A NOSA ECOPATRULLA NA TELE

A cadea de televisión local TELEMIÑO realizou no noso cole unha gravación na que fomos os protagonistas. Concretamente gravaron un programa da serie XORNAL ESCOLAR centrado nas actividades que realiza a nosa ECOPATRULLA.

O programa tivo dous momentos diferenciados: un que se gravou no cole con diferentes mostras de todas as actividades que realiza a ECOPATRULLA e outra parte que se gravou nos estudos de TELEMIÑO en onde asistiron como público os nenos e nenas de 4 e 5 anos e fixeron de co-presentadores Jeray (de 5 anos) e Ana e Martín (de 4 anos).

Recordamos que a ECOPATRULLA é unha actividade que realizan 101 nenos e nenas voluntarios na hora de actividades despois da hora de xantar e, que unha vez programadas polo equipo de VOZ NATURA do centro, son levadas a cabo principalmente, por dúas nais que colaboran no servizo de comedor escolar, Sandra e Ana Belén, e por un avó, Sergio.

Para o programa graváronse algunhas mostras dos distintos grupos de actividades que a ECOPATRULLA ven realizando ao longo do curso:

  1. COIDADO DO MEDIO (OU HORTO ESCOLAR)

    2. TALLERES DE RECICLADO

    3. XOGANDO COA NATUREZA

    4. POÑENDO A ESCOLA GUAPA

    5. TALLERES DE COUSAS CON RAÍZ (TALLERES PAN DE MILLO)

    E DE PIÑAS E XESTAS

6. HORTO BOTIQUÍN

7. FACEMOS CASAS PARA ANIMALIÑOS

E mantémolas húmidas, regando todos os días.

8. DEBULLAMOS MILLO E DAMOS DE COMER AOS PAXAROS

9. ESCOITAMOS, TOCAMOS, SENTIMOS E BAILAMOS AO  SON DA NATUREZA

FACEMOS  INSTRUMENTOS CON MATERIAIS DA NATUREZA, E CON OBXECTOS REUTILIZADOS.

E para rematar todos xuntos cantamos LA HORA DEL PLANETA para manifestar o noso compromiso de contribuír a un mundo sostible

O pasado 8 de abril emitiuse o programa na tele local TELEMIÑO e aquí vos deixamos os enlaces para que podades ver o programa completo:

 

P1080463

XORNAL ESCOLAR – PRIMEIRA PARTE

DSC07632

XORNAL ESCOLAR – SEGUNDA PARTE

DÍA DA TERRA

Esta celebración festiva correspóndese con dous acontecementos: o Día Internacional da Terra, que se celebra o  21 de marzo,  e o Día da Terra ,  o 22 de abril, dende o 1970, data na que se celebrou  por primeira vez nos Estados Unidos.

A festividade foi creada, tras observárense os primeiros indicios alarmantes da degradación á que os humanos estabamos sometendo a natureza. Pretende lembrarnos que o planeta, e os seus ecosistemas dannos vida, polo que temos a responsabilidade de coidalos e de protexelos.

Con esta celebración queremos comprometernos, como nos recordaba a Declaración de Río de 1992, para fomentar a harmonía coa Nai Terra, ata acadar o equilibrio do ser humano co medio, desenvolvendo prácticas sostibles.

No noso centro desenvolvemos varias actividades, para  promover a alfabetización mediambiental e climática do noso alumnado.

Comezamos analizando a situación actual do medio ambiente, para establecer a continuación o noso compromiso pola terra, no que cada neno se responsabiliza dunha zona verde da escola.

Aquí temos a un grupo de nenas e de nenos moi responsables, asumindo o seu compromiso, son os madrugadores, que xa regan á primeira hora, antes de subir ás clases.

Logo da análise baixamos ao patio para buscar a zona que ía  coidar cada cativo, ou cada grupo.

Con todas as fotos, da nosa escola verde, organizamos a exposición “VEXO VERDE”, que nos convida a gozar do noso traballo, dunha escola na que todos nos comprometemos no coidado do medio.

EXPOSICIÓN:  ” VEXO VERDE”

Os cativos de educación infantil traballaron varias fichas na aula.

artistas 1

Aquí temos o traballo das nenas, e dos nenos de 4º de Educación Infantil.

Tamén estivemos celebrando este día no horto, e no  xardín dos sentidos, onde aproveitamos para plantar, regar e gozar da fauna e dos sons da natureza.

comprmiso 5

Regando, regando a terra estamos coidando.

Non podían faltar as actividades de reutilizar ou de reciclar, que lle dan vida ao noso proxecto.

Nesta ocasión foi unha nai da comunidade educativa a que nos mandou botellas de leite xa cortadas, para que pudiéramos decoralas, e empregalas para sementar ou para plantar.

As nenas e os nenos de 2º levaron  unha bolsa de sementes para cultivar nas súas casas cebolas, pementos, cabaciñas, chícharos, leitugas ou tomates.

E como somos moi festexeiros, rematamos esta celebración bailando a canción de Chayanne “Madre Tierra”, coa que queremos desexarvos un feliz Día da Terra!!.

QUEN TEN UNHA MADRIÑA OU UN PADRIÑO TEN UN TESOURIÑO

Que ben lle sentan as nosas plantas aromáticas e medicinais os coidados das súas madriñas e dos seus padriños!

 

Dende que se converteron en afilladas medraron moito, grazas á responsabilidade das nosas nenas e dos nosos nenos que as visitan no recreo, e preocupanse de regalas e de comprobar a súa saúde, mirando a cor das follas, e a humidade da terra.

Ata o carballo con botas parece que está contento co seu padriño.

tesouriño 8Agora estamos buscando 2 voluntarios para que apadriñen os castiñeiros, aínda que como os sementaron os nenos e as nenas de infantil, seguro que queren amadriñalos eles.

castiñeiro 1

 

QUÉROTE VERDE

Verdes, moi verdes están a nosa horta solidaria, e os patios da nosa escola, grazas aos coidados dos nosos nenos, e das nosas nenas, que sempre están dispostos a botar una man, para regar, reutilizar, sementar…..e en definitiva encher a escola de vida e de cores.

DSC07895

Aixa, Iria, Xiana e Uxia presentaron  a nosa escola vestidas de verde.

O HORTO BOTIQUÍN

A BRUXIÑA CATALINA E AS PLANTAS MEDICINAIS

IMG-20161204-WA0001Menuda visita tivemos na escola! A bruxiña Catalina veu ás aulas dos pequenos de infantil para quedar este curso con nos e axudarnos a organizar o noso horto botiquín.

Esta bruxiña viaxou por todo o mundo buscando plantas aromáticas e medicinais. Descubriu plantas para curar a gripe, a dor de barriga, a dor de cabeza, o insomnio e ata a tristeza. E agora aquí a temos disposta a compartir con nos os seus coñecementos, ata que coñezamos as diferentes plantas aromáticas e medicinais que ela nos quere presentar (albahaca, cilandro, salvia, santolina, menta, melisa, malva…etc) e  os beneficios que  teñen para aliviar doenzas ou para curar enfermidades.

P1080100

Catalina contounos que non sabe cando empezou esta ancestral tradición. Debeu de facelo cando os seres humanos empregaron o primeiro que tiñan a man para calmar por instinto o seu malestar e a dor. As primeiras noticias que temos do uso destas plantas remóntanse a uns 8.000 anos A.C. e foi en Asia, concretamente en China. Será en Exipto uns 5000 anos máis tarde, cando se porá de moda o uso de plantas medicinais, grazas ao interese que mostraban os faraóns cara as sustancias curativas extraídas delas. Foron tamén os exipcios, os que usaron as sustancias obtidas do mundo vexetal para a preparación de aceites e de cosméticos.

Na Idade Media os frades beneditinos recollían “herbas boas” e distribuían entre os pobres emplastos e decoccións que para moitos era o único método de curación do que podían dispor.

A partir da información de Catalina elaboramos diferentes recursos adaptados á idade dos alumnos para que coñezan os nomes e as propiedades destas plantas. Cada semana presentámoslles unha planta diferente a través de imaxes, de cancións e de contos. 

P1080293

A continuación faremos varios puzzles, que lles axudarán a coñecer os beneficios que ten o uso de cada planta para a nosa saúde, logo probaremos estas plantas en infusións e iremos ao horto para plantalas en macetas, ata ter o noso recuncho de horto botiquín.

Os nosos cativos xa coñeceron e plantaron albahaca, santolina, salvia, cilandro e menta chocolate.

O TALLER DOS SENTIDOS

A través das plantas medicinais e aromáticas traballamos o sentido do gusto, probando ricas infusións, tal e como podedes ver nas seguintes imaxes.

E o sentido do olfato coñecendo e distinguindo cada unha polo seu cheiro.

P1080111

E ata somos capaces de coñecelas cos ollos tapados!!!

PLANTAS MEDICINAIS

Segundo nos conta Elisardo Bralo Rego, no seu libro “Medicina popular e caseira”,  planta medicinal é  aquela que contén un ou máis principios activos capaces de aliviar ou curar doenzas ou enfermidades, xa que algunhas conteñen uns principios eficaces que poden facer moito ben.

A acción das plantas medicinais é case sempre máis de vagar que a acción dos remedios de botica. Estas plantas poden conter alcaloides, vitaminas, antibióticos, aceites esenciais, resinas, ácidos orgánicos, glúcidos, e materiais minerais.

A colleita destas plantas debe facerse de mañá os días soleados. Se queremos recoller as follas deberemos de facelo antes da floración, ou mentres están con ela, por ser cando teñen máis  principios activos.

O secado destas plantas farase sempre á sombra.

As infusións prepararanse con auga fervendo, que se botará enriba das plantas ou flores xa preparadas nunha cunca.

E aquí tendes aos nosos cativos plantando o horto botiquín en macetas porque así poderemos usar varias plantas, como a santolina, para combater os insectos no horto, colocándoas onde teñamos os cultivos.

E aquí temolos pensando, buscando a resposta ás preguntas que a bruxiña Catalina lles plantexou hoxe.

 

P10803431. Nos nosos cultivos debemos empregar macetas brancas ou negras?

As macetas branca reflexarán a luz, e as negras farán o contrario, ao non reflexar a luz  absorberán a enerxía en forma de calor.

Ás raíces das plantas nalgunhas ocasións faralles falta calor e noutras non.

Se as nosas plantas están no interior dará o mesmo empregar macetas brancas ou negras ao non recibir a luz directamente.

No caso de plantas de exterior si que influirá no crecemento a cor das macetas.

Se cultivamos plantas de temporada e lles dá so sol todo o día convén que as macetas sexan brancas para que non se quenten e non aumente a temperatura da auga coa que regamos, evitando que se cozan as raíces. Desta maneira evitaremos que as plantas sufran estrés por calor.

Se a planta está nunha zona na que non dá o sol e as raíces necesitan calor será mellor empregar macetas negras.

2. As macetas deberán ser cadradas ou redondas? 

Será mellor empregar macetas cadradas porque así as raíces irán cara abaixo, evitando que medren arredor da planta e poidan envolvela e asfixiala.

OS VERDES VIXÍAS SAEN DA ESCOLA

A ecopatrulla planta árbores

O equipo dos verde vixías comezou a semana con moitas gañas de traballar. Saíron da escola para comprobar o estado no que se atopa o noso entorno  e descubriron unha zona moi fermosa, con moita vexetación, e cun regato. Pararon un bo anaco para escoitar os sons da natureza: os paxaros, o vento, e o ruído da auga.

 

P1060562

Escoitando os sons da natureza

E todos estiveron de acordo en que nesta zona había que plantar árbores así que volveron á escola, foron o invernadoiro colleron  unha figueira …e alá marcharon de volta….. para porse  mans á obra!!!

 

P1060564

De volta ao cole para coller unha árbore no invernadoiro, e plantala na zona que acabamos de descubrir.

 

Agora temos unha nova tarefa para a ecopatrulla,  a visita a esta zona  para ver como medra Amelia, a nosa figueira; para seguir plantando árbores e para escoitar a música da natureza.

Aqui iremos a miúdo para aprender a escoitar, deténdonos ante algo que lles gustou moitísimo aos nenos, o ruído de “Mansiño” o noso regato, ao que decidimos adoptar.

 

P1060563

Daniela plantando a figueiriña Amelia

TRABALLANDO NO HORTO E PONDO GUAPA A ESCOLA

Comezamos cos cativos de 3 anos que se acaban de incorporar ao centro introducíndoos pouco a pouco no traballo no horto, no coidado do entorno do colexio así como nas distintas actividades que temos previstas para este curso relacionados coa reciclaxe. As tarefas que realizamos ata agora foron as seguintes:

1.O 26 de setembro baixamos para coñecer o horto e o entorno do colexio (zonas axardinadas, a pequena carballeira, o regato que pasa preto, o invernadoiro…) e como mostraron moito interese en traballar xa no horto estivemos recollendo tomates e plantando cenorias. 

 

20160926_104638 20160926_104635

2. O 3 de outubro, baixamos a “pequena carballeira” a observar aos paxariños, as casiñas que teñen nos carballos, a escoitar os seus cantos e a deixarlles  comidiña. Aprendemos a debullar o millo, foi moi divertido! No horto observamos as cenorias da semana pasada e  plantamos coliflor.

3. O 10 de outubro, dedicámonos a poñer “guapa a escola”: Plantamos ciclames para decorar a entrada do colexio e begonias para o interior. As begonias tivémolas en auga na aula e fomos observando como lles saíron as raíces. Recollemos pedras para poñer nos no fondo dos tarros, e fixemos abono con follas de plantas podadas.

MARGARIDAS E XUDÍAS

Na última semana do mes de abril, os pequenos e pequenas de 5º de infantil, agora como xa o bo tempo acompaña, andiveron de plantacións:

1- Puxeron sementeiros de margaridas, unha nova planta para logo transplantar en macetas e adornar o cole:

2- As xudías que tiñamos en sementeiros agora xa estaban listas para ser transplantadas á terra:

TRABALLANDO NO HORTO… E PONDO A ESCOLA GUAPA

Ao recoller os froitos do horto no curso pasado fomos gardando as pebidas e sementes dos produtos recollidos, agora estamos aproveitando estas sementes para facer os nosos sementeiros.

Así o mércores, 20 de abril, os pequenos de 5 anos estiveron facendo tres sementeiros coas pebidas das sandías que recollemos a principios de setembro. Gardamos os sementeiros no noso invernadoiro (recén inaugurado) ata chegar o momento de que as plantiñas que nazan se podan transplantar á terra. 

Os nenos/as de 4 anos estiveron facendo sementeiros de leitugas e escarolas.

 

 

Continuamos plantando xeranios en macetas para seguir poñendo “a escola guapa”.

TRABALLANDO NO HORTO

Nas últimas dúas semanas, despois do descanso das vacacións de Pascua, retomamos o noso traballo no horto pouco a pouco. Aquí tedes un pequeno resumo do que andivemos facendo.

1- Fixemos uns sementeiros de cabaciñas, para cando rematen as xeadas e faga máis calor poder plantalas xa no horto.

2- Arrincamos as malas herbas que estaban invadindo a pequena plantación de amorodos.

3- Observamos como naceran as patacas que sementamos en febreiro e como medraran os allos que plantamos en decembro.

 4- Como queremos seguir poñendo guapa a nosa escola, plantamos nunha esquina do patio de entrada os pensamentos que tiñamos en macetas. 

5- E nas macetas plantamos xeranios de moitas cores.