CEIP SOBRADA

O alumnado de 1º ciclo realizou estas flores con material de refugallo como papeis de xornal ou botellas de plástico, co motivo do traballo da agricultura levado a cabo nas aulas.

Pois como chegou o bo tempo haino que aproveitar para plantar algunhas plantas máis no noso entorno escolar. Aproveitando que este ano imos a contar cun estanque novo, estámoslle creando un entorno o máis natural posible.

Aquí se pode apreciar unha pequena mostra do que están a facer todos os alumnos e alumnas do noso centro. Están a decorar unhas pedras ou cantos rodados personalizándoos para que formen parte da paisaxe na que vai a quedar ubicado o estanque que estamos a construir.

O alumnado do colexio segue aproveitando este bo tempo do que estamos a disfrutar para avanzar na pintura do muro do colexio que ten como tema principal a auga.
Cada vez vaise adiviñando máis o que se quere expresar.

embedded by Embedded Video

Hai xa moito tempo, comezamos a construcción dun castelo nunha das aulas de  Infantil. Tardamos en rematalo pero velaquí está o resultado. Fixémolo con materiais de refugallo, tales como xornais antigos e cartóns de leite e zume aportados polas familias.  Dende aquí queremos agradecer a súa colaboración, xa que foron traendo día tras día cartóns de leite baleiros e limpos, o cal foi de grande axuda para a confección do noso palacio de papel.

Aquí temos outro exemplo máis da cantidade de cousas que podemos facer co lixo que tanto contamina o noso contorno e convertilo en material de refugallo dándolle diferentes usos.

Aquí se pode apreciar un pequeno resumo do estanque que estamos a colocar no noso cole con motivo do proxecto de Voz Natura.

Preparando o terreo

Anivelando o estanque

Recollendo pedras e cantos rodados

Carrexando pedras

Colocando as primeiras pedras

Colocando máis pedras e asentando o estanque

Acabando de encaixar e probando o motor

Xa vai collendo forma

Collendo grava

Colocando a gravilla para darlle consistencia ó terreo

Cada vez vai quedando mellor!

Como se poden observar nestas imaxes o alumnado do colexio comeza a colorear o muro cun mural referente ó mundo da auga. Como estamos comezando coa pintura non daremos máis pistas sobre o que se pretende representar. Se alguén se atreve a descifrar o produto final pode deixarnos un comentario coa súa opinión.
Conforme vaiamos avanzando co mural poderédelo ir vendo neste blog.

Todos os venres toca facer unha limpeza de patio. Todos os cursos van rotando polo patio, provistos de luvas e bolsas de plástico para deixar o noso colexio o máis limpo posible.

O concello de Tomiño organiza unha plantación de bulbos para o alumnado de cuarto do noso colexio.