Como inflúe a luz no crecemento das plantas?

Publicado el 6 julio, 2019 por galdo

Algunha vez te fixeches esta pregunta?

As nenas e nenos de 2º si, é máis, buscaron a maneira de comprobalo.

Fixeron varias probas con e sen luz, observaron e tomaron notas das distintas situacións. Aquí vos explican á conclusións que chegaron.

Publicado en Sin categoría | Deja un comentario

Unha nova modalidade de recreos

Publicado el 17 abril, 2019 por galdo

Dende hai casi dous meses, disfrutamos de novas modalidades de recreos.

Agora temos opcións varias para o tempo de lecer. Acabouse que todo o recreo xire entorno a un balón, cordas, libros e xogos de tableiro, agora temos outras opcións que podemos decidir de xeito voluntario: gravar as leccións de mates ou lingua, entrevistar aos profes e outras persoas da comunidade para varios proxectos do centro, entre eles Voz Natura, controlar a estación meteorolóxica… e ademais, traballar no horto e invernadoiro.

Si, agora levamos as nosas botas de traballo, e voluntaria e libremente nos apuntamos no calendario de traballo para facer o que se precise no horto e invernadoiro. Encántanos esta opción, ata o punto que somos tantos e tantas a apuntarnos, que o plantexamento inicial era  facelo unicamente os xoves, e agora decidiuse que habería opción todos os días da semana. Incluso así, hai semanas en que, aínda que a moitos nos gustaría, non conseguimos ir máis dunha vez.

Publicado en PLANTACIÓNS E INVERNADOIRO | Deja un comentario

Sacando as malas herbas…

Publicado el 17 abril, 2019 por galdo

Os pequenos e pequenas seguimos preparando o noso horto.

Primeiro, e coma sempre, a profe Inés explícanos o que ímos facer, razoamos entre todos porqué é importante facelo e para qué ( porque agora somos casi expertos en coidados das plantas) e por último, e coa súa axuda e a das nosas profes,poñémolo en práctica.

Non só preparamos a plantación durante días, semanas, senón que tamén temos conta de todos os coidados que o noso horto precisa, como neste caso. Adicamos as tardes da pasada semana, e aproveitando que os días tamén invitaban a estar fóra, para comprobar a nosa plantación e limpar o terreo e quitar as malas herbas.

Publicado en HORTO INFANTIL, Sin categoría | Deja un comentario

Un Entroido para compartir aprendendo.

Publicado el 26 marzo, 2019 por galdo

Todos os cursos soemos escoller unha temática relacionada co Proxecto de Biblioteca, co Erasmus, ou con Voz Natura, coma neste caso.

Habitualmente soemos buscar un fío conductor, non só para Entroido, senón tamén para o resto de actividades complementarias e incluso extraescolares. Iso tampouco é ningunha novidade. Pero, esta vez fomos un pouco máis aló.

O centro leva varios cursos perfilando unha idea troncal, un xeito de actuar respectuoso co medio e co entorno en xeral. Démonos conta que aínda que xa fixéramos varios cambios nas nosas actuacións, había algunha incongruencia, por iso extendemos este xeito de traballar á celebración do Entroido.

Na deste ano decidimos desterrar as bolsas de plástico dos nosos disfraces,  buscar unha temática acorde aos nosos intereses (o respecto polo medio) e empregar un xeito de actuar, todos e todas xuntos/as aprendendo, e isto tamén incluíu ás familias.

Como non, tamén cremos que é importante difundir ao resto da comunidade esta idea, contaxiala, polo que os fixemos partícipes cunha representación pública en Viveiro.

Podedes coñecer todo o proceso no seguinte vídeo.

Publicado en CELEBRACIÓNS, Interdisciplinariedade | Deja un comentario

Seguimos aprendendo sobre as plantas nas nosas observacións

Publicado el 23 febrero, 2019 por galdo

Seguimos aprendendo sobre as plantas a base de experimentar, combinando elementos e observando cómo se comportan. Para nós e o xeito máis interesante e divertido de aprender.

Cada grupo no cole ten definida unha liña de traballo: hai grupos que experimentan cos nutrientes que a planta precisa do solo, outros coa importancia da luz no seu desarrollo, outros coa auga e cómo resulta imprescindible para elas,…

Nesta ocasión son os nenos e nenas de 3º quen estiveron probando as posibilidades de alimentación das plantas e comprobando cómo consiguen adaptarse ás distintas situacións. Facendo distintos plantexamentos, os nenos e nenas foron combinando distintas posibilidades, cuestionándose o que pasaría e observando.

Saberíades dicir qué pasaría se poñemos un bulbo só en contacto coa auga?, ou se medraría unha rama sen raíz?

Poderedes ver esta experiencia e as súas conclusións neste vídeo.

 

Publicado en EXPERIMENTAMOS CON PLANTAS | Etiquetado , , | Deja un comentario