embedded by Embedded Video
YouTube Direkt
Que día é hoxe?
febrero 2012 L M X J V S D « mar 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29
A hora do planeta 2011
Facemos árbores
Os nenos e nenas de educación infantil elaboramos unhas árbores moi chulas.
O primeiro que fixemos foi pintar o tronco das árbores de cor marrón (cada un na súa aula, utilizou a técnica que quixo) e, a continuación, picamos a silueta.
Cando xa está picado, decoramos a árbore ao noso gusto: con gomets amarelos de limóns, vermellos de mazás, verdes de peras,…
Posteriormente, recortamos pola liña de puntos e encaixamos a árbore. Para que queda máis estable, poñemos na base unha boliña de plastilina onde encaixa a árbore.
Para darlle máis volume ao tronco, utilizamos as virutas que quedan de afilar os lápis de cores e as pegamos cu poquiño de cola branca.
Publicado en CEIP. Ría de Vigo
Etiquetado Día da Árbore, Educación Infantil, Ideas, Manualidades
Deja un comentario
Día Mundial da Árbore 2011
Onte, 21 de marzo de 2011, unha chea de celebracións inundaron a nosa BiblioRía: a chegada da primavera, o Día da Árbore e o Día da Poesía.
Os corredores do colexio quedaron decorados cunha morea de árbores elaborados por cada un dos nenos e nenas da escola.
Landro e Gaspar quixeron celebrar con nós este día e estaban xuntos e presentes na BiblioRía.
Aquí vos deixamos co acto de celebración na BiblioRía e co programa do mesmo.
I RECITAL DE POESÍA NA BiblioRía
(21 – MARZO – 2011)
(21 – MARZO – 2011)
(a música ambiental que nos acompañou nesta celebración foi a seguinte: “A primavera” de Vivaldi)
Hola! Bo día, e benvidos ao
1º Recital de Poesía na BiblioRía.
Hoxe, 21 de marzo, estreamos primavera, e como di o refrán: “A primavera o sangue altera”, por iso nós estamos algo alterados e alteradas. E non é para menos!!!… con tantos acontecementos…
pois como xa vos anunciaron Gaspar e Landro, hoxe tamén celebramos o
Día da Poesía
e o
Día da Árbore
Dúas cousas moi importantes na nosa vida: A árbore lle da osíxeno aos nosos pulmóns e a poesía lle da osíxeno aos nosos sentimentos . . . e xa que estamos a celebrar o
Ano Internacional dos Bosques,
os nosos poemas foron seleccionados sobre ese tema, o que nos da tamén unha idea de cómo a Natureza e as árbores inspiran aos poetas. Do baúl dos nosos “Tesouros dos Bosques” sacamos poemas de Rosalía, de Pondal, de A. Machado, Antonio García Teijeiro . . . que nos falan de pinos, carballos, sauces, bosques, arboredas, etc
pois como xa vos anunciaron Gaspar e Landro, hoxe tamén celebramos o
Día da Poesía
e o
Día da Árbore
Dúas cousas moi importantes na nosa vida: A árbore lle da osíxeno aos nosos pulmóns e a poesía lle da osíxeno aos nosos sentimentos . . . e xa que estamos a celebrar o
Ano Internacional dos Bosques,
os nosos poemas foron seleccionados sobre ese tema, o que nos da tamén unha idea de cómo a Natureza e as árbores inspiran aos poetas. Do baúl dos nosos “Tesouros dos Bosques” sacamos poemas de Rosalía, de Pondal, de A. Machado, Antonio García Teijeiro . . . que nos falan de pinos, carballos, sauces, bosques, arboredas, etc
1º PARTE
En Primeiro lugar os máis pequenos do cole: os nenos e nenas de 3 anos recitaron un poema de A.GARCÍA TEIJEIRO, titulado “AS FOLLAS DUNHA ARBORIÑA”
En 2º lugar os nenos e nenas de 4 anos presentaron unha canción popular titulada: “DENTRO DE LA TIERRA NEGRA” - POPULAR
En 3º lugar, o turno dos nenos e nenas de 5 anos, cun poema titulado: “PLANTEMOS EL ÁRBOL” de E.E. RIVAROLA
En 4º lugar, os nenos e nenas de 1º de Primaria recitáronnos: “MEU AVÓ MERCOU UNHA BARCA” de ANTONIO GARCÍA TEIJEIRO
En 5º lugar os alumnos e alumnas de 2º A recitaron un poema de , EDUARDO PONDAL titulado “OS PINOS”
E para rematar esta primeira parte do noso Recital de Poesía, os nenos e nenas de 2ºB recitaron “UNA SEMILLA PEQUEÑA” de TERESA DE LARDIZÁBAL
2º parte
En 6º lugar os nenos e nenas de 3º DE PRIMARIA recitaron un poema de A. MACHADO, titulado “A UN OLMO SECO”
En 7º lugar os nenos e nenas de 4º DE PRIMARIA presentaron un poema titulado: “POEMA DEL ÁRBOL” de A. MACHADO.
En 8º lugar, o turno dos nenos e nenas de 5º, cun poema titulado: “MI ÁRBOL Y YO” de ALBERTO CORTEZ
E xa para rematar, como broche final os nenos e nenas de 6º de Primaria recitaron un poema titulado: “TRES ÁRBOLES” de GABRIELA MISTRAL
Un gran aplauso para todos e todas!!! Soamente podemos dar as grazas de parte de todo o EQUIPO DE BIBLIOTECA, XUNTO CON GASPAR E LANDRO por participar deste xeito tan fermoso neste 1º RECITAL DE POESÍA, desexando que nos esperen moitas máis primaveras para a poesía neste cole.
A coordinadora
Mª Ángeles Maquieira Camiña
Xa para rematar, a mestra Marilú entregou a todos os participantes unhas saborosas gominolas de parte de Landro e Gaspar… ATA A PRÓXIMA!!!
Publicado en CEIP. Ría de Vigo
Etiquetado BiblioRía, Día da Árbore, Educación Primaria
Deja un comentario
Prantamos árbores
O día 17 de marzo de 2011, os nenos e nenas de Educación Infantil estivemos de excursión no Monte de San Miguel de Oia… pero non estivemos mirando a paisaxe… estivemos a traballar!!!… PRANTAMOS ÁRBORES… uns fermosos carballos.
As persoas da Comunidade de Montes da zona botáronnos unha man nesta tarefa así como as nosas mestras e mestre.
Ás 10:30 horas da mañá, o autobús agardaba por nós ás portas do colexio… estabamos un pouco nervios@s e con moitas ganas de ir.
Unha vez alí, comezamos a nosa función… repoblar o monte. Pouquiño a pouco, puxemos a árbore, botásmoslle a terra por enriba, pisamos esa terra e, como non, deixamos cada un ao noso Landro colgado do carballo… todo isto entre unha terra un pouquiño “húmida” pola chovias de días anteriores… algún rematou cos pés cheos de lodo!!!
Traballo feito e… chega a hora da merendar!!!
Primeiro toca subir ata a zona escollida para tomar os bocatas así que comezamos a camiñar pouco a pouco e tod@s xunt@s ata chegar xunto da “nosa recompensa”: uns saborosos bocatas de chocolate… mmm!!! …boísimos!!!
De postre, zume de froitas e mazás… a merenda máis traballador@s!!!
Despois de merendar, xogamos un pouqiño e camiñamos polo monte na busca dun lobo que non apareceu pero parece que as súas pegadas andaban pola terra…
foi unha xornada moi divertida na que cumprimos a nosa función de contribuir á repobración dos montes.
Se queres disfrutar da totalidade das imaxes, podes facelo no apartado de Galerías da páxina web do cole. Para acceder, preme na ligazón que aparece aquí abaixo:
http://www.edu.xunta.es/centros/ceipriadevigo/galeria/thumbnails.php?album=168
O ciclo da auga
O alumnado de 4 anos do cole está a traballar sobre a auga. O momento de comprender como se desenvolve o ciclo da auga é un pouco complexo, polo que decidimos traballar con 3 “momentos” diferentes do mesmo: Evaporación-Condensación_Precipitación.
Para intentar que o entendemento do ciclo da auga fose o máis doado posible, “buceamos” pola rede na procura dun vídeo explicativo e sinxelo, e atopamos este que aquí vos presentamos (elaborado por Patricia López e Marcos-Arxentina)
LA GOTITA VIAJERA (preme no título para ver o vídeo)
A partires deste vídeo, elaboramos esta actividade para traballar no Encerado Dixital Interactivo. Preme no debuxo para acceder á Wiki do cole onde está aloxada a actividade e lembra que para traballar con ela é necesario un software específico.
Publicado en CEIP. Ría de Vigo
Etiquetado Actividade EDI, Auga, Contos, Educación Infantil, Recursos na rede
Deja un comentario
Compartindo ideas…
Como ben sabedes, neste blogue de Voz natura temos informada a toda a Comunidade Educativa e a todos os nosos usuarios e usuarias das nosas actuacións en favor do medio ambiente.
Por outro lado, queremos que este blogue sexa unha canle onde compartir as nosas actuacións, a nosa “forma de facer”, as nosas experiencias,… e onde todos os mestres/mestras poidan recoller ideas para os seus centros.
Aquí amosamos algunas das nosas ideas de clasificación da información e como vai quedando o noso mural onde recompilamos toda a información.
Para saber máis… a auga
Seguimos “buceando” pola rede e atopamos máis recursos de utilidade que podemos utilizar co alumnado de 4 anos e que serven de boa axuda para traballar sobre a auga.
(para acceder a cada un dos recursos, preme na imaxe correspondente)
Por un lado, vos presentamos unhas imaxes variadas, recollidas no Álbum Picassa de Isabel Fernández
Páxina con información xeral sobre a auga e documentación variada.
Xogo flash onde poderás descubrir de forma amena e divertida as características da auga, realizar experimentos, xogar con memories,…
Canto tempo tarda a auga en evaporarse?
A cousa vai de experimentos.
Como ben sabedes, comezamos este trimestre investigando os estados da auga. Xa sabemos que pode estar en estado sólido, líquido e gaseoso.
A auga líquida (estado líquido), cando está sometida a baixas temperaturas, convírtese en xeo (estado sólido) e, cando está sometida a altas temperaturas, en vapor de auga (estado gaseoso).
Na nosa aula xurdíu unha pregunta:
Para iso, decidimos facer un simple experimento tomando como referencia unha botella con auga. Fixemos unha marca no nivel de auga que presentaba nese momento e anotamos nunha folla de rexistro o día no que comezamos o experimento.
A medida que vaian avanzando os días, o nivel de auga baixará e anotaremos na botella e na folla a que nivel se atopa e o día. Así, descubriremos que a auga vaise evaporando co percorrer dos día.
Os estados da auga
Este xoves, na aula de 4 anos, e como xa é habitual, investigamos máis cousiñas sobre a auga. Se o trimestre pasado, traballamos o ciclo da auga, este trimestre comezamos investigando os seus estados: sólido, líquido e gaseoso.
Xa fai un tempo, a mestra Emma ensinounos o vapor de auga utilizando un aparello para quentar biberóns. Con el aprendimos que a auga, cando está quente, se transforma en vapor.
Este xoves, a mestra Paula trouxo á aula uns cubiños de xeo cos que descubrimos o estado sólido da auga: notamos a súa fría temperatura, a súa dureza,… A auga convírtese en xeo ao someterse a altas temperaturas; o mesmo acontece cando cae o granizo (a auga das nubes está tan fría que se convirte en xeo e, ao precipitarse, o fai neste estado sólido)
Tamén puidemos comprobar que eses cubos de xeo se desfacían; voltaban a ser auga líquida de novo. Todo isto debido ao cambio de temperatura: cando están no conxelador, convírtense en xeo pero, coa calor da aula, derrítense e volven ser auga líquida.
Xa non queda nada dos nosos cubos de xeo!!!