Hoxe cando chegamos á escola atopamos a foto de Mari Paz, un bote coas sementes da avoa Lucía e unha carta.

Todo isto parecía un pouco raro ata que descubrimos que a Pomba da Paz viñera a nosa escola para deixarlle a nosa conserxe, Mila, os chícharos da paz e un conto.
Marí Paz contoulle que lle gustaba moito viaxar para descubrir o mellor que había en cada país, nun atopara o rock da paz, noutro a canción da paz, noutro a receita da paz …
Un día, indo de país en país, chegou a Pobo Alegría, quedou impresionada porque todos os veciños sorrían, eran moi amables e sempre estaban de bo humor.
Mari Paz foi falar coa profesora do pobo para preguntarlle porque todos os veciños estaban sempre tan contentos.E a profe Conchi contoulles que facía moitos anos chegara a este pobo unha anciá, a avoíña Lucía cunhas sementes, cos chícharos da paz. A cada veciño regalaralle dúas sementes de chícharos, explicándolle como había que coidalos para que medrasen e que cando tivesen unha boa colleita terían que recollelos e poderían comelos. Ao comelos sentirían cóxegas na barriga e daríanse conta de que era como poñer as gafas de ver todo o bo que había nos demais. De súpeto un dábase conta da bondade dun veciño, da intelixencia de outro, da amabilidade de moitos, da xenerosidade da maioría e…de tantos e tantos valores que antes non vían.
Ao descubrir as virtudes dos demais todos se sentían moi ledos e dábaselle por sorrir e por ser moi amables.

Agora que xa coñecíamos a Mari Paz, e xa sabíamos que nos trouxera os chícharos da paz, só nos quedaba coñecer a mensaxe que viña para nós dentro do bote das sementes.
Abrimos o bote, collemos a carta e lemos :

“Queridos amiguiños son a vosa amiga Mari Paz, aquí vos deixo os chícharos da paz.
Tendes que sementalos, regalos e mimalos. Aos chícharos, ao igual que a todos nos, gústanlle moito os mimos, xa sabedes gústalle escoitar as frases fermosas que din as avoíñas e os avoíños, frases como : quérote moito, que guapiño estás ou canto estás medrando. Se os mimades moito medrarán moi pronto, teredes unha boa colleita e poderedes comer un rico menú con chícharos da paz, e entón comezaredes a ver todo o bo que teñen os vosos compañeiros, veredes que son boíños, traballadores, divertidos, xenerosos….
Ademais dos chícharos déixovos un amiguiño que perdeu o sorriso, non se lembra onde lle caeu, eu sei que vós sodes moi dados a axudar, ben seguro que lle podedes facer un sorriso novo e de paso buscarlle un nome».

E mans a obra, os pequenos de 5º e 6º de infantil despois de ler a carta de Mari Paz puxéronse a sementar os chícharos da PAZ.

E que vos parece se despois de sementar os chícharos bailades «O rock da paz», e a canción «Paz, paz, paz» de Juanes?.

(Premede na imaxe para acceder á páxina web do cole onde podedes ver os enlaces ás cancións)

E cando saiades ao patio podedes xogar á rolda da paz cantando :

«O patio da miña escola é particular,

nel non hai pelexas como nos demais,

abrázame e vólveme a abrazar,

os nenos de infantil xogamos en paz”.