ENTROIDO 2020: STOP CAMBIO CLIMÁTICO

Un ano máis celebramos unha das nosas festas tradicionais, O ENTROIDO, festa de raigame popular, de troula, de alegría, de diversión, de festa rachada e tamén da burla e de crítica.

No noso colexio quixemos aproveitar esta celebración que tanto gusta aos nenos e ás nenas e darlle tamén un tono de denuncia e de chamada de atención sobre un dos grandes problemas con que nos atopamos hoxe e, que de non producirse un gran xiro, repercutirá no futuro destes rapaces e rapazas e das seguintes xeracións: É O PROBLEMA DO CAMBIO CLIMÁTICO.  A man do home está transformando a natureza e provocando xa hoxe en día consecuencias nefastas no medio ambiente a curto e longo prazo.

Quixemos manifestar o desexo de todos os que formamos esta comunidade educativa de que o coidado e o respecto da natureza sexan prioritarios e se busquen fórmulas de sostibilidade que garanticen o futuro de todos os nenos e nenas do mundo.

O noso desfile dividiuse en tres grupos:

1º- Comezamos cun desfile de flamantes e espectaculares coches que son os que provocan, xunto coas fábricas, barcos, avións… a gran contaminación que sofre o noso planeta. Os alumnos e alumnas de 1º de primaria cos seus coches que todo o contaminan foron berrando: PI, PI!! Non máis contaminación!!.  2- Nun segundo grupo destacamos as consecuencias da contaminación e dos abusos que o home fai da Terra.

Como consecuencia da emisión de gases a capa de ozono estase estragando e os desastres naturales son continuos:

Así os alumnos e alumnas de 6º de primaria chegaron destrozados despois de  sufrir un terrible vendaval!:

– As estacións tamén están cambiando,  todo vai ao revés, os Polos estanse derretendo, cae sarabia ao lado do mar, nos invernos xa non xea, as sequías son terribles… Os rapaces e rapazas de 5º de primaria non saben como vestirse…


– Outro dos grandes problemas é a eliminación dos residuos, sobre todos dos plásticos,  e a contaminación das augas. Plásticos e lixo enchen mares, ríos, lagos, regatos… provocando a súa contaminación e a morte dos animais que viven neles on nas súas ribeiras…  Así o quixeron mostrar os pequenos e pequenas de 4 anos:
– Ademais dos seres humanos quenes sofren as consecuencias deste cambio climático son os animais, estamos destruíndo o seu hábitat e provocando a extinción de moitas especies.. Os cativos de 5 e 3 anos, vestidos de pingüíns e de koalas quixeron reinvindicar a protección de todos os animais:

3- No terceiro grupo plasmamos algunhas das solucións que temos xa que poñer en marcha. Os alumnos e alumnas de 3º de primaria van pedindo: MÁIS ENERXÍAS RENOVABLES!!:– Nas nosas mans tamén están actuacións que axuden ao noso planeta: menos consumismo, utilizar transporte público, mercar coches eléctricos, consumir máis froitas e verduras e sobre todo reutilizar… Rapaces e rapazas de 4º de primaria luciron uns traxes espectaculares feitos con materiais reutilizados… mirade que elegantes!!
– 
Outra das solucións é a da reciclaxe, darlle outra vida aos refugallos e cousas que xa non utilizamos, con iso aforramos materias e enerxías… Vaia comando de reciclaxe fixeron os nenos e nenas de 2º de primaria!!E por último, despois de rematado o desfile, cantamos e bailamos todos xuntos a canción de MACACO: “MOVING” que é unha chamada a favor das pequenas accións e a unión de todos para salvar ao noso planeta.

PIN E PON

Esta semana aumentou a familia no nosos galiñeiro, disque foi porque Pita Cores lle contou a Pin e a Pon que na nosa escola había sitio para todos, e que lles oira dicir aos nenos, e as nenas do noso colexio que na diversidade estaba a beleza.

E como Pin e Pon non tiñan fogar decidiron viaxar ata aquí na semana da Paz, para quedarse con nós.

Os “peques” de 4º de educación infantil déronlles unha acollida marabillosa, tal e como podedes ver nestas imaxes.

Uxia levoulles millo para que comezaran a semana con moita enerxía.

Martina levoulles trigo para que poñan moitos ovos.

As nenas, e os nenos de 4º de educación infantil cantaronlles a canción da galiña Turuleca. Pin escoitouna con moita atención.

Pin e pon agradeceron o bo trato dos nenos regalándolles uns oviños.

Pita cores, Turuleca e o galo Kiriko semellan estar moi ledos coas novas veciñas.

Tal e como imos pronto faremos un rico biscoito cos ovos das nosas galiñas.

ESCOLA PONTE GUAPA

Nardos, prímulas, narcisos, xeranios e lirios serán as flores que  enchan a nosa escola de cor e de vida este ano.

 

 

Laura e Carolina andan plantando xeranios.

Antes das vacacións de Nadal,  as nenas e os nenos de educación infantil comezaron a plantar.

 

As nenas e os nenos de 4º A de educación infantil axúdanlle moito a súa profe Cris.

Que fermosa vai quedar a  nosa escola!

 

NAI TERRA

Á nai natureza, á nai terra ou á nai vida quixeron rendirlle unha homenaxe os nosos nenos e as nosas nenas de 6º con esta actuación.

DESPLASTIFICÁNDONOS

Esta foi  a iniciativa que promoveron na nosa escola as profesoras de educación infantil: substituír as tradicionais botellas de plástico que levaban os cativos, por cantimploras co fin de reducir a cantidade de plástico que usamos cada día.

Foi unha idea moi ben acollida polas familias.

Mencia e Adriel están moi contentos con este cambio.

 

A Enma gústalle moito a súa cantimplora amarela.

 

Lar dinos que a auga na cantimplora branca está moi frequiña.

Menuda sede teñen Martiño e Martina!

Lia e Icía ensinaronnos as súas cantimploras novas.

MANS AOS COMPOSTEIROS

As cativas e os cativos de educación infantil sempre están dispostos a axudaronos a coidar a natureza. Hoxe tocoulle ás nenas e aos nenos de 6º de educación infantil.

Esta vez fixerono recollendo os restos da froita que tomamos durante a hora do recreo na clase.

E levando todo ao composteiro.

FÓRA PLÁSTICO

As cativas , e os cativos de 4º de educación infantil enfadáronse moito  cando viron que na zona “PATO RELAX” os adultos tiraran lixo.

Decidiron recoller o plástico que estaba nesta zona, e que lle podía facer moito dano aos nosos parruliños.

E de paso darlle unhas apertas ás árbores.

As nenas e os nenos sentíronse moi orgullosos do seu traballo.

CANTO LIXO RECOLLEMOS!

Uxía estaba moi preocupada porque o parruliño cativo, o noso Plumiñas, podía comer plástico e enfermar.

Icía traballou moito, recolleu todo o lixo que víu á beira dos parruliños.

 

Mencia quería que viñera axudarnos o seu irmán Cibran.

A Martiño encántanlle as xoaniñas, por iso recolleu moito lixo para que non o coman  e non enfermen.

 

Martina estaba cansa, pero moi contenta polo traballo que fixeran ela e os seus compañeiros.

 

Que ben quedou a zona dos parruliños grazas ao traballo e á responsabilidade dos nosos cativos!

TAREFAS DO OUTONO

Estes días andamos moi ocupados, porque antes de marchar de vacacións queremos deixar feitas varias tarefas na nosa horta e no noso xardín.

Coa axuda das nenas e dos nenos de 4º de educación infantil podamos as hortensias , e aporveitamos os restos  para facer compostaxe.

Comezamos cortando as ramas e as follas en anaquiños moi cativos.

 

Cando xa tiñamos as follas e as ramas nos composteiros…..

……..engadimos unha capa de herba seca.

E aireamos todo para que quedase ben mezclado.

 

 

 

 

Estas nenas e estes nenos traballan con moita ansia!

MENUDO EQUIPO!!!

Hoxe comezamos a facer compost na nosa escola.

Para o que contamos cun marabilloso equipo de voluntarias que viñeron no recreo a darlle vida a este novo proxecto.

Graciñas Zoé, Ainhoa, Laura, Ainhoa, Emily, Nair, Julia e Noelia!

Na parva tocaba plátano asique separamos os restos da nosa merenda saudable…

Logo tivemos que levalos aos composteiros….

As super voluntarias vaciaron os restos dos plátanos e dos panos brancos de papel nos composteiros.

E engadiron unha capa de herba seca.

Ainhoa, Laura e Paula traballan con moita ansia.

 Emily rematou mezclando  todo co aireador.

 

FACEMOS COMPOSTAXE NO COLEXIO

O noso centro foi un dos 25 seleccionados para participar nun proxecto pioneiro sobre a reciclaxe de residuos orgánicos, proxecto que promove a Consellería de Medio Ambiente, Territorio e Vivenda. Os requisitos para participar eran: contar con servizo de comedor escolar, con horta e cun espazo con árbores e plantas onde recoller follas e outros restos vexetais.
Premede no seguinte enlace para ler a nova na páxina oficial da Xunta de Galicia:

Un total de 25 centros escolares participan nun proxecto pioneiro de compostaxe para impulsar a recollida separada da fracción orgánica

 

O pasado 25 de novembro púxose en marcha o programa. Ao colexio viñeron Inés e David que trouxeron os composteiros e explicáronos todo o proceso que temos que seguir.

Primeiramente, para introducir o tema, faláronnos da reciclaxe e da importancia da correcta separación dos distintos tipos de residuos.

A continuación explicáronos o que era a compostaxe: un proceso de transformación da materia orgánica para obter un fertilizante natural chamado compost.
Este proceso é o mesmo que a natureza realiza continuamente: as plantas e restos orgánicos de animais mortos acumúlanse no chan e  descompóñense grazas aos insectos, bacterias e microorganismos, para transformarse en nutrientes para as plantas.  Coa compostaxe o que facemos é acelerar este proceso.

Así acadamos tres obxectivos moi importantes:

1- Reducir a cantidade de residuos que chegan aos vertedoiros.

2- Reducir a cantidade de fertilizantes químicos, os cales podemos substituír por compost.

3- Reducir a emisión de gases que xeneran os residuos na súa combustión nos vertedoiros.

Para que se produza este proceso necesitamos a axuda dos descompoñedores. Inés e David déronnos uns recipientes con restos orgánicos e vexetais e tivemos que descubrir (ata nos deixaron unhas lupas) quenes eran eses “descompoñedores”: unhas miñocas!!!

Para facer este proceso necesitamos uns recipientes chamados composteiros, que poden ser de diferentes tamaños. Nestes recipientes temos que poñer no fondo restos vexetais (follas, paus, restos de pólas das árbores…)  que recolleremos da nosa pequena carballeira, logo metemos os restos orgánicos das comidas e poremos outra capa de restos vexetais por riba. Así cada día.

Tres veces á semana teremos que empregar o aireador, unha especie de sacacorchos xigante, que introducimos no composteiro ata o fondo para que se poda introducir aire no mesmo. É necesario osíxeno para que se produza o proceso de descomposición. 

Tamén unha vez á semana temos que meter un termómetro xa que para a realización da compostaxe ten que haber unhas condicións axeitades de humidade, oxígeno e temperatura. Cando a temperatura sexa igual á exterior, o compost xa estará listo e podemos sacalo dos composteiros e fertilizar a nosa horta.

Xa explicado cal sería o noso traballo diario, baixamos á zona do patio onde temos a nosa horta para montar os composteiros que instalaremos alí. Inés e David foron explicando paso a paso como tiñamos que facer.

Premede na imaxe para ver como fomos montando os composteiros:

Finalmente quedaron os composteiros montados nun recuncho da nosa horta. Agora temos que poñernos mans á obra e empezar a reciclar os restos de comida que resultan da parva de media mañá e do xantar.