CHALÉS PARA INSECTOS

Resultado de imagen de lombriz infantil

Para conservar un equilibrio natural entre as pragas e as enfermidades dos nosos cultivos será moi importante atraer inimigos naturais das mesmas. Eses inimigos serán algúns insectos.

Si creamos as condicións necesarias para que habiten estes inimigos naturais das pragas no noso horto, evitaremos a aparición destas. Por iso intentamos conseguir un entorno agradable para as lombrigas, para as xoaniñas e para as formigas, das seguintes maneiras:

1.- CULTIVANDO PLANTAS AROMÁTICAS

Para atraer aos insectos beneficiosos empregramos varias plantas do noso horto botiquín, situaremos estas plantas entre os cultivos para que estean ben protexidos polos depredadores naturais dos insectos. Entre as plantas que atraen insectos beneficiosos atópanse varias das que xa fomos plantando ao longo deste curso, tales como: a lavanda, o cilantro ou a melisa.

2.- FACÉNDOLLES CASAS :

Moitos insectos, tanto a praga como os benéficos, andan dunha planta a outra durante o día. Pero hai outros insectos que prefiren saír pola noite e necesitan un bo espazo no que acubillarse durante o día (especialmente durante o tempo de verán). Por iso é imprescindible provelos de pequenos espazos nos que poidan resgardarse, por exemplo: pedras, troncos, ramas, tellas, etc.

Os nenos de educación infantil fixeron chalés para insectos con casca de carballo, que recollemos nunha carballeira cando xa caera das árbores.

P1080785

Mateo pensando onde colocará o seu chalé.

3.- COLOCÁNDOLLES FOLLAS CON AUGA:

Os insectos necesitan beber. Ás veces é máis que suficiente co rocío da mañá ou cos pequenos charcos que se poidan crear momentaneamente ao regar (especialmente se se fai por aspersión). Outras alternativas son as de deixar follas grandes ou pequenos recipientes nas zonas estratéxicas do noso horto ou xardín. Logo teremos que lembrarnos de  cambiar esta auga para que estea fresca, e non sexa unha fonte de proliferación de insectos non desexados como os mosquitos.

Resultado de imagen de hojas con agua

4-ACOLCHANDO OS TERREOS CULTIVADOS:

Trátase de protexer o chan con diversos materiais para evitar a perda de humidade, ao mesmo tempo que esta capa actúa como escondite para os insectos. Realízase  empregando materiais biodegradables, o cal enriquece o chan. O mellores materiais son a palla, a folla e a herba seca, que se distribuirá en capas delgadas pero suficientes para protexer  dos raios solares.

P1060577

Mario cubrindo o chan onde temos plantadas as acelgas con palla.

Con estas técnicas intentamos atraer ao noso horto lombrigas, xoaniñas e formigas.

Os nosos chalés deberon de gustarlle a Clarita, a gata dos nosos veciños porque alá veu ver como traballan os cativos de educación infantil, daquela os nosos peques dixeron que ata se podían chamar “Construcións Clarita” .

Para rematar a nosa sesión de horto seguimos pondo a nosa escola “guapa”, levando os pneumáticos reciclados e pintados ao patio de infantil, para colocarlles dentro azaleas e ciclames.

E puidemos comprobar como ao traballar xuntos podemos facer calquera cousa, ata mover pneumáticos moi grandes!!! Así que de paso que fixemos chalés, e puxemos a escola guapa, démonos conta de que “a unión fai a forza”.

LIBERAMOS XOANIÑAS

Esta semana investigamos e aprendemos moitas cousas sobre as xoaniñas.

image002Buscamos información en: libros, internet, vídeos… e preguntámdescargaoslle a algún avoíño e a algunha avoíña para descubrir refráns, adiviñas, cancións e xogos nos que as xoaniñas eran as protagonistas

As xoaniñas son pequenas e teñen un caparazón redondeado ou ovalado. Teñen unhas ás duras coma caparazón que cobren unhas ás internas. 

Soen ser de cor vermella, negra, laranxa ou amarela e a miúdo teñen manchas nas ás. 

Son amigas do horto e do xardín porque axudan a protexer as colleitas xa que comen insectos, como os pulgóns, que a súa vez comen as plantas. Son animais carnívoros e ovíparos, deixan centos de ovos amarelos nas colonias de pulgóns e doutros insectos semellantes. Cando nacen, as larvas comezan a alimentarse rapidamente, podendo comer ás seis semanas uns 5000 pulgóns.

En moitos lugares empréganse como “control biolóxico das pragas”, no canto de usar produtos químicos.

A moita xente gústanlle as xoaniñas pola súa cor e os seus puntos negros. A súa cor chamativa serva para manter alonxados aos seus depredadores como os lagartos e os paxaros, e parece dicir: “o meu sabor é asqueroso”. As xoaniñas viven onde viven as súas presas: en plantas, herbas, arbustos…

Gústalles a calor e soen pasar o inverno agochadas debaixo de cortizas ou en gretas para fuxir do frío.

image023

Este  mércores, 4 de maio, trouxemos xoaniñas ao cole!!!

Estivemos observándoas …que  cativas son!!! E decidimos liberalas no patio de infantil.

Para animalas a que voasen puxémolas na man e cantámoslles:

Xoaniña voa, voa

Xoaniña voa, voa,
que teu pai foi a Lisboa
a comer pan e cebola.
Xoaniña voa, voa
que se ti voas ben

poderás chegar tamén.

P1060909

 

 

Xoaniña, voa, voa

que che vou dar pan de broa

e se voas ben,

pan de trigo tamén!!!

 

 

ADIVIÑA, ADIVIÑANDO 

P1060898

Son vermella coma un rubí

levo puntiños negros,

atopasme no xardín,

en plantas ou herbas …

Sabes quen son?