CEIP Pousada Carcacía

Superado o período de adaptación dos máis pequenos, creando hábitos, consolidando rutinas … Agora si, xa estamos preparados para comezar o novo proxecto medioambiental deste curso.

Revisamos a programación do Proxecto e recollemos un dos obxectivos fundamentais que pretendemos neste curso:

“Iniciar “experiencias de aprendizaxe“na nova zona (Representación Ecosistema do Val Fluvial do Río Ulla) creada no patio escolar o curso pasado na que a auga é o elemento fundamental ”

Así retomamos o traballo onde o deixamos o curso pasado … Pero a volta das vacacións atopámonos cun novo elemento ¡non previsto na programación! ¡¡un lagarto¡ disposto a compartir con nós experiencias de aprendizaxe “… ¿Será unha boa maneira de comezar?…

Agardamos as vosas propostas porque dos lagartos sabemos moi pouco ¿Saben nadar, …? ¿Que comen…?

¡ BO COMEZO DE CURSO ¡

embedded by Embedded Video

Continuamos avanzando no proxecto medioambiental deste curso. Xa está practicamente rematada a construción “do estanque” . Pero observando como se moven  e sitúan os nenos e nenas diante deste novo espazo no patio escolar, temos que adoptar algunhas modificacións que permitan ter en conta a necesidade dos nenos e nenas de tocar, de mirar, de aproximarse ao novo elemento: a auga…en definitiva dar resposta a súa curiosidade.

Por este motivo a brigada de obras do Concello xa lle está dando voltas ao tema, nun primeiro momento parecía que deixar unha zona aberta a cada lado podía ser unha solución. Despois definitivamente considerouse que facer dous accesos ou pequenos camiños na parte dianteira posibilitaría que os nenos e nenas puidesen aproximarse ao tempo que esta solución tamén permitiría respectar e observar a vexetación que plantaremos proximamente.

Inicialmente no proxecto isto non estaba previsto pero se pretendemos que este espazo se transforme nun espazo de observación,  experimentación e  reflexión con diferentes elementos da Natureza temos que permitir que este espazo sexa facilmente accesible aos nenos e nenas.

Agora só falta incluír esta nova proposta e instalar a bomba. Actuacións que realizará a brigada proximamente. Despois de Entroido faremos a saída “O Areeiro” para recoller especies (coa autorización do Servizo de Conservación da Natureza da Consellería de Medio Ambiente) para así dar por rematado neste curso a “representación” no patio escolar do ecosistema do val fluvial do río Ulla con diferentes especies representativas da flora e fauna.

 

 

No proxecto medioambiental deste curso pretendemos poñer en valor o entorno natural próximo ao noso centro escolar ” O Areeiro” situado nos límites do Sistema fluvial Ulla-Deza, incluído na Rede Natura 2000 como zona de especial protección dos valores naturais (ZEPVN) e lugar de interese comunitario (LIC). Polo que xa temos programadas unha serie de actividades encamiñadas a “redescubrir” co alumnado e a comunidade educativa este entorno coa finalidade de coñecer e valorar a biodiversidade dos sistemas de auga doce.

Tamén pretendemos neste curso iniciar a “representación” no patio escolar do ecosistema do val fluvial do río Ulla con diferentes especies representativas da flora e fauna.

Pois ben, esta semana a brigada do Concello de Padrón iniciou o seu traballo no patio escolar. No CEIP de Pousada Carcacía, que escolariza neste curso 24 nenas e nenos de 3 a 7 anos, non sería posible realizar este proxecto sen a entusiasta colaboración e implicación da administración local máis próxima ao noso centro escolar: o Concello de Padrón. O compromiso dende a Concellería de Educación e a Concellería de Parques e Xardíns, o asesoramento permanente do noso colaborador José Manuel (xardineiro do Xardín Botánico Artístico de Padrón) e o cariño e dedicación da brigada de obras fan posible levar adiante este proxecto.

Desta maneira o noso proxecto é capaz de traspasar o centro escolar e  transformarse nun proxecto compartido que consegue ilusionar porque todos sabemos que a finalidade vai ser que os nenas e nenas poidan ter a posibilidade de aprender, respectar, coñecer…  

Conforme imos vendo a evolución do traballo da brigada, pedra a pedra, vai tamén medrando as nosas ilusións compartidas, as dos adultos:  ¡xa verás que bonito vai quedar¡ mira…¿e se lle facemos…? ¡ e pódense traer ras¡… e as dos nenos e nenas ¿profe, e cando imos ter peixes? e logo tamén ¿imos ter patos…?…  

 embedded by Embedded Video

YouTube Direkt

O obxectivo fundamental do noso proxecto medio ambiental é crear un espazo permanente no patio escolar que posibilite ao alumnado a observación, a experimentación e a reflexión con diferentes elementos da Natureza fomentando actitudes de respecto e coidado do medio ambiente.

No proxecto deste curso 08/09 acondicionamos unha zona de paso no patio escolar que estaba revestida en cemento con 6 xardineiras de gran tamaño co fin de dispor de 3 zonas de traballo:

1. a horta
2. o viveiro
3. o xardín

embedded by Embedded Video