CHALÉS PARA INSECTOS

Resultado de imagen de lombriz infantil

Para conservar un equilibrio natural entre as pragas e as enfermidades dos nosos cultivos será moi importante atraer inimigos naturais das mesmas. Eses inimigos serán algúns insectos.

Si creamos as condicións necesarias para que habiten estes inimigos naturais das pragas no noso horto, evitaremos a aparición destas. Por iso intentamos conseguir un entorno agradable para as lombrigas, para as xoaniñas e para as formigas, das seguintes maneiras:

1.- CULTIVANDO PLANTAS AROMÁTICAS

Para atraer aos insectos beneficiosos empregramos varias plantas do noso horto botiquín, situaremos estas plantas entre os cultivos para que estean ben protexidos polos depredadores naturais dos insectos. Entre as plantas que atraen insectos beneficiosos atópanse varias das que xa fomos plantando ao longo deste curso, tales como: a lavanda, o cilantro ou a melisa.

2.- FACÉNDOLLES CASAS :

Moitos insectos, tanto a praga como os benéficos, andan dunha planta a outra durante o día. Pero hai outros insectos que prefiren saír pola noite e necesitan un bo espazo no que acubillarse durante o día (especialmente durante o tempo de verán). Por iso é imprescindible provelos de pequenos espazos nos que poidan resgardarse, por exemplo: pedras, troncos, ramas, tellas, etc.

Os nenos de educación infantil fixeron chalés para insectos con casca de carballo, que recollemos nunha carballeira cando xa caera das árbores.

P1080785

Mateo pensando onde colocará o seu chalé.

3.- COLOCÁNDOLLES FOLLAS CON AUGA:

Os insectos necesitan beber. Ás veces é máis que suficiente co rocío da mañá ou cos pequenos charcos que se poidan crear momentaneamente ao regar (especialmente se se fai por aspersión). Outras alternativas son as de deixar follas grandes ou pequenos recipientes nas zonas estratéxicas do noso horto ou xardín. Logo teremos que lembrarnos de  cambiar esta auga para que estea fresca, e non sexa unha fonte de proliferación de insectos non desexados como os mosquitos.

Resultado de imagen de hojas con agua

4-ACOLCHANDO OS TERREOS CULTIVADOS:

Trátase de protexer o chan con diversos materiais para evitar a perda de humidade, ao mesmo tempo que esta capa actúa como escondite para os insectos. Realízase  empregando materiais biodegradables, o cal enriquece o chan. O mellores materiais son a palla, a folla e a herba seca, que se distribuirá en capas delgadas pero suficientes para protexer  dos raios solares.

P1060577

Mario cubrindo o chan onde temos plantadas as acelgas con palla.

Con estas técnicas intentamos atraer ao noso horto lombrigas, xoaniñas e formigas.

Os nosos chalés deberon de gustarlle a Clarita, a gata dos nosos veciños porque alá veu ver como traballan os cativos de educación infantil, daquela os nosos peques dixeron que ata se podían chamar «Construcións Clarita» .

Para rematar a nosa sesión de horto seguimos pondo a nosa escola «guapa», levando os pneumáticos reciclados e pintados ao patio de infantil, para colocarlles dentro azaleas e ciclames.

E puidemos comprobar como ao traballar xuntos podemos facer calquera cousa, ata mover pneumáticos moi grandes!!! Así que de paso que fixemos chalés, e puxemos a escola guapa, démonos conta de que «a unión fai a forza».

APÚNTATE Á MOVIDA, RECICLA!

RECICLANDO, RECICLANDO A NATUREZA ESTAMOS COIDANDO

Reciclar é unha actividade sinxela e gratificante, é un exemplo de responsabilidade social e de coidado do medio.

Este xesto, que forma parte dun consumo responsable, axudará a que as xeracións futuras poidan gozar dun planeta azul e verde.

Razóns para reciclar:

  1. Aforramos enerxía e loitamos contra o cambio climático

Reciclando reducimos o traballo de extracción, transporte e elaboración de novas materias primas, disminuíndo o consumo de enerxía que sería necesario para desenvolver estes procesos.

Ao reducir o consumo de enerxía reducimos o efecto invernadoiro,  xa que estamos xenerando menos CO2.

  1. Usamos menos materias primas.

Aforrando unha cantidade importante de recursos naturais .

  1. Fabricamos novo produtos.

Estes produtos necesitan menos enerxía,  polo que contaminan menos durante o proceso de elaboración.

  1. Desenvolvemos a creatividade

Inventamos, creamos e aproveitamos, con imaxinación podemos facer ata obras de arte co lixo.

  1. Implicamos ás familias

Na  nosa escola cada día son máis os membros da comunidade educativa que suben ao carro da reciclaxe, tal e como podedes comprobar a continuación.

MADRUGAR PARA RECICLAR ¡!!

Os nenos que primeiro chegan á escola («os madrugadores») andan co seu taller de Eco – Nadal.

Aquí tedes algúns dos traballos que están facendo estes días con Sandra e Marga, as nais encargadas da acollida temperá.

NO TEMPO DE DESCANSO AO TALLER DE RECICLADO!!!

Ofertarémoslle os nenos, durante todo o curso, un taller de reciclado que se desenvolverá no tempo do recreo. O encargado deste taller será o equipo de dinamización da biblioteca escolar, o cal colabora unha vez máis con todos os proxectos que se levan a cabo no centro. Ao longo do mes de decembro tamén realizan no taller de reciclaxe adornos de nadal. 

DSC05086

TODO O COLE RECICLANDO

Neste Nadal preparamos unha gran árbore e adornos feitos con materiais de refugallo.Tivemos moi boa resposta por parte das familias que aportaron os materiais necesarios para que puideramos levar a cabo a nosa tarefa. Aquí temos un pequeno adianto do traballo que estamos realizando.

9 P1060669DSC05010

 

 

 

 

 

 

 

 

P1060672P1060673

 

 

 

 

 

 

 

 

 

DSC05049

DSC05001

 

 

 

 

 

 

 

RECICLALANDIA

Este taller de reciclaxe desenvólvese ao acabar de comer, nel os nenos da ECOPATRULLA, OS VERDES VIXÍA, poñen os seus petos con lemas que nos animan a reciclar e  guiados por dúas nais colaboradoras do comedor 6S  aproveitan materiais do lixo para realizar manualidades. Por exemplo, agora, na época de Nadal aproveitan as oveiras que recolleron do comedor para facer campás de Nadal, tamén xa están rematando de pintar os pneumáticos cos que construiremos  o noso Reciclín, e ……moitas máis cousas coas que nos irán sorprendendo ao longo do curso.

RECICLANDO NA TELE

Ata a televisión se quixo unir á movida do reciclado. A televisión local TELEMIÑO estivo no cole facendo un taller de reciclado cos nenos e nenas de 2º A e 2º B. Fixeron un reno con rolos de papel e paus que os nenos recolleron previamente no patio do cole e no seu contorno.DSC04950

1

 

 

 

DSC04908 DSC04905

QUEREMOS SEGUIR ANIMANDO A TODA A COMUNIDADE EDUCATIVA DO NOSO CENTRO A QUE APROVEITEN MATERIAIS DE REFUGALLO PARA FACER OS ADORNOS E AGASALLOS DE NADAL, E ASÍ EVITAR O CONSUMO EXCESIVO DESTAS DATAS. RECORDADE:

NADAL

BELLI VÉN Á CASA

A nosa mascota «BELLI» xa comezou a viaxar ás casas dos pequenos e pequenas de infantil. Todos os venres marcha con algún neno ou nena e co caderno «BELLI VÉN Á CASA» e volve os mércores ao cole. Durante o tempo que está nas casas dos peques, Belli quere compartir coas familias consellos e accións relacionadas coa reciclaxe, o coidado da natureza, o aforro de auga e enerxía… Os nenos e as súas familias anotan no caderno o que fixeron con Belli e acompañan o texto con fotos ou debuxos.

O venres pasado, 18 de novembro, Belli empezou a súa primeira viaxe ás casas dos nenos e nenas de 3, 4 e 5 anos e aquí tedes o que fixeron con Belli esta primeira semana:

20161123111933673_0001 20161123112017138_0001 20161123112148049_0001

A NOSA ECOPATRULLA «OS VERDES VIXÍAS»

ECOPATRULLAECOPATRULLA OS VERDES VIXÍAS

O medio que nos rodea é un ben de interese común, polo que todos os membros da comunidade educativa temos a responsabilidade de coidalo dunha maneira sostible.

A ECOPATRULLA DOS VERDES VIXÍAS pretende fomentar a participación dos cativos na mellora do contorno, así como favorecer actitudes e valores xeneralizables a outros contextos, nos que os nenos e nenas terán que aprender a desenvolverse.

OBXECTIVOS:

* Sensibilizar aos nenos coas cuestións mediambientais.

* Educar en valores: amor á natureza, responsabilidade, cooperación e consumo responsable.

* Ensinar a valorar, a respectar e a coidar o medio ambiente.

* Ofertar a posibilidade de realizar accións de carácter sostible na escola.

* Fomentar un consumo responsable.

* Reciclar e reutilizar papel, plástico, vidro…

* Recuperar os xogos dos nosos antepasados, aqueles  nos que a natureza era a protagonista.

* Implicar activamente aos nenos no coidado da escola.

* Plantar e coidar árbores, verduras, hortalizas e flores.

* Construír un “restaurante para paxaros”.

* Lembrarlle a todos os  nenos do centro, dende o respecto e o diálogo, que non podemos tirar ao chan envoltorios, panos, papeis…

* Gozar coidando a escola e o medio ambiente.

* Traballar  en grupo, promovendo a cooperación entre nenos e nenas de diferentes idades.

* Conseguir que os nenos entendan a influencia que teñen as nosas accións na saúde do planeta.

* Enriquecer as vivencias dos nosos nenos, favorecendo o contacto dos cativos coa natureza.

* Elaborar eco-consellos e eco-retos.

* Deseñar unha ecomascota viaxeira, que irá as fogares dos cativos acompañada dun listado de consellos sostibles para coidar a natureza.

* Aproveitando pneumáticos facer o noso «Reciclín».

A ecopatrulla está formada por un grupo de 101 nenos voluntarios de educación infantil e de educación primaria, distribuídos en 5 subgrupos, un por cada día da semana. Estes alumnos todos os días, ao rematar o xantar, poñen os seus petos verdes e de cores e desenvolven diferentes actividades, guiados por dúas nais colaboradoras do comedor escolar.

ACTIVIDADES:

As actividades planificadas para este trimestre son as seguintes:

  1. DESEÑO DA NOSA MASCOTA

2. COIDADO DO MEDIO

Os nenos terán que retirar as herbas malas do horto, plantar verduras e hortalizas, facer sementeiros, plantar árbores nunha zona que está fóra da escola e levar comida (millo e restos de pan do comedor escolar) ao noso  “restaurante para paxaros”.

Aquí os tendes cubrindo o chan dos cultivos con palla para que non saian as herbas malas, e preparando trampas ecolóxicas para os caracois coas cascas dos ovos que aproveitamos do comedor escolar.

P1060577

 

3.RECICLALANDIA

Este é o noso taller de reciclaxe, nel durante este mes dedicarémonos a pintar pneumáticos para facer o noso “Reciclín”, un boneco que será o encargado de propornos cada semana un eco-reto para realizar na escola e na casa.

P1060566

P1060638

Ao rematar con «Reciclín» comezaremos a pintar e a decorar botellas de plástico, para facer casas para os paxaros, que situaremos ao lado do areeiro da escola, na nosa carballeira onde  faremos o “restaurante para paxaros”.

4.XOGOS E XOGUETES COA NATUREZA

Con esta actividade coñeceremos os xogos e os xoguetes tradicionais feitos con carozos, piñas, millo, paus, xestas, castañas, noces…etc

foto castaña

En varias sesións contaremos coa colaboración de Serxio, este avó virá á escola para: explicarnos a que xogaba el cando era neno, facernos algún xoguete, ensinarnos as regras dos xogos e xogar cos cativos aos xogos da súa infancia.

Neste trimestre Serxio estanos ensinando a facer vasoiras con xestas, e a empregar as xestas para atar piñas. Este avó contounos que cando el era neno non había cordas, nin cestos, nin carretillos, e cando ían ao monte a coller piñas para acender o lume, tiñan que buscar a maneira de levar moitas en cada viaxe, así que con moita paciencia e habilidade ían atando as piñas ao longo dunha xesta, ata levar un bo cargamento.

IMG-20161206-WA0017

Tamén aprendemos como se facían avións con vimbios e con bugallos; e frautas con cañas de bambú.

EMPEZANDO A RECICLAXE…

Deixamos aquí unha pequena mostra dalgunhas das manualidades que levamos realizado utilizando produtos de refugallo, concretamente empregando diferentes tipos de plásticos, xa que neste trimestre traballamos o reciclado deste material:

  • Para a celebración do SAMAÍN realizamos unhas «terroríficas» pantasmas. Unhas con pratos e tiras de plástico e outras con pequenos botes de plástico que pintamos de branco. Que vos parecen??
  • Para a celebración do MAGOSTO realizamos uns «divertidos» «portacastañas», uns con vasos de iogures e outros con botellas de plástico cortadas pola metade, logo decorámolos con pintura, plastilina ou debuxos. P1080124 P1080158
    20161110_141539

A que apetece comer unhas cantas castañas deses simpáticos portacastañas?

ECOCONSELLOS

Xa temos aquí o resultado do concurso organizado polas nosas ecomascotas, Mundoman e Belli, en colaboración co equipo de dinamización da biblioteca do noso centro. Mirade que ecoconsellos nos dan… tomate boa nota!!!

UN COMEDOR 6S

 UN COMEDOR SOSTIBLE

P1060297

O noso comedor escolar ten unhas funcións que exceden a estrita nutrición dos escolares, este servizo ten unha finalidade educativa, a través del pretendemos:

  1. Proporcionar unha alimentación de calidade adaptada ás necesidades e ás características dos escolares.
  2. Ensinar as pautas dunha dieta equilibrada.
  3. Educar aos cativos en hábitos de alimentación sans, solidarios e responsables.
  4. Educar en normas e en valores ( respecto, solidariedade, coidado da saúde, responsabilidade co medio ambiente…).
  5. Ensinarlles aos nenos a comer de maneira responsable co medio ambiente.

OBXECTIVOS DO COMEDOR 6S:IMG_0119

Pretendemos que o noso comedor sexa un recurso educativo:

SENSIBLE: Ao responder ás necesidades de cada cativo, partindo da súa situación e buscando solucións adaptadas á realidade  de cada neno:  dietas especiais, dificultades para inxerir algúns alimentos, hábitos adquiridos… Para elo contamos cun menú xeral e con varios menús específicos: sen glute, sen ovo, sen leite, e hipocalórico,  con varias actividades de reforzo que animarán aos nenos a que proben novos sabores, e cun equipo de colaboradores ilusionados e comprometidos con este proxecto.

SAUDABLE:  Proporcionándolles unha alimentación equilibrada, saudable e variada.

SOLIDARIO: Fomentando  comportamentos de axuda e de cooperación entre iguais.

SILENCIOSO: Intentando que aprendan a controlar o ton de voz, e a respectar o tempo no que hai  que estar en silencio, para comentar os logros de cada día e para  pasar lista e organizar a incorporación ás actividades.

SORRINTE:  Creando un ambiente agradable para todos.

SOSTIBLE:  Ensinándolle aos nosos nenos a comer de maneira responsable, saudable e respectuosa co medio ambiente.

Este ano centrarémonos na consecución do último obxectivo, un comedor sostible, ao considerarmos que os 5 obxectivos anteriores: saudable, solidario, silencioso, sorrinte e sensible, xa foron adquiridos ao longo de varios cursos, e  que os nenos os teñen interiorizados nun grado óptimo. Para elo seguiremos desenvolvendo as accións que xa puxemos en marcha ao longo dos cursos anteriores, combinándoas con outras que intentaremos desenvolver ao longo deste curso:

Fomentar e favorecer a incorporación de alimentos ecolóxicos, frescos, do entorno e de temporada.

Introducir  o consumo ecolóxico de alimentos progresivamente.

Promover  o consumo responsable: preparando  e servíndolle  aos cativos cantidades de comida equilibradas para evitar o despilfarro de recursos.

Reducir o consumo de panos.

Aproveitar a auga de lavar patacas, verduras, hortalizas …para regar as plantas do interior.

Empregar os restos do comedor para abonar o horto.

Aproveitar a comida que sobra para as familias, da nosa comunidade educativa, que teñan peor situación económica.

Consumir as verduras e as hortalizas que cultivamos no horto no comedor, tratadas unicamente con métodos ecolóxicos.

Comprar alimentos baseados en criterios de cercanía, buscando sempre ao provedor que estea máis cerca da escola.

RECURSOS:

Para fomentar os comportamentos idóneos dos nenos no comedor (comer de todo, probar o que non lles gusta, falar cun ton de voz axeitado, manter bos hábitos de orde e de hixiene,  establecer relacións positivas entre eles e cos adultos), empregaremos os seguintes recursos: Reforzo positivo: 

  • Puntos 6s (saudables, solidarios, silenciosos, sostibles e sorrintes).IMG_0123

Cada día entregarémoslle un punto aos nenos que cumpran todos os obxectivos, ou que melloraron en algo (probar un alimento que non lles gustaba, falar cun ton de voz baixo, cooperar cos máis cativos). Cando consigan  6 puntos terán un premio sostible e saudable.

  • Felicita que algo queda:

Aqueles nenos que acaden todos os obxectivos serán os protagonistas da semana. En cada zona os venres proporemos un neno para mandarlle unha felicitación a casa polo seu bo comportamento, e farémoslle unha foto, que colocaremos no taboleiro do “protagonista da semana”.

  • O rei/raíña da mesa:

Aos nenos de educación infantil colocarémoslle unha coroa e farémoslle unha foto a medida que vaian mellorando na consecución algún obxectivo.

  • Ao entrar abre a ilusión, ao saír pecha o orgullo:

A través desta actividade todos os días os nenos e os adultos poderán manifestar os motivos polos que se senten orgullosos de alguén.

  • Mascotas viaxeiras:

Os nenos que acaden algún obxectivo novo poderán levar as súas casas as mascotas viaxeiras cunha nota informativa para as familias.

TRABALLANDO NO HORTO

Agora os pequenos e pequenas de infantil de 5 anos van ensinarnos o traballo que comezaron a facer no horto este curso:

1.O 30 de setembro plantamos repolos e lombardas. Primeiro fixemos os buratos na terra, regámolos e plantamos… agora a esperar que medren!!

2. O 7 de outubro estivemos facendo un montón de traballo: primeiro limpamos o terreo de malezas e cavamos para preparar a terra para plantar, logo plantamos cenorias, recollemos as sementes dos tomates e aínda tivemos tempo para machacar cascas de ovos que collemos do comedor escolar para empregalas como trampas ecolóxicas para os caracois… de verdade que acabamos un pouco cansos, pero moi contentos do traballo feito!!

Preparando o terreo 

Plantando cenorias

Recollendo as sementes dos tomates 

Machacando cascas de ovos 

LIBRÍN ÚNESE AS ECOMASCOTAS

LIBRÍN, a mascota da nosa biblitoteca escolar, tamén quere unirse a nosa aventura de acadar unha ECOESCOLA, para iso xa planeou con MUNDOMAN E BELLI unhas cantas actividades que nos irán contando ao longo do curso. Parece que nada máis coñecerse xa se entenderon e LIBRÍN quere axudar cos seus grandes coñecementos e cos grandes recursos cos que conta para que MUNDOMAN E BELLI podan transmitir a todos os nenos/as, profes e pais/nais un montón de consellos e accións que podemos realizar todos para conseguir unha escola saudable, sostible e solidaria.

  • A súa primeira acción xa foi convocar un concurso para conmemorar o día das bibliotecas escolares. Cada clase elaborará carteis con ecoconsellos saudables e con eles faremos un ecolibro que estará a disposición de todos na biblioteca.

Publicación1

Se premedes na imaxe ides directamente ao blog da biblioteca escolar para ver alí a nova.

  • Ao longo do curso os nenos e nenas levan para as súas casas unhas mochilas viaxeiras con libros, revistas, CDs… para fomentar a lectura entre as familias. Pois LIBRÍN xa engadiu un novo contido as mochilas, unha SECCIÓN VERDE que levarán todas as mochilas e que consistirá nunha revista e un libro sobre a natureza e o seu coidado, a reciclaxe, ou calquera outro tema relacionado coa ecoloxía e un pen-drive con ecoconsellos. Acompañará a este material a mascota MUNDOMAN (nas mochilas de primaria) e BELLI (nas de infantil). Esta semana xa empezaron a marchar as mochilas para as casas, esperemos que a iniciativa das nosas mascotas sexa ben acollida e se poñan en práctica algúns dos ecosonsellos. 

P1060334 P1060337 P1060338

OLYMPUS DIGITAL CAMERA

 

 

 

 

 

 

 

 

 

 

 

 

 

                                                                                                                                                                                                                 

 (Tamén se premes nas imaxes verás esta nova no blog da biblio do noso centro)

 

  • LIBRÍN xa andivo mercando libros novos para actualizar a sección de medio ambiente, natureza, ecoloxía…, Algúns destes libros xa van nas mochilas viaxeiras para as casas. Aquí tedes unha mostra dalgúns deles:

    E isto non é todo, LIBRÍN e as ECOMASCOTAS xa andan argallando novas actividades… xa vos iremos contando.

AS NOSAS ECOMASCOTAS

Durante o mes de setembro organizamos en colaboración co Equipo de Dinamización da Lingua Galega o primeiro concurso na nosa ecoescola, a finalidade do mesmo era elexir as nosas ecomascotas (unha de educación infantil e outra de educación primaria), as cales nos acompañarán durante a apaixoante viaxe que emprendemos este ano cara unha escola sostible.

Cada neno tiña que debuxar unha mascota e escribir un lema, tanto o debuxo como o lema tiñan que ser inventados, orixinais e creativos, non copiados ou calcados doutras imaxes ou personaxes xa existentes.

Para sensibilizar aos nenos nas aulas empregamos os seguintes recursos e materiais:


Despois de realizados os traballos, veu a parte máis complicada: elexir os debuxos e lemas gañadores, dada a calidade dos traballos presentados. Estes son os finalistas e gañadores de cada categoría:

FINALISTAS EDUCACIÓN INFANTIL:

ECOMASCOTA ZOE

ZOE – INFANTIL 5 ANOS

ecomascota AFRICA

ÁFRICA – INFANTIL 4 ANOS

 

 

 

 

 

 

 

 

 

 

FINALISTAS EDUCACIÓN PRIMARIA:

ECOMASCOTA CARLA

CARLA – 6º PRIMARIA

ECOMASCOTA ANTÍA 1º

ANTÍA – 1º PRIMARIA

 

 

 

 

 

 

 

 

 

E ESTOS SON OS DEBUXOS E LEMAS GAÑADORES:

mundoman 2

MUNDOMAN (AISSATOU – 5º PRIMARIA)

ABELLIÑA

BELLI (AINHOA – INFANTIL 5 ANOS)

 

 

 

 

 

 

 

 

 

 

COIDAMOS O PLANETA PORQUE NOS PETA   /        DÁLLE CARIÑO AOS ANIMALIÑOS