Voz Natura fallará os seus premios o Día do Medio Ambiente

Coincidindo coa conmemoración do Día Mundial do Medio Ambiente, o 5 de xuño, o programa de educación ambiental Voz Natura desvelará o nome dos equipos (escolas infantís, colexios, institutos ou asociacións) que este curso executaron os proxectos ecolóxicos máis destacados.

Este curso no colexio estamos a traballar no proxecto

“AO ABEIRO DOS NOSOS MONTES”,

Publicado en Arredor dos nosos montes | Deixa un comentario

Unha árbore moi especial

O alumnado de 2º curso acaba de rematar a súa “árbore especial”, coas súas casiñas para paxaros. Quedoulles ben bonita!!!

Publicado en Arredor dos nosos montes, As nosas árbores | Deixa un comentario

Experiencias do alumnado de 1º e 2º curso

 

O alumnado de 1º e 2º curso de Primaria visitaron o pasado luns, 1 de abril, a Mina Sonia situada no Barqueiro, concello de Mañón e Provincia de A Coruña.

Foi unha experiencia moi positiva pois aprenderon moitas cousas sorprendentes para eles.

No seguinte vídeo van facendo un resumo de todo o que alí viron.

Seguindo coas actividades programadas dentro do proxecto “Ao abeiro dos nosos montes”, na mañá do mércores, 10 de abril, tiveron a posibilidade de escoitar a Marcos Besada que lles aportou moita información sobre a Flora e Fauna e dos diversos ecosistemas dos montes galegos e especialmente dos de Viveiro.

Tamén lles deu información sobre como observar os rastrexos da fauna salvaxe dos nosos montes.

Ensinoulles unha páxina con moita información sobre a Fauna e Flora de Galicia

Publicado en Actividades Especiais, Arredor dos nosos montes | Deixa un comentario

CLASES INFORMATIVAS

Traballando no proxecto “Ao abeiro dos nosos montes”

Esta semana recibimos a visita de Roberto Cabo, Marcos Besada e Carlos Méndez, para falarnos de temas relacionados co proxecto “Ao abeiro dos nosos montes”.

A charla de Roberto Cabo (Enxeñeiro de Montes) para o alumnado de 5º e 6º curso estivo relacionada cos diferentes tipos de montes, a xestión económica… e a interpretación de planos como paso previo para á realización dunha maqueta que temos previsto realizar como proxecto final.

Marcos Besada (Enxeñeiro Agrícola) estivo co alumnado de Infantil e a súa charla estivo relacionada coas árbores.

Foi unha clase moi participativa pois a través de preguntas o alumnado ía dando a información aprendida nas diferentes aulas.

Descubriron que saben o nome de moitas árbores, as súas diferentes partes, aprenderon a elaborar unha ficha para ir catalogando as mesmas e ata descubriron como se pode medir unha árbore cun pequeno lapis.

A clase rematou facendo unha visita ás diferentes árbores do colexio…
Marcos ensinounos unha páxina ARBOLAPP onde podemos aprender moitas máis cousas sobre as árbores.

Carlos Méndez (Presidente da Comunidade de Montes San Roque) estivo co alumnado de 3º e 4º curso e faloulles da xestión desta comunidade de montes, da súa historia, da extensións dos terreos que a conforman, da xestión económica, da nova zona recreativa e das diversas especies que hai nestes montes.

 

 

Publicado en Arredor dos nosos montes | Deixa un comentario

Colección de árbores de 2º curso

Dentro do Proxecto “Ao abeiro dos nosos montes”, o alumnado de 2º curso está a facer unha colección, en formato mural e vídeo, das árbores dos nosos montes.

Xa teñen dúas árbores: O Carballo e O Loureiro.

Publicado en As nosas árbores | Deixa un comentario

As pereiras do noso colexio

As pereiras do noso colexio xa están en flor pois temos un clima primaveral que favoreceu que brotaran as primeiras flores.

Denomínase pera ao froito de distintas especies do xénero Pyrus, integrado por árbores caducifolios coñecidos comunmente como perais ou pereiras. Con todo, cando se trata do froito comestible, faise referencia maiormente ao producido polo chamado peral común ( Pyrus communis). A pera é unha froita zumenta, carnosa, e unha das máis importantes producidas nas rexións tépedas.

Publicado en As nosas árbores | Deixa un comentario

Celebramos o Día da Árbore e da Auga

Hoxe foi un día moi especial!   Despois do recreo xuntámonos todos os cursos para celebrar o Día da Árbore, Auga e Poesía.

Durante a semana estivemos preparando esta celebración con diferentes actividades:

  • Aprendimos a canción Árbores da fraga
  • Escollimos unha árbore do noso colexio para apadriñala
  • Aprendimos un poema para recitalo no apadriñamento
  • Realizamos murais e debuxos

Na celebración fixemos:

  • Os nenos e nenas de 6º curso plantaron un ameneiro mentres os demáis cursos cantamos a canción “Árbores da fraga”
  • Apadriñamos a árbore que cada curso escolleu e lles recitamos os poemas
  • Rematamos a xornada facendo limpeza dos diferentes espazos exteriores do noso colexio: as plantas do parque infantil, o horto, a charca, o xardín zen e os patios interiores.
  • Despois de todo o inverno había moito que limpar e agora na primavera poderemos disfrutar dun entorno limpo e coidado.

No seguinte vídeo podemos ver un pequeno resumo da celebración.

Publicado en Actividades Especiais, As nosas árbores, Hoxe celebramos | Deixa un comentario

POESÍA MUSICADA E ILUSTRADA

O xoves, 21 de marzo, celebraremos o Día da Poesía, da Árbore e da Auga, por iso nas aulas xa se están realizando moitas actividades.
Agora presentamos un vídeo que recolle dous poemas musicados:
  • Verdes, Verdes” con debuxos feitos polo alumnado de 6º Infantil e cantado polo alumnado de 2º curso.
  • TOC, TIC, TOC” con debuxos feitos polo alumnado de 5º Infantil e cantado polo alumnado de 6º de Infantil.

Publicado en As nosas árbores, Hoxe celebramos | Deixa un comentario

Datas importantes no mes de marzo

Publicado en Hoxe celebramos | Deixa un comentario

Un Entroido “Ao abeiro dos nosos montes”

O venres, 1 de marzo, celebramos a nosa tradicional festa de Entroido coa temática do Proxecto Voz Natura “Ao abeiro dos nosos montes”.
    • Desfile polas rúas do Chao 
      con disfraces relacionados co mundo dos bosques e montes: flora e fauna
      galega ou personaxes fantásticos (fadas, trasnos, santa compaña, ananos,
      bruxas…), tamén houbo leñadores e corredoras da CAMOVI.
    • A continuación chocolatada con larpeiradas antroideiras no patio do colexio
    • Bailes e cancións.

Publicado en Hoxe celebramos | Deixa un comentario