CEIP Galán

 Celebramos o Samaín cunha “impresionante” exposición de cabazas promovida polo Equipo de Normalización lingüística e o Equipo de Actividades Extraescolares,durante o tempo do recreo acendéronse as candeas .

 

Recicl-arte foi o título que nos gustou para o traballo de voz natura deste curso 2008/2009.

Porque non queremos tirar nada, non sen antes darlle outro uso, un uso artístico se podemos.

Así, os materiais de refugallo terán outra oportunidade con nós. A oportunidade de brilar coma obras de arte, e de ser considerados coma obxectos admirables e artísticos.

 

 

 

 

UN MUSEO PARTICULAR.

Os nenos e nenas de 1º curso quixeron un día ter un museo particular, só precisaron unha caixa de zapatos, uns catálogos e un pouco de traballo.

Primeiro decoraron a caixa con recortes de catálogos de exposicións de pintura. Despois fixeron dúas obras, unha escultura e un retrato. Un pouco de papel de seda e xa está listo o mini-museo.

Estes son algúns dos traballos e así foi como traballaron.

 

 

 

 

A CAIXA DO MEU PASADO.

Os nenos e nenas de 2º curso de ed. primaria aínda que son novos teñen un pasado.

E normalmente o pasado encóntrase no faiado. Así que un día subiron aos faiados e aos trasteiros e baixaron cunha morea de cousas que ainda que xa fai tempo que non se usan, ninguén as tirou. Por qué?. Quen o sabe!

Pero agora van quedar ben gardadas e á vista porque van formar parte da “Caixa do meu pasado”.

Só precisamos unha caixa de madeira onde veñen 2 óu 3 botellas de viño, unhas ceras brandas e un pouco de berniz. Para carrar a caixa usamos un plástico duro, cravos e martelo.

Estes son algúns dos resultados e así foi como traballaron.

 

 

INTERPRETANDO CADROS.

Os nenos e nenas de educacón infantil traballaron cos pintores galegos Carlos Maside e Manuel Colmeiro, que foron ver ao Museo de belas Artes de A Coruña o curso pasado.

Escolleron o cadro “As lavandeiras” de Manuel Colmeiro para recrealo con teas e papeis decorados. Velaí algúns dos cadros feitos polos nenos e mailo orixinal para que o coñezades.

 

 

Tamén fixemos un traballo compartido entre os nenos e nenas de infantil e primeiro ciclo, que agora está na entrada do colexio.

Recreamos unha feira das que acostumaba pintar Carlos Maside, utilizando anacos perdidos de teas, puntillas e papeis pintados, así como recortes de catálogos de supermercados.

Carlos Maside

A nosa feira