CEIP Pousada Carcacía

A comunidade educativa do CEIP de Pousada Carcacía deséxavos… 

           ¡¡¡ FELICES FESTAS !!! 

A nosa experiencia previa, diferenciar a textura  lisa/rugosa nas cortizas das árbores próximas ao entorno escolar.  A nosa intención na saída ao bosque“observar” e “investigar” as cortizas das árbores. Pero a Natureza tíñanos reservada unha sorpresa polo que deixámonos impresionar polos espectáculo de cogomelos que fomos atopando polo camiño: cogomelos grandes e pequenos, violetas,  pequeniños, no medio do camiño, na beira, nas árbores …

Logo de tal impresionante percorrido chegamos ao “bosque” e alí xa levamos adiante  as actividades que tiñamos previsto. Cada quen escollería unha árbore que tería que “acariñar”, a modo de pedir permiso, para comprobar na súa cortiza:

• a cortiza, lisa ou rugosa?
• hai buratiños, feridas… ? 
• vive alguén…?
• ten “musgo”…?

E na nosa primeira “investigación” descubrimos:  en moitas cortizas “brións” ( musgo) buratos moi grandes, nen rastro de pequenos animais agás unha araña,” liques” e “hedras ”que subían e subían polo tronco das árbores…

Recollemos algunhas mostras coa finalidade de facer unha pequena exposición na clase e continuar coa  nosa pequena “investigación”…  

embedded by Embedded Video

YouTube Direkt

 Somos noticia  porque onte fixemos a saída medioambiental para recoñecer as cortizas das árbores. Para os pequenos de tres anos a súa primeira saída para “observar” “investigar” e “recoller elementos da Natureza”. 

E aínda que a nosa principal intención era recoñecer as cortizas das árbores, a Natureza  sorprendeunos de novo polo que tamén onte puidemos observar moitos cogomelos  que  foron obxecto da nosa admiración.Recollimos mostras que na próxima semana utilizaremos na aula para seguir avanzando no proxecto do Programa Voz Natura deste curso.

Avanzando no proxecto medioambiental deste curso acordamos que, previamente ao estudio dos bosque, deberíamos comprobar se realmente  recoñecíamos as diferentes partes das árbores. Comezamos a nosa reflexión en relación as diferentes partes das árbores.  Este foi o noso punto de partida:  

• as raíces “serven para que as árbores poidan estar na terra”
• tronco: “serve para que non se caian as follas”
• as follas

A nosa primeira conclusión: deberíamos comezar polo estudio das raíces. Pero retomando os debuxos das árbores que xa tiñamos feitas  puidemos comprobar que ninguén representara as raíces  ”porque non se poden ver, están debaixo da terra” foi o argumento utilizado de maneira contundente por todo o alumnado. Polo tanto, das raíces das árbores apenas  tiñamos coñecemento.

Pero o que si temos xa moi integrado é que aquelo que descoñecemos podemos atopalo na Internet. Buscamos imaxes de raíces. Atopamos imaxes de moitos tipos de raíces: as aéreas, as acuáticas, as que eran enormes, as raíces principais, as raíces secundarias… E descubrimos que as árbores “absorben auga polas raíces” mediante unhas raíces moi pequeniñas que semellan “pelos” Logo decidimos saír da escola, poderíamos ver as raíces das árbores ? E no camiño ,que percorremos unha e mil veces nas nosas saídas medioambientais, un novo descubrimento. No camiño atopamos un montón de raíces … Xa estabamos en condicións de representar as raíces das árbores: a raíz principal,as secundarias e os “pelos”.

embedded by Embedded Video

YouTube Direkt

Unha fermosa historia  dunha gran muller  para celebrar o Día dos Bosques Autóctonos porque fomentar actitudes de respecto e de valoración do patrimonio biolóxico tamén leva implicítico a defensa de moitos valores patrimonio da Humanidade: a igualdade, o respecto, a  diversidade, a tolerancia, a paz,…

embedded by Embedded Video

YouTube Direkt

 As predicións meteorolóxicas advertían do mal tempo pero aínda así tiñamos unha mínima posibilidade dunha pequena tregua pola tarde. Así que este ano non, non podía ser, non estabamos dispostos a quedar por terceiro curso consecutivo sen Magosto… 

Os cestos feitos cos cartóns do leite pintados e requetepintados, decorados e debidamente etiquetados agardaban aos nosos invitados. Os nenos e nenas agardaban as avoas que viñan asar as castañas… E pola tarde a choiva presentouse ao Magosto sen estar invitada. Pero a nosa decisión xa estaba tomada e no local veciñal de Carcacía  bailamos,cantamos e comemos moitas, moitas e moi boas castañas asadas… 

E cos cestiños feitos con material de refugallo cheos de castañas asadas despedímonos coa satisfacción de ter celebrado o  Magosto. Unha festa tradicional que  ademais de ser unha boa escusa para poñer en valor os soutos, os castiñeiros, falar das castañas e dos ourizos, dos ditos populares… supón para nós converter o Magosto nunha xornada de convivencia interxeneracional  (nenos e nenas, pais, nais, avoas e avós, veciños…) e nunha xornada de lecer.           

Non, non… non se trata dunha obra literaria clásica ou dunha peza de música… nen  tan sequera dunha clásica produción cinematográfica…Comezamos o novo proxecto do Programa Voz Natura deste curso cunha secuencia de ensino-aprendizaxe que para o alumnado de Educación Infantil xa podemos considerar “un clásico”. Trátase de facer unha sesión de análise do cartel de Voz Natura que nos vai acompañar durante todo o curso. Sentados  en roda arredor do cartel expresamos e interpretamos o que nos suxire o cartel.

Nesta ocasión, a diferenza doutros cursos, a conclusión foi unánime ¡¡¡ Si ,si no cartel de Voz Natura hai un bosque porque hai árbores ¡¡¡ Alguén pretendendo ser aínda máis contundente afirmou ¡¡¡ Sííiii… é un  bosque  porque alí   agochado está o lobo¡¡¡

Unha vez confirmado o tema do proxecto deste curso comezamos a recollida das ideas previas….Que  é  un bosque? …Que podemos atopar nun bosque…? E realizamos as nosas primeiras representacións gráficas do bosque e das árbores que non van servir de punto de partida para avanzar no proxecto medioambiental.

“Los blogs, a pesar de ser el paradigma de la web 2.0, no son innovadores por si solos. Hai que explicar en ellos cosas interesantes y ser capaces de darles una dimensión educativa.”(Ramón Barlam, Ordenadores en las aulas, Ed. Grao 2010). 

Así de contundente comeza un artigo dunha interesante publicación na que se reflexiona en relación a integración das Tics na escola. 

No CEIP de Pousada Carcacía comezamos en febreiro 2009  a participación dende o blog  do Programa Voz  Natura coa intención de integrar este recurso educativo no proxecto medioambiental.

Despois de case dous cursos escolares, neste terceiro curso este reto parécenos aínda máis difícil e asumímolo cun nivel máis alto de responsabilidade e compromiso. Agradecemos poder reflexionar con artigos  como o anteriormente indicado que fan que nos cuestionemos unhas veces e que nos reafirmemos  outras, no traballo que estamos a facer dende o blog.  

Algunhas ideas de Ramón Barlam que nos parece moi oportuno compartir no comezo deste novo curso: 

“ El proceso de creación técnica de un blog es, actualmente, un simple trámite que nos ocupará no más de diez minutos…Lo que verdaderamente cuesta y requiere oficio es darle un verdadero sentido educativo”   

 “Introducir los blogs en las aulas, sin contextualizarlo en un replanteamiento de la educación que implica inevitablemente cambios importantes a muchos niveles, especialmente en el metodológico, no conduce a ninguna parte” 

 “Es a través de la experiencia, y del intercambio de conocimiento con otros compañeros, como vamos creciendo profesionalmente….  es preciso que expliquemos más a menudo, y sin prejuicios ni complejos, nuestras experiencias de aula.Los blogs son, para esta tarea, y sin ningún lugar a dudas, la mejor opción.” 

Pola nosa parte poderíamos engadir algunhas razóns máis para pertencer a comunidade bloguera do Programa Voz Natura: 

• Estar absolutamente convencidos de que a Educación medioambiental debe estar integrada no currículo e a mellor maneira de defender esta idea e mostrando as experiencias e actividades que realizamos na aula e nos centros educativos.

•  A escola debe estar aberta á comunidade educativa polo tanto as nosas “actuacións” “reflexións” e “compromisos” poden e deben ser compartidos.

• Facer públicas as experiencias educativas conleva á reflexión en voz alta dos procesos de ensino aprendizaxe.

• Sabemos que a posta en marcha do blog e o seu mantemento supón un certo nivel de esforzo persoal e non está exento dun certo nivel de compromiso e responsabilidade pero tamén sabemos, que  ao mesmo tempo, implica unha posibilidade extraordinaria de formación para os docentes que participamos nesta iniciativa.

• Esta modalidade de participación no Programa Voz Natura, a posta en marcha dos blogs nos centros educativos, supón unha aposta clara e decidida pola integración das novas tecnoloxías dende os proxectos medioambientais.

As veces resulta difícil comezar, outras veces temos medo e cuestionamos o noso traballo, outras veces non temos claro se estamos atinando co enfoque…en fin, un proceso complexo… pero seguros e convencidos de que é unha iniciativa na que desexamos seguir avanzando. 

¡¡¡ Bo comezo de curso !!!      

  !!! Ánimo a todos e todas que estades dispostos a comezar ou a continuar!!!  

E unha proposta:

   ¡¡¡Atrevámonos a manter máis interactividade entre os centros participantes !!!

¡¡¡ no Programa Voz Natura !!!

 ¡¡¡ Temos moito que compartir!!! 

Rematado o curso 2010/2011 queremos despedirnos ata o próximo curso coas imaxes da participación da comunidade educativa do CEIP de Pousada Carcacía na Festa Voz Natura.

O Programa Voz Natura ofreceulle, de novo, a nosa comunidade educativa  a oportunidade de participar  nunha xornada de lecer. A excelente organización da Festa: un recinto magnífico, a adecuada distribución dos espazos, as propostas de actividades… fixo  que, pola nosa parte, so tivesemos que tomar unha decisión: con quen ,como e de que maneira participar na Festa. Unha longa xornada de lecer con moito  tempo para…  

embedded by Embedded Video

YouTube Direkt

¡¡¡ ATA O  PRÓXIMO CURSO¡¡¡     

 ¡¡¡ ESTAREMOS FORMANDO PARTE DO PROGRAMA VOZ NATURA CUN NOVO PROXECTO!!! 

    “ O BOSQUE DE RIBEIRA NO SISTEMA FLUVIAL ULLA-DEZA” 

                 ¡¡¡ QUE TEÑADES MOITO TEMPO DE LECER…TEMPO PARA PASEAR… TEMPO PARA NADAR…TEMPO PARA PENSAR…TEMPO PARA SER SOLIDARIOS…TEMPO PARA ESCOITAR…TEMPO PARA LER…TEMPO PARA REFLEXIONAR…TEMPO PARA COMPARTIR… TEMPO PARA EL OU PARA ELA…TEMPO TAMÉN PARA  TI …!!!

Chegou no mes de maio do curso pasado … No outono visitounos en moitas ocasións. No inverno moi pouco pero o suficiente para facernos pensar que estaba recollendo información para Papá Noel. Desapareceu. Reapareceu no mes de marzo deste curso. Desapareceu…Pero chegou o mes de maio…

Cada día aproximadamente a mesma hora, varias veces cada mañá, non todas as tardes… Observa atentamente, parece que quixera escoitar ou aprender… prefire os momentos máis tranquilos e silenciosos pero tamén apúntase as nosas conversas, cando contamos as nosas noticias…

E logo comeza o seu ritual unha, outra,outra e outra… e mil veces peteira contra o cristal… coma se quixera contar algo ou ¿ terá fame ?  ¿que quere saber? Salta dun lado a outro e… marcha e volve… Abrimos as ventás pero non lle importa, decide situarse sempre detrás do cristal. Dixo alguén ¡ Non quere entrar!

E cada día agardamos a súa visita e cando chega sabemos que prefire o silencio, a tranquilidade e que así conseguimos que se quede máis tempo…pero non o suficiente porque en canto collemos a cámara de fotos decide retirarse…A nosa ilusión que decida quedarse nalgunha das caixas niño que temos no patio… e tamén poder entender o seu idioma.

embedded by Embedded Video

YouTube Direkt

.