A ÁRBORE DOS VALORES

Coas nenas, e cos nenos de 6º de educación infantil, e cos de 1º e 2º de primaria estivemos traballando o conto :”El árbol de los valores”.

Logo as nenas, e os nenos deseñaron unha folla para as árbores do noso patio, na que foron anotando  os valores que eles  consideraban máis importante para ser felices.

 

ENTRE FOLLAS DE SABEDORÍA

Seguimos investigando, e seguimos aprendendo nesta terceira semana do concurso, cousiñas sobre o bosque, as súas árbores e a súa fauna.

Aquí tendes a novas fichas!

ENTRE FOLLAS DE SABEDORÍA

Ánimo rapazas e rapaces xa estamos na segunda semana do noso concurso!

Seguimos buscando información nos libros da nosa biblioteca.

Xa sabedes qe tende que ir ao recuncho de Bibliobosque, consultar o libro que vos indique o profesor que está de garda na biblioteca, e cubrir estas fichas.

 

 

ESCOLA PONTE GUAPA

As cativas, e os cativos de 6º de educación infantil chegaron hoxe á escola con moitas gañas de traballar, viñan decididos a encher o patio de cores, a para iso nada mellor que plantar prímulas.

Comezamos buscando aquelas zonas do patio nas que era necesario intervir.

 

Empregando as cores das prímulas como recurso puidemos traballar o valor da diversidade, as nenas  e os nenos entenderon que todos somos diferentes e importantes, e temos un papel fundamental para construír xuntos un mundo cheo de beleza.

Algo que Sofía e Cibrán entenderon moi ben, e que lles gustou explicar aos compañeiros.

Con moita ilusión puxémonos mans á obra.

Despois de plantar as nosas prímulas, e de comentarmos os coidados que ían necesitar, só nos quedaba colocalas enchendo o noso patio de cores, e comprobar que as diferenzas enriquecen o patio da escola e o mundo.

E para rematar Cibrán deseñou a Florinda….

Agora só nos queda gozar do noso patio multicor.

AMIGUIÑOS DA HORTA

As nenas, e os nenos de 4º de educación infantil visitaron a horta para comprobar a saúde dos nosos cultivos.

Foron observando as follas e descubriron varias cousas….

Moitas follas estaban danadas polo exceso de auga….

 

 

E tamén atoparon  probas de que temos caracois na nosa horta…

Asique decidimos facer trampas de caracois para poder recollelos e levalos lonxe da horta,  onde poidan vivir sen comer os nosos cultivos.

Comezamos facendo buracos para esconder as nosas trampas, dentro deles colocamos botes reutilizados.

Nos botes engadimos cerveza.

Puxémonos a esperar dispostos e atrapar caracois e levalos a zona  das árbores e da herba.

Mentrés estabamos esperando apareceu unha “amiguiña da nosa horta”, menuda sorpresa levou Rodrigo…

 

 

 

ENTRE FOLLAS DE SABEDORÍA

Preparados para participar  no novo concurso!!!

Esta é a 1ª ficha, e a 1ª pregunta para os nenos e as nenas de 4º.

O CARBALLO

É unha árbore que pode pasar dos 40 m de altura.

A súa copa ten forma de globo, é ampla e irregular. Constitúe o principal representante da vexetación autóctona de Galicia

Os carballos florean entre abril e maio, e os froitos maduran en setembro.Resultado de imagen de CARBALLOS HOJAS

É orixinaria de Europa, Asia e o norte de África.

Ademais do gran valor paisaxístico, a súa madeira magnífica, dura e pesada foi sempre moi apreciada na  construción e na carpintería.

Unha carballeira é un bosque natural onde o carballo é a árbore dominante (en Galicia a especie principal sería o carballo común).

Resultado de imagen de ROBLE

A diferenza cunha fraga é que a carballeira é monoespecífica, polo que o carballo predomina claramente sobre outras especies arbóreas.

Ademais a fraga ten un grao de naturalidade maior, é dicir, achégase máis a un bosque virxe, bosque clímax ou primario.

Moitas fragas rematan sendo carballeiras cando perden biodiversidade, con todo, é unha formación de alto valor ecolóxico.

Para o seu normal desenrolo, os carballos precisan  chans profundos, frescos e soltos, aínda que soportan certo enchoupamento temporal.

É unha especie robusta e de longa vida ( pode superar os 1000 anos) .

Son árbores de gran valor ornamental e  paisaxístico.

En Galicia son típicas as carballeiras preto das igrexas e das ermidas, e en lugares de festas e de feiras.Ver las imágenes de origen

 

Os carballos sofren a doenza do Oidium, un fungo que se desenrola sobre a folla, dándolle un aspecto peloso de cor branca. Non chega a mata-la planta pero debilítaa considerablemente.

 

Os lumes e especies alóctonas como a mimosa son outros dos   inimigos dos carballos, con todo a superficie de carballeira aumentou nos últimos anos, en parte polo abandono de terreo agrícola causado polo despoboamento.

As carballeiras, ao igual que as fragas son o escenario de milleiros de contos, e lendas galegos. Carballos sagrados, mouros, lobishomes, trasnos, fadas, espíritos e a Santa Compaña aparecen e moran nestes bosques.

O termo Carballeira é un topónimo moi común na xeografía galega, e é ademais un apelido.

E agora para as nenas e os nenos que participades no concurso só vos queda ir a Biblioteca da nosa escola  pedir esta ficha e responder a seguinte pregunta:

Como se chaman os froitos do carballo?Resultado de imagen de bellotas

 

 

CULTIVOS AMIGOS DO FRIO

As nenas e os nenos de 6º de educación infantil foron á nosa horta escolar para investigar cales eran os cultivos propios do inverno.

Ben abrigados  saímos da aula para observar  que cultivos son amigos do frío, e cales son os que non deixan medrar as xeadas.

O primeiro que fixemos foi comprobar as temperaturas que estes días adoitan ser moi baixas.


 

 

 

 

 

 

 

 

 

 

 

Vimos que  continúan as xeadas,  que xa nós levan acompañando ao longo de varios días.

 

Na nosa horta escolar, puidemos observar  que ás leitugas, aos porros e aos repolos gústalles o inverno

 

Outros como os pementos , ou os tomates non aguantan o frío. Isto débese a que os tecidos das plantas conteñen auga e se esta se conxela, os cristais de xeo que se forman rompen as células, facendo que a planta morra ou, no mellor dos casos, sufra danos de diferente consideración nos tecidos máis novos ou tenros.

Os brotes, follas tenras e flores son as partes máis sensibles ao frío.

DESCUBRIMOS QUE:

Cultivar no outono e no inverno non só se pode facer, senón que ten certas vantaxes:

*  Hai menos pragas.

*  Tes  que estar menos pendente da rega.

* Hai certos cultivos que saben mellor cultivados no outono e inverno: acelga, espinaca, rúcula e outras follas de ensalada teñen moito mellor sabor cando non viven baixo o sol abrasador de verán, que fai que teñan un sabor máis amargo (por iso no verán sempre recomendamos que teñan certa sombra).

UN BO CONSELLO:

Pare ter unha boa horta no inverno hai que preparala no outono.

A cuestión é, que existen cultivos moi resistentes ao frío.  Algúns aguantan até -4 ºC de temperatura en momentos puntuais. Simplemente hai que ter en conta unha cousa: son resistentes cando foron plantados no outono,  e no inverno están ben asentados ao terreo. Por iso é clave preparar no outono a horta do inverno, sobre todo se  a nosa zona é especialmente fría e ten xeadas no inverno. Se esperamos a sementar ou trasplantar cando o chan estea frío, o cultivo, por moi de inverno que sexa, non vai estar listo para enfrontarse a ese reto.

Asique, tal e como puidemos comprobar na horta escolar, hai cultivos amiguiños do frío , como son : a coliflor, o brócoli, o romanesco, as cenorias, as espinacas, as acelgas , os porros, as leitugas e os repolos.

 

BIBLIOBOSQUE

Agora que é tempo de Reis Magos nace o apartado “bibliobosque” para suxerirnos libros,  que poden ser o mellor  agasallo para ensinarnos a coidar os nosos bosques, as nosas árbores e a nosa imaxinación.

Ao longo de todo o curso iremos incorporando novos títulos que nós axudarán a coñecer, a sentir e a valorar as nosas árbores, e que podemos atopar na biblioteca do noso centro.

Animamos aos papás, ás mamás e ás avoíñas,  e aos avoiños dos nosos nenos, a que escollan algún destes libros, para viren lelos á  aula na que están os seus cativos.

  1. La vida secreta de los Árboles

Ver las imágenes de origen
Peter Wohlleben garda forestal e amante da natureza, narra neste libro fascinantes historias sobre
as insospeitadas e extraordinarias habilidades das árbores. Reúne por unha banda os últimos descubrimentos
científicos sobre o tema, e por outra as súas propias experiencias nos bosques; e con todo iso ofrécenos un
emocionante punto de encontro, unha maneira de coñecer mellor a uns seres vivos cos que cremos estar
familiarizados pero dos que sabemos moi pouco.

A VIDA SECRETA DAS ÁRBORES  permitiranos entrar no mundo oculto do bosque,  achegarnos aos sentimentos das árbores e coñecer como se protexen.

Afirma o autor que: “Nos bosques suceden cousas sorprendentes: árbores que se comunican entre si, árbores que aman e coidan aos seus fillos e aos seus vellos e enfermos veciños; en definitiva árbores sensibles, con emocións, con recordos… e con sentimentos”.

2. ÁrbolesPiotr Socha afonda, xunto a Wojciech Grajkowski, no mundo das árbores nesta marabillosa obra. Nela atoparemos interesantes respostas a moitas das preguntas que podamos facernos sobre as árbores.

Descubriremos  cantas especies de árbores hai no noso planeta. Por que son tan importantes para o resto das especies.  Como construír unha casa na súa copa.  Que idade ten a árbore máis vella do mundo…..
Neste libro  temos  interesantísimos datos sobre as árbores, as súas follas e as súas raíces; cales son as árbores máis altas, máis anchos e máis antigos; construcións, instrumentos e vehículos de madeira; as peculiaridades de árbores como o baobab, o bonsái, a topiaria e o alebrija; algunhas lendas e o papel das árbores nas relixións.

Temos polo tanto un libro cheíño de información que vós animamos a ler.

3.El hombre que abrazaba a los árboles.

Este libro contén pouco máis de cen páxinas,  escritas desde o profundo amor polos bosques.

Cunha enorme habilidade narrativa, Ignacio Sanz soubo combinar nesta historia a emoción dunha amizade entre un ancián leñador e unha nena moi curiosa, salpicada de suculentas conversacións que se enredan en ocasións en pequenos relatos produto da imaxinación, e noutras, en relatos que describen con realismo o comportamento de moitas aves do bosque.

Felicidade e Marcial son os protagonistas deste libro. Viven en Piñares, un pequeno pobo rodeado de bosques de piñeiros, con esquíos  pequenos, paxaros faladores  e piñas cheas de ricos piñóns.

Ela é todo ouvidos co ancián que responde ás súas constantes preguntas e regálalle historias. Xa o ten claro: quere ser garda bosques.

Felicidade fíxose moi amiga de Marcial, un vello leñador que lle conta historias sobre o seu traballo. O home lembra as aventuras que viviu en Canadá, onde se enfrontou aos perigos dos bosques e coñeceu a personaxes inesquecibles. Marcial comprende todos os segredos da natureza. Un día empeza a perder a memoria. Felicidade,entón, comprende o importante que resulta que agora ela se faga cargo de contar as historias do vello leñador.

Saber e emoción están entrelazados nestas páxinas.

Marcial e Felicidade están cheos de riqueza persoal, con opinións e comportamentos cheos de valores cara ás relacións, a natureza e as persoas, manifestados con moita sinceridade, sen artificios e en ocasións, cunha sutil dose de crítica.

Marcial cóntalle á nena algo impresionante, dille que, antes de cortar unha árbore, el sempre o abrazaba. Non lle importaba que os seus compañeiros se risen.

Abrazaba árbores porque os quería. Era unha maneira de pedirlles perdón. Díxonos que, para rexenerar un bosque, hai que cortar as árbores vellas, pero a el dáballe moita pena ter que cortalas.

Este libro é un canto á natureza e unha historia de esperanza e ilusión sobre aqueles que nunca se dan por vencidos.

4. A memoria das árbores

 

Cando naceu Tano, seu pai plantou  no xardín a semente dunha árbore tropical. E díxolle ao rapaz: Chámase Baobab e medrará canda ti, seredes como irmáns.

Tano aínda era moi cativo, e pouco entendeu do que lle estaba a dicir o seu pai.

Cando Tano cumpriu 5 anos houbo unha gran festa na súa casa. Pero ninguén se lembrou de Baobab que tamén facía 5 anos. E  Tano queixouse porque se esqueceran da súa irmá árbore.

Ao rematar o día do aniversario Tano foise deitar, porque estaba moi canso e foi entón cando alguén petou na fiestra

e ………….convidámosvos a ler, a compartir e a regalar  este fermoso conto.

 

5. O home que plantaba árbores

Ver las imágenes de origen

Este libro  narra a historia dun pastor que, coa súa soa vontade e esforzo, foi capaz de converter  unha terra deserta, abandonada, e infértil, nun marabilloso bosque cheo de árbores, e de vida.O narrador cóntanos como no 1913, nunha excursión pola Provenza atravesou unha zona árida na que non medraba nada, e na que era imposible atopar auga. Pobos abandonados mostraban que na zona unha vez viviron persoas, agora  xa só quedaban as ruínas das súas casas. No medio desa desolación, o narrador atopa un pastor co que pasa un par de días mentres lle explica a súa principal ocupación: plantar árbores.
Cada día prepara e planta landras de carballos na inmensidade deserta das montañas que o  rodean.
O pastor ignoraba  quen era o dono das terras que plantaba, se é que o tiñan, pero comprende que aquelas terras morrían  pola falta de árbores. Xenerosamente, dedica os seus esforzos a devolvelas á vida.

6. La estación de las hojas

Este é o primeiro libro da ilustradora Isabel Ruiz Ruiz.A estación das follas é un álbum ilustrado que utilizando o outono como escusa, aborda nunha linguaxe sinxela e poética o medo ao cambio, á perda. Ás veces, só basta unha mirada diferente para descubrir a maxia que se esconde tras esa realidade que cambia. O conto narra dunha forma poética pero á vez sinxela o medo aos cambios, expresado a través da incomprensión e inconformismo dunha nena ante a chegada do outono. Nun principio négase a aceptar a caída das follas, pero aos poucos vai descubrindo o fascinante que poden resultar eses cambios

7. Los guardianes del bosque

los guardianes del bosque-agustin fernandez paz-9788498450132Dona Rosa vendeulle as súas propiedades a uns señores, que queren destruír unha carballeira  para construír edificios.
Iso si, se o consenten os seres fantásticos que habitan no bosque.
Ti tamén podes ser un bo gardián da natureza.
Atréveste?

 

 

 

CASTALANDRA

Na semana do San Martiño sementamos landras e castañas.

Logo, cando nazan as nosas árbores, iremos ao monte de Palmés para plantalas, guiados polo forestal Pepe Santos.

E, como queremos conseguir bos castiñeiros e bos carballos, o primeiro que fixemos foi seleccionar as mellores castañas, e as mellores landras.

Laia, Julia e Lucía seleccionan observando e seleccionando sementes.

 

Ata atopamos vermes!

Despois de escoller as sementes fixemos a proba de flotación, e fomos retirando as sementes que flotaban.

Rematada a selección de sementes tocou polas nas macetas.

Levalas ao invernadoiro, e agardar que abrollen.

PANTASMAS ECOLÓXICAS

Para celebrar o Samaín as cativas, eos cativos de educación infantil fixeron pantasmas, reutilizando vasos de plástico e tiras de papel.

Mirade  canto traballaron ……

e que ben lles  quedaron!!!

Ata daban medo!!!