Monthly Archives: febrero 2019

A HORTA DO ALBINO

E xa chegou o tempo de sementar as patacas na nosa horta

Un ano máis, foron os cativos de educación infantil os que cos pés na terra, e cheíños de enerxía e de ilusión comezaron a sementeira.

O primeiro que fixemos foi fender as patacas, buscando que, en cada un dos anacos fendidos, quedasen ollos para que a través deles abrollasen as novas prantas.

Coas patacas fendidas xa todo foi “sachar e sementar”, algo que as cativas, e os cativos de 6º de educación infantil saben facer moi ben.

Iria, Sofía e Cibrán traballan na horta con moito interese.

 

Marisa, Ainara e Hugo fan os buracos con moita ansia.

 

Hugo e Ainara levan traballando tanto que xa están un pouco cansos.

Helena e Mateo pensan que igual fixeron os buracos demasiado fondos, e isto dificulta que medren as patacas.

A Uxía moito lle gusta deixar a súa pataca ben colocada.

Agora a esperar que se dea unha boa colleita!!!!

ENTRE FOLLAS DE SABEDORÍA

Seguimos investigando, e seguimos aprendendo nesta terceira semana do concurso, cousiñas sobre o bosque, as súas árbores e a súa fauna.

Aquí tendes a novas fichas!

OS CONTOS DA FIGUEIRIÑA

Había unha vez un figueira á que moito lle gustaba ler, por iso decidíu visitar a nosa escola, porque o seu vello amigo o carballo, que era moi sabio, contáralle que na biblioteca do Albino Núñez podíanse atopar moreas de libros.

A figueiriña apareceu na clase das nenas e dos nenos de 6º de educación infantil, e pedíulles que a levasen á biblioteca, porque ela acababa de chegar e non sabía moi ben os andares.

Cibrán e Iria ofrecéronse voluntarios para ensinarlle a escola a nova amiguiña.

E alá fomos todos, a  presentarlle , como dicía ela, a “casa dos libros”.

Fixemos unha parada para presentarlle á mascota Librín.

Figueiriña estaba moi emocionada, porque vía que os nenos e as nenas, se esforzaban  en mostrarlle os libros máis interesantes e entretidos que  ían atopando.

Había libros de carballos, de piñeiros, da horta e mesmo de paxaros.

Atoparon un libro moi fermoso no que se podían aprender moitas cousas sobre a terra.

Foi entón cando a nosa árbore amiguiña dos libros, se puxo un pouco triste, porque lle dixo aos nenos, e ás nenas,  que a ela tamén lle gustaría atopar un libro sobre figueiriñas, un libro que falara dela, no que as nenas e os nenos puideran aprender moitas cousas sobre os figos e as figueiras.

Os cativos comezaron a buscar o libro que ela quería, buscaron por cada un dos recunchos da biblioteca, convencidos de que entre tantos libros algún tiña que haber.

Pero non atoparon ningún. E a figueiriña comezaba a sentirse moi…. moi decepcionada.

Rubén e Cibrán virona tan amolada que lle leron un dos seus libros preferidos.

As cativas e os cativos de 6º de educación infantil, que son moi dados a axudar a quen lle fai falla, e a pensar grandes solucións para os problemas dos que están a súa beira, foron cara a súa clase para pensar que podían facer para axudarlle á figueiriña.

Lucas pensando como axudar á árbore.

Xa está!- dixo Tibor, xa sei que podemos facer…..

 

E pensando…e pensando …tiveron unha idea fantástica.

Podían levar a figueiriña para as súas casas, e pedirlles as súas familias que lles axudaran a inventar un conto para ela.

Aínda que máis ca un conto, sabendo como se implican as nosas familias , imos facer un libro de contos, os contos da figueiriña.

Pois en marcha -dixeron os rapaces, meterona na mochila na que chegara á escola e alá vai de casiña en casiña, e xa veredes que feliz se vai sentir cando teña o seu libriño de contos.

 

 

 

ENTRE FOLLAS DE SABEDORÍA

Ánimo rapazas e rapaces xa estamos na segunda semana do noso concurso!

Seguimos buscando información nos libros da nosa biblioteca.

Xa sabedes qe tende que ir ao recuncho de Bibliobosque, consultar o libro que vos indique o profesor que está de garda na biblioteca, e cubrir estas fichas.

 

 

ESCOLA PONTE GUAPA

As cativas, e os cativos de 6º de educación infantil chegaron hoxe á escola con moitas gañas de traballar, viñan decididos a encher o patio de cores, a para iso nada mellor que plantar prímulas.

Comezamos buscando aquelas zonas do patio nas que era necesario intervir.

 

Empregando as cores das prímulas como recurso puidemos traballar o valor da diversidade, as nenas  e os nenos entenderon que todos somos diferentes e importantes, e temos un papel fundamental para construír xuntos un mundo cheo de beleza.

Algo que Sofía e Cibrán entenderon moi ben, e que lles gustou explicar aos compañeiros.

Con moita ilusión puxémonos mans á obra.

Despois de plantar as nosas prímulas, e de comentarmos os coidados que ían necesitar, só nos quedaba colocalas enchendo o noso patio de cores, e comprobar que as diferenzas enriquecen o patio da escola e o mundo.

E para rematar Cibrán deseñou a Florinda….

Agora só nos queda gozar do noso patio multicor.

AMIGUIÑOS DA HORTA

As nenas, e os nenos de 4º de educación infantil visitaron a horta para comprobar a saúde dos nosos cultivos.

Foron observando as follas e descubriron varias cousas….

Moitas follas estaban danadas polo exceso de auga….

 

 

E tamén atoparon  probas de que temos caracois na nosa horta…

Asique decidimos facer trampas de caracois para poder recollelos e levalos lonxe da horta,  onde poidan vivir sen comer os nosos cultivos.

Comezamos facendo buracos para esconder as nosas trampas, dentro deles colocamos botes reutilizados.

Nos botes engadimos cerveza.

Puxémonos a esperar dispostos e atrapar caracois e levalos a zona  das árbores e da herba.

Mentrés estabamos esperando apareceu unha “amiguiña da nosa horta”, menuda sorpresa levou Rodrigo…

 

 

 

ENTRE FOLLAS DE SABEDORÍA

Preparados para participar  no novo concurso!!!

Esta é a 1ª ficha, e a 1ª pregunta para os nenos e as nenas de 4º.

O CARBALLO

É unha árbore que pode pasar dos 40 m de altura.

A súa copa ten forma de globo, é ampla e irregular. Constitúe o principal representante da vexetación autóctona de Galicia

Os carballos florean entre abril e maio, e os froitos maduran en setembro.Resultado de imagen de CARBALLOS HOJAS

É orixinaria de Europa, Asia e o norte de África.

Ademais do gran valor paisaxístico, a súa madeira magnífica, dura e pesada foi sempre moi apreciada na  construción e na carpintería.

Unha carballeira é un bosque natural onde o carballo é a árbore dominante (en Galicia a especie principal sería o carballo común).

Resultado de imagen de ROBLE

A diferenza cunha fraga é que a carballeira é monoespecífica, polo que o carballo predomina claramente sobre outras especies arbóreas.

Ademais a fraga ten un grao de naturalidade maior, é dicir, achégase máis a un bosque virxe, bosque clímax ou primario.

Moitas fragas rematan sendo carballeiras cando perden biodiversidade, con todo, é unha formación de alto valor ecolóxico.

Para o seu normal desenrolo, os carballos precisan  chans profundos, frescos e soltos, aínda que soportan certo enchoupamento temporal.

É unha especie robusta e de longa vida ( pode superar os 1000 anos) .

Son árbores de gran valor ornamental e  paisaxístico.

En Galicia son típicas as carballeiras preto das igrexas e das ermidas, e en lugares de festas e de feiras.Ver las imágenes de origen

 

Os carballos sofren a doenza do Oidium, un fungo que se desenrola sobre a folla, dándolle un aspecto peloso de cor branca. Non chega a mata-la planta pero debilítaa considerablemente.

 

Os lumes e especies alóctonas como a mimosa son outros dos   inimigos dos carballos, con todo a superficie de carballeira aumentou nos últimos anos, en parte polo abandono de terreo agrícola causado polo despoboamento.

As carballeiras, ao igual que as fragas son o escenario de milleiros de contos, e lendas galegos. Carballos sagrados, mouros, lobishomes, trasnos, fadas, espíritos e a Santa Compaña aparecen e moran nestes bosques.

O termo Carballeira é un topónimo moi común na xeografía galega, e é ademais un apelido.

E agora para as nenas e os nenos que participades no concurso só vos queda ir a Biblioteca da nosa escola  pedir esta ficha e responder a seguinte pregunta:

Como se chaman os froitos do carballo?Resultado de imagen de bellotas

 

 

FOLLAS DE SABEDORÍA

Os cativos de 2º,  e de 3º, que queiran participar neste concurso, terán que buscar as respostas nos “Abremente”.Este material é ideal para aprender e para divertirse.

Estará na biblioteca a disposición dos participantes no concurso.

 

As nenas e os nenos terán que responder  3 preguntas cada semana,  referidas a árbores e a plantas, cada resposta correcta valerá un punto.

PRIMEIRA SEMANA

1.Todas as cenorias son de cor laranxa?                                         Resultado de imagen de tomate
2.O tomate é orixinario de :
a) Europa.
b) América.
c) Oceanía.
3.Que actividade se basea no cultivo da terra, a agricultura ou a gandería?

 

SEGUNDA SEMANAResultado de imagen de menta

1.Existen plantas que non teñen flor?
2.Hai flores comestibles?
3.Que herba aromática lle dá sabor a chicles e a dentríficos?

TERCEIRA SEMANA:

1.De que cor son as follas das espinacas?
2.As plantas que viven doutras plantas chámanse vexetarianas ou parásitas?
3.As plantas absorben a auga polas follas?Resultado de imagen de planta carnívora

CUARTA SEMANA

1.Todas as plantas florecen na primavera?
2.As plantas carnívoras comen persoas?
3.Como se chama a árbore que dá castañas?

QUINTA SEMANA:

1.Cal é máis alto, unha árbore ou un arbusto?
2.Que árbore é máis alta, un limoneiro ou un castiñeiro?
3.No planeta terra , apareceron primeiro as plantas con flor, ou as plantas sen flor?

SEXTA SEMANAResultado de imagen de nido

1.Reordena as letras da palabra AMAR, e atoparás unha parte das árbores.
2.En que ecosistema medran menos plantas, na selva ou non deserto?
3.Que constrúen os paxaros coas follas e coas ramas das plantas?

DERRADEIRA SEMANA

1.Onde viven as plantas acuáticas?
2.De que órgano da planta se orixina o froito?
3.Como se chaman os científicos que estudan as plantas?

O BOSQUE DA PAZ

Na semana da Educación Ambiental, e da Paz, o equipo de Biblioteca propuxo representar unha obra de teatro, que lles axudara a entender  aos cativos do noso centro os principais problemas aos que se enfrontan os nosos bosques.

Iria, Marco Antonio, Luz María, Alejandro, Carla e Mario foron o grupo de voluntarios encargados desta sesión de “Teatro pola Paz”.

Paz , unha nena de 8 anos, á que lle encanta ler á sombra dun carballo milenario, e Ciclo, o trasno que protexe o bosque, terán que enfrontarse á Bruxa Limpa.

 

Esta bruxa, que non lle fai honor ao seu nome, senón todo o contrario pretende queimar o bosque e encher todo de lixo, poque está namorada da contaminación.


Para elo conta con 2 axudantes,dispostos a cortar todos os  carballos.

Paz e Ciclo terán que convencer as leñadores para que cambien o seu traballo, polo de gardabosques .

Logo de escoitaren os argumentos de Paz e de Ciclo a favor dos bosques os nosos leñadores deciden converterse en coidadores das árbores.

COMO ANDA O PATIO?

As nenas e os nenos de 4º de Educación Infantil baixaron o patio dos nenos e das nenas de Educación Primaria. Querían comprobar se estes compañeiros, dende que comezamos coa actividade : “Escola verde”,  foran  capaces de reducir o plástico que usan, e de  tirar o lixo só  nas papeleiras, ou se pola contra seguían tirando envoltorios de plástico   no patio da escola.

Ían moi atentos, camiñando moi despacio convencidos de que  xa somos unha escola verde…………..

……….pero de súpeto Lola atopou un anaco de plástico no patio.

E Sara atopou outro.

Moi mal, -dixo  Aarón, prefiro non ver este desastre,  isto a Verdemán non lle gusta nada.

E a nós  tampouco -dixeron Claudia e Ángela que viran máis papeis tirados no patio.

E que podemos facer para termos unha escola verde?, -preguntoulle Mael a Verdemán.

Como Verdemán non respondía, as  cativas e os cativos de 4ºde Educación infantil reuníronse en asamblea,  para contar o lixo que recolleran.

Un pouco tristes, e preocupados sentáronse, para buscarlle unha solución a esta situación.Puxéronse a pensar…..

Rodrigo dixo que había moitos menos anacos de plástico que a comezo.  Esta vez só recolleran 14, pero aínda non chegaramos ao noso obxectivo, a semana cero, na que non houbera ningún anaco de plático ou de papel nos nosos patios.

Facía falta un gardián!!! E NINGUÉN MELLOR CA VERDEMÁN!!!!!

Si, si dixo Izan, Verdemán pode quedar no patio dos maiores, para iso o pintamos de cores!!

Para que lles lembre que non sigan tirando anacos de plástico no patio, -engadíu Antón, e podamos ter  unha escola verde e limpa.

IMOS COLOCAR UN VERDEMÁN EN CADA UNHA DAS PAPELEIRAS QUE ATOPEMOS NOS PATIOS.

Boísima idea , engadíu Lola, asi teremos unha escola fermosa, e os nenos de infantil non teremos que poñer estas luvas, que non nos gustan nada, porque son de plástico……….

e ademais son moi grandes, – contestoulle Anxo.

Asique agora tócalle aos nenos de educación primaria tirar o lixo só nas papeleiras nas que están Verdemán, para chegar á semana cero , e converter a nosa escola nunha escola verde. Entre todos temos que conseguilo, tal e como din  Lorena e Sara.