredoiros do Ceip Valle Inclán.

Os nosos traballos no Ceip Valle Inclán

O venres 31 de xaneiro realizamos a 2º recollida maxima dos residuos que o alumnado e profesorado trouxeron ese día para a merenda. A concienciación é moi positiva xa que o peso do total foi moi inferior ao peso dos residuos da recollida do recreo no primeiro trimestre. O alumnado de 1º levou a carga da organización e o alumnado que non trouxo ningún residuo acadou o selo na man de «Residuos 0» en agradecemento ao coidado do medio ambiente. Felicitar a clase de 2ºB por acadar so 2 gramos de residuos, seguide así!!!!!!!!!!!!!!! Ao final os residuos foron reciclados.

Recollida «Residous 0» feita no primeiro trimestre

Recollida «Residuos 0» 2º trimestre

Para rematar a mañá, xuntámonos todos na entrada do colexio para concienciarnos da importancia de vivir con Paz todos os días. Cantamos unha canción e fixemos unha plantación na oliveira do patio para conmemorar este día.


Feliz 2020!!!

lunes, enero 6th, 2020

ojd