Author Archives: maite

ADEUS AO PLÁSTICO

Na nosa escola estamos pondo en marcha varias iniciativas para reducir o uso do plástico.

María dille adeus aos vasos de plástico, xa que a partir de hoxe deixaremos de usalos.

 

Victoria, Iria e Uxía tamén se despiden deles.

 

Velaí  unha destas iniciativas para coidar o medio reducindo o plástico que empregamos no centro…

Decidimos cambiar os tradicionais vasos de plástico dun só uso, que empregábamos para tomar o leite da parva…

………por estes vasos de bambú reutilizables.

As nenas, e os nenos acolleron esta medida con entusiasmo.

 

 

 

ESCOLA PONTE GUAPA

As flores non son só para a primavera, tamén hai pantas con flores para o outono, e para o inverno.

Na nosa escola queremos cultivar flores durante todo o ano.

Hoxe as cativas e os cativos de 4º A  de educación infantil estiveron plantando pensamentos para termos unha escola ben fermosa.

Esta planta non deixa de florecer durante todo o inverno porque lle gusta o frío, e  cando chega o calor empeza a decaer. Contan cunha gran variedade de cores que as fai moi atractivas. Con elas intentaremos armar composicións variando as diferentes cores para pormos a nosa escola “ben guapa”.

RECOLLEMOS PLÁSTICOS

Os nenos e as nenas de primaria cooperando cos  de educación infantil, lograron limpar toda a zona “pato-relax” dos plásticos que tiran os adultos que a miúdo veñen entrenar ao noso pavillón.

 

Nesta sesión fixemos varias paradas na carballeira.

A primeira foi para darlle de comer aos parruliños.

A Lola gústalle moito darlle de comer a Plumitas, o parruliño máis cativo.

A segunda para  darlle apertas ás árbores que atopamos no camiño.

A  terceira para gozar deste novo recurso, os nosos parruliños, a través dos cales estamos aprendendo a coidar e a valorar a natureza, e a valorarnos a nós, entendendo que as nosas accións  interfiren no medio, e no benestar dos demais.

 

Ainara e Alejandro veñen todos os recreos a coidar de Pepita e da súa familia.

COIDANDO AOS NOSOS PATOS

Temos que felicitar as nosas cativas e aos nosos cativos porque todos os días, mostrando unha gran responsabilidade e unha marabillosa sensibilidade,  dedican os recreos a coidar dos patos que xa forman parte da vida da nosa escola.

Logo de xuntarnos para porlle nome, e de decidir que se chamarían Brais, Pepita, Albino, Branquiña e Plumitas démonos conta de que na zona que viven había un perigo para eles, e para a contorna.

 Vimos que na zona dos patos había plásticos!

Que contentos están na súa casa!

Os cativos de 1º de primaria reuníronse con de 4º de educación infantil en asamblea, para decidir que podíamos facer cos plásticos que tiraran os adultos.

Os de 5º de educación infantil tamén viñeron para darnos ideas, e entre todos intentar solucionar o problema do plástico.

ERIC TIVO UNHA IDEA: Recoller o plástico!! E púxemonos todos en marcha!!

PATOS NA ESCOLA

Un dos proxectos que imos levar a cabo este curso é o titulado: NOS SEUS ZA-PATOS, un proxecto de empatía activa co que pretendemos fomentar nos nenos e nenas o seu desenvolvemento social e cognitivo mediante o contacto con animais. Na seguinte presentación tedes toda a información sobre o mesmo:


 

E POR FIN XA CHEGARON OS PATOS AO COLE!!!  Na pequena carballeira que temos no patio do colexio xa están instalados na casiña que preparamos para eles. Que expectación todos os días por ir velos!!!. Xa vos iremos contando as actividades que realizaremos con eles. 

DA HORTA AO PRATO

BENVIDO OUTONO!

Benvido o  tempo de recoller colleitas, e   de prantar as que comeremos nós e os nosos parrulos ao longo do curso.

Agora temos que prantar máis, _din os nenos, e teñen razón porque temos que cultivar  verzas, leitugas e acelgas para Plumitas e para a  súa familia.

Asique con máis gañas que nunca volvemos á horta, e cos pés na terra dispómonos  a pratar e a coidar: acelgas, verzas repolos e leituga.

Comezamos coas acelgas, porque despois de observar aos parrulos descubrimos que  son un dos seus alimentos preferidos.

 

Din don ding, din don dan, hoxe toca plantar! Din don din, din don dan, os peque temos moitas gañas de traballar!

ESCOLA PONTE GUAPA

Un ano máis as nenas e os nenos da nosa escola seguen traballando para encher os nosos patios de vida, e de cor.

Nesta ocasión foron os máis cativos os que comezaron a por a escola moi guapa.

Os nenos  e as nenas de 4º de educación infantil traballaron con moita ansia, e conseguiron que os patios estiveran moi fermosos logo desta sesión.

ADEUS AO PLÁSTICO

Na praia, no campo, no pobo, na montaña….., onde te atopes estes días,  propómosche unha despedida.

Atréveste a dicirlle adeus ao  plástico? 

 E a  celebrar a despedida cantando e bailando?

 

ECO TAREFA 5ª

 

A nosa proposta de hoxe consiste en descubrir todo o que podemos inventar reutilizando botellas de plástico.

Animádesvos a ver e a facer?

 

O PLÁSTICO MATA

Hoxe convidámosvos a averiguar onde vai todo o plástico que usamos, e a intentar reducir o seu uso.

AS GRANDES MANCHAS DE LIXO

Nos xiros oceánicos de todo o mundo (as zonas centrais dos mares) xa hai máis plástico en suspensión que plancto (é dicir, máis plástico que comida). Son as chamadas «grandes manchas de lixo». Na súa gran maioría están compostas por fragmentos pequenos (menos de 4 mm) e dispersos en superficies xigantescas.

Un estudo de 2010 estima que entre 5 e 13 millóns de toneladas métricas de plásticos terminan no mar cada ano. Na actualidade calcúlase que de media hai 13.000 plásticos por milla cadrada de océano, cun peso total de 100 millóns de toneladas.
Os estudos confirman que a cadea alimentaria mariña, da cal depende a nosa alimentación está contaminada. Para empezar os seres microscópicos que compoñen o plancto mariño comen microplásticos, do mesmo xeito que os animais filtrantes como os mexillóns. Tamén os peixes de moitas especies comúns están a alimentarse con fragmentos de plástico.
Ademais da toxicidade propia do plástico, as partículas de plástico no mar teñen a propiedade quimica de atraer e acumular contaminantes hidrofóbicos (é dicir aceitosos) da auga de mar, como DDT e PCBs.

Os plásticos son «esponxas» químicas para contaminantes perigosos que chegan ao mar procedentes da agricultura e a industria e ábrenlles a porta para que entren na cadea alimentaria.

 

SUXERENCIAS PARA USAR MENOS PLÁSTICO