CEIP de Rebordans

O alumnado de 4º, 5º e 6º de EP realizou unha visita guiada ás instalacións da EDAR
( Estación Depuradora de Augas Residuais ) de Guillarei.

Durante o percorrido polas instalacións, o alumnado puido observar o alto poder contaminante das augas residuais que necesitan ser depuradas, a través de diferentes procesos, antes de ser vertidas ao cauce do Miño.

O destino final dos lodos resultantes é a reutilización agrícola.

A visita resultou moi interesante, xa que rematou coa observación ao microscopio de protozoos.

O centro está a participar no proxecto medioambiental Voz Natura, que este ano está centrado na protección dos nosos ríos e areais.
A través deste proxecto, pretendemos que toda a comunidade educativa tome conciencia da importancia de adoptar actitudes encamiñadas a protexer e mellorar a calidade dos ecosistemas fluviais e mariños.
Por este motivo, no corredor do piso superior, están expostos unha serie de libros seleccionados dos fondos documentais polo equipo de biblioteca.

                                                                                              

         Exposición  ” Praias e rios en boas mans”