CEIP de Rebordans

MARZO

A auga: fonte de vida

Fonte do Lobo. Rebordáns

Foto: Javier 6º E.P- Sheila 1º E.P.

Dentro do proxecto interdisciplinar de VOZ NATURA  que desenvolvemos ao longo deste curso, o tema elexido este ano para celebrar  o Entroido foi, ” A AUGA “.

Durante ese día o centro encheuse de nubes, pingas, peixes, augamares,sereas, piratas, bombeiros…e dun montón de personaxes que dalgunha forma teñen relación  coa auga.

Como xa é habitual  a maioría dos disfraces estaban feitos con materiais de refugallo.

Pasámolo moi ben e rematamos a xornada cunha chocolatada e un baile .

Que nin unha pinga pingue.

Lavadoiro de Mallón ( Ribadelouro)

Foto: Aurelia 4º Primaria

XANEIRO

A auga é nosa: Coidaa !

Muíño Darriba. Río Deique ( Rebordáns)

Foto: Adrián 4º Primaria

” A auga: parte de nós “  é o lema do calendario para o ano 2011. Como o proxecto de Voz Natura é a auga, que mellor forma de recoller todos os elementos do noso entorno relacionado con este tema !

O alumnado  fixo moitas fotografías e tamén elaborou eslogans relacionados coa auga. Posteriormente eliximos as fotografías e os eslogans que representan a cada un dos meses.

Con estas fotografías tamén damos a coñecer lugares da zona que sen dúbida son descoñecidos para moitas persoas.

O día  31 de  xaneiro, recibimos a visita de tres representantes da ONG ” Pozos de agua Mayo Rey”

Entregamos os cartos da recadación a Tomás, un camerunés que vive na poboación onde van construir os pozos.

Contáronnos como viven en Camerún, como van facer os pozos,.. e nós, estamos moi satisfeitos, porque coa nosa axuda contribuimos a que, a vida destas persoas sexa mellor.

Así de ateigado estaba o corredor do colexio o día  22 de decembro.

Neste día, celebramos   o sorteo da tómbola solidaria. Participou todo o alumnado e tamén asistiron moitas familias.

O fondo que recadamos coa venta das rifas foi  de 750 euros  ,   e será  entregado á  ONG :  Pozos de agua Mayo Rey.

” A auga, parte de nós ” é o lema da Tómbola Solidaria que organizamos no colexio.

Con esta actividade  pretendemos recadar fondos para a construción de pozos de auga potable na poboación Mayor Mayo en Camerún.

auga galego            aigua catalán            eau francés                     ur euskera         

           voda eslovaco                                nước vietnamita      น้ำ tailandés                  

 wasser alemán        su turco    vatten sueco        wody  polaco         

 water inglés                     água portugués                           acqua italiano         

      víz húngaro       ilma  maltés               vesi finlandés         المياه árabe            

 vandens lituano                   νερό griego            vode croata            воды ruso      

      vand danés              ujë  albanés        ūdens letón      de apă  rumano                

Alumnado coa titora de 6º na festa Voz Natura.

" A biodiversiade", tema do traballo exposto.

Faro do traballo enviado á exposición.

Coa festa celebrada en Culleredo, o día 5 de xuño, Voz Natura dá por rematado a edición adicada á protección e defensa dos nosos ecosistemas.

O Colexio de Rebordáns, presentou na exposición,  un mural sobre a defensa dos mares e da súa fauna.

A edición anterior foi un día chuvioso e este ano pasamos algo de frío, pero entre tanta diversión non había tempo nin para poñer o xersei ¡ Pasámolo moi ben!