A festa de Voz Natura!

Ola a todos e todas:

O sábado pasado, 1 de xuño,  celebrouse  a Festa de Fin de curso de Voz Natura no parque de Acea de Ama, en A Coruña. Foi unha xornada divertidísima onde puidemos ver moitas exposicións dos traballos dos coles que participaron neste Proxecto. Tamén xogamos moito nas colchonetas, simulacros ,etc.

Foi un día de convivencia xenial, e como mostra aquí os deixamos algunhas fotiños deste día.

 

 

Concurso de recollida de aceites!

Estamos moi contentos/as de darvos información sobre o  Concurso no que vamos a participar todo o colexio, e precisamos da vosa colaboración para que isto funcione. Este evento organízao a empresa REAVE.

O Concurso chámase “Carballo tamén en botella” para o fomento de recollida e reciclaxe de aceite vexetal usado a través dos centros de Educación Infantil e Primaria de Carballo e Coristanco.

EN QUE CONSISTE O CONCURSO?

O obxectivo principal é fomentar no noso alumnado criterios de prevención na xeración de residuos no seu día a día e no seu entorno, ao mesmo tempo que implicalos na cultura da reciclaxe.

Outro obxectivo importante é motivar aos nenos/as no compromiso e na responsabilidade, como parte da sociedade, na correcta xestión dos residuos e as consecuencias de non levalas a cabo.

Para levar a cabo o concurso, a empresa colocará no Centro un contenedor especialmente adaptado para a recollida de botellas de plástico cheas de aceite vexetal usado.

Os nenos/as levarán á casa un embudo que se adapta a botellas de plástico de auga, cocacola ou fanta. Cando teñan as botellas cheas, traeranas ben cerradas e botaranas no contenedor. Serán os rapaces/as os encargados/as de recordar nos seus fogares a necesidade de gardar o aceite de cociña usado. O Centro que máis litros de aceite recolecten, será o Centro gañador. Para o alumnado de educación infantil as botellas traeranas os seus familiares.

O concurso durará do 28 de xaneiro do 2013 ao 31 de maio do 2013.

Os premios serán os seguintes:

Prineiro premio: Lote de Material Escolar e Lote de libros.

Segundo premio: Lote de libros.

Pero o mellor premio é aprender a reciclar o aceite usado e a coidar do noso planeta Terra!!!  

 voznatura.jpg

 

 

E chegou o Nadal!

Este ano o noso Nadal foi adicado a auga, por iso o tanto a nosa árbore como as actuacións do festival foron adicadas ao tema. A nosa árbore foi elaborada con botellas de auga e adornos feitos polos alumnos.

Comezamos cunha exposición sobre a auga!

Ola a todos e todas:

Ata o momento estivemos poñendo en marcha o noso Proxecto”Cantas Pingas”. Para isto, no mes de novembro comezamos pedindo axuda ás familias coa recollida de materias relacionados ca auga, de calquer tipo, e a verdade é que troxeron de todo, dende libros temáticos, animais do mar en miniaturas, bañadores,grifos, bañeiras de xoguete… Moitas grazas ás familias pola súa colaboración.

UN ANO MÁIS, DE VAGARIÑO…poremos a nosa pinga de auga en prol da conservación do noso contorno natural.

Este ano académico arrancamos o noso proxecto voz natura coa temática das “Enerxias renovables” e por este motivo imos traballar arreo para desenvolver o proxecto documental integrado da biblioteca chamado “Cantas Pingas!!”. De ahí que vestirámolo noso blogue cun novo aspecto, como vedes moi acuático.

Contiño!!

Con este pequeno relato, os máis pequenos da nosa escola estiveron a comprender e traballar sobre a importancia das árbores, o seu coidado e qué é iso da reforestación. Esperamos que vos sexa de utilidade. Para velo correctamente pinchade sobre él e aparecerá en pantalla completa.

O NOSO TABOLEIRO DA REFORESTACIÓN

Aquí tedes un bonito taboleiro que elaboramos mentres estudábamos os aspectos máis importantes do noso proxecto Voz Natura 2011-2012.

Esperamos que vos guste o noso traballo!!!

A tristeza invádenos

Hoxe é un día tristeiro para a nosa terra. Unha da súas maravillas naturais está sendo devorada polo lume.

Despois de tanto traballo que fixemos para comprender a importancia de reforestar, o perigo dos incendios, a necesidade de ser responsables e coidar o medio en que vivimos… non entendemos cómo pode estar sucedendo isto.

Aquí vos deixamos a nosa pequena reflexión sobre o sucedido.

Estamos seguros de que compartides a nosa inquedanza e tristura.

embedded by Embedded Video

Poema “Plantemos unha árbore”

Os nenos e nenas do CEIP Canosa Rus, xunto coas súas mestras, fixeron este pequeno poemiña para dar grazas as árbores por todo aquilo que nos ofrecen sen pedir nada a cambio.

Esperamos que vos guste!!

embedded by Embedded Video


NOTICIA DE ÚLTIMA HORA!!

Escoitade ao noso amigo o caracol e saberedes a noticia que temos que darvos. Creo que vos vai gustar!