Monthly Archives: marzo 2015

CALENDARIO DE SEMENTEIRA

Aquí temos elaborada a nosa pequena guía co calendario de sementeira dos produtos máis usuais da horta:

 

FICHAS DE AULA: PRÍMULAS

Unha nova ficha de aula completando o traballo realizado no horto: as prímulas, ademais de ser moi vistosas e alegrarnos co seu colorido e o seu aroma, teñen moitos beneficios como podedes ver…

recorte primulas

TRABALLANDO NO HORTO

Este venres, 6 de marzo, os alumnos/as de 5º de educación infantil realizaron dúas actividades enmarcadas dentro do noso proxecto de Voz Natura:

1º- Traballaron no horto, continuando o labor comezado a semana pasada polos cativos de 4º de infantil, facendo máis sementeiros ou viveiros de acelgas, para así poder ter máis cantidade de plantas para transplantalas cando medren.

2º- Agora que xa temos bo tempo retomamos a actividade “Escola ponte guapa”. Hoxe plantamos prímulas nun rincón do patio de entrada do colexio. Estas pequenas plantas de flores tan vistosas, ademais de dar colorido e beleza ao noso arredor teñen un montón de beneficios como veredes na ficha de aula correspondente ao traballo realizado hoxe.

SEMANA DA FROITA

plan_consumo_froita_fresca

Do 2 ao 6 de marzo tivemos a semana da froita no cole. Un pouco antes do recreo e dentro das súas aulas, os pequenos/as de infantil toman alí as pezas de froita. Os maiores fano ao saír ao recreo no patio da entrada traseira.

 

Este foi o reparto semanal: 

LUNS: MANDARINAS l

MARTES: MAZÁS 

MÉRCORES: PERA

XOVES: MAZÁ

VENRES: PLÁTANO 

ADIVIÑA, ADIVIÑANDO…

 1ª ADIVIÑA DE MARZOdescargaimage-f91a9857d6cbea

Verde foi o meu nacemento,  

de amarelo me vestín, 

agora os que me cortan

andan chorando por min…images

Calabaza

 

 

 

 

Tamén podedes descargar a adiviña no seguinte enlace e introducila no buzón que temos á entrada do comedor.

Animádevos,  é moi sinxela…!!! 

ADIVIÑA DE MARZO (1)

FICHAS DE AULA: ACELGAS

Estas son as fichas que completan o traballo realizado no horto:

acelgas

 

 

Premede na imaxe para ver as cousas que aprendemos esta semana sobre as acelgas que acabamos de sementar!!!

TRABALLANDO NO HORTO

Aproveitando que o pasado venres (26 de febreiro) non chovía, por fin… ¡XA VOLTAMOS A TRABALLAR NO HORTO!!
Foi unha mañá moi completa pois puidemos plantar dous cultivos distintos:

1º- Cos alumnos/as de 4º de infantil fixemos un sementeiro ou viveiro de acelgas e tamén plantamos pequenas plantas de acelga xa no propio horto.

2º- Cos nenos/as de 5º de infantil fixemos tamén primeiro un sementeiro para tomates e despois plantamos pequenas plantas de tomate noutro sementeiro, ¡aínda é moi cedo para plantalos no horto!: