CEIP Pousada Carcacía

Despois da nosa aventura no Pacífico, e neste momento co pensamento e cos nosos sentimentos acompañando a toda  a poboación de  Xapón que está sufrindo a catástrofe provocada polo tsunami, xa estamos de novo en Carcacía.

A volta das vacacións do Entroido, atendendo as predicións metereolóxicas que anunciaban un cambio de tempo,  aproveitamos os dous días de “aparente  primavera” para por en marcha a plantación que neste curso levamos cun certo retraso. Temos que estar preparados para  a visita do coello da Pascua , aínda que probablemente este curso co retraso que levamos non poidamos ofrecerlle cenorias pero pretendemos deixalo impresionado co xardín dos bulbos.

embedded by Embedded Video

YouTube Direkt

Neste primeiro trimestre, deste novo curso, retomamos o traballo iniciado o ano pasado nas tres zonas destinadas as actividades medioambientais no patio escolar: a horta, o viveiro e o xardín.   

Logo do verán foi necesario limpar as xardineiras e descubrimos:

• no viveiro: os castiñeiros e carballos seguen medrando e somos quen de diferencialos atendendo ao bordo das follas.
• no xardín: recoñecemos os bulbos que xa están timidamente asomándose e recordamos as implicación afectivas co noso xardín.   
• na horta: de momento recordamos o fracaso do ano pasado ¡nen unha triste cenoria¡ e a ilusión da colleita deste ano.     

As condicións climatolóxicas deste primeiro trimestre: a choiva, o frío…e tamén outras causas como a gripe, a varicela…foron as únicas responsables de non poder dedicar o tempo necesario as tres zonas de traballo porque a ilusión non nos falta. 

embedded by Embedded Video

YouTube Direkt

Xa chegou o bo tempo e xa plantamos as fresas, as cenorias e as espinacas. Coas plantas das fresas so tiñamos que observar con moita atención ¿como hai que plantalas? ¿para arriba ou para abaixo? So tiñamos que buscar as raíces.  

Coa plantación das sementes de cenorias e espinacas fixemos un bo traballo en equipo, uns facían o rego, outros botaban a semente e logo con moito coidadiño tiñan que quedar agochadas na terra.. e así todos os equipos organizaron moi ben o seu traballo.  

Logo fixemos etiquetas e colocamos os sinalizadores para que calqueira poida saber o que temos sementado.E agora a regar e a esperar… 

embedded by Embedded Video

YouTube Direkt