Os nenos e nenas de segundo en colaboración coa Comunidade de Montes de Meira, a Comunidade de Montes de Domaio, a Comunidade de Montes de Moaña e o Concello de Moaña  tiveron un encontro cos nenos e nenas doutros colexios de Moaña en Can do Porco (Domaio) para reforestar o bosque e plantar sobreiras e Carballos, tamén fixeron unha visita á Poza da Moura Foi unha experiencia fantástica para celebrar o Día da Árbore.

O mellor xeito de valorar e coñecer a natureza e dar un paseo pola nosa contorna aproveitando os recursos que temos na contorna da escola, un destes recursos é o río da Fraga cun fermoso paseo para observar e desfrutar da natureza en estado puro.

Como cada ano contamos coa colaboración de Sindo un veciño da zona que ven a axudarnos e ensinarnos como podar as árbores. Aos nenos/as encántalles escoitar e aprender dos nosos maiores