SEXTO DE INFANTIL CELEBROU O DÍA MUNDIAL DA PROTECCIÓN DA NATUREZA (18 de Outubro)

Ó abrir as ventás das aulas de cinco anos a natureza métese dentro para compartir cos “peques” o día a día. Vemos como se moven as árbores co vento, oímos a auga do río e escoitamos o piar dos paxariños. A relaxación na clase coa luz apagada fai que interioricen todos estes elementos. O alumnado está moi concienciado no coidado da natureza porque convive con ela todolos días. Estes nenos e nenas adoitan medidas no seu entorno que contribúen a manter un planeta contento:
– apagan a luz.
– reciclan.
– aforran auga e
– coidan as plantas.

                   

        

Publicado en Sin categoría | Deixa un comentario

OUTONO EN CUARTO DE INFANTIL

Os nenos e nenas de cuarto de Educación Infantil estivemos coñecendo os froitos do outono.
Este ano, por mor da pandemia, non puidemos empregar o sentido do tacto. Coñecemos o seu nome, as árbores froiteiras, a cor, a forma e tamén fixemos degustación. Estaban moi saboras!

                   

                   

                

                

               

      

   

 

 

Publicado en Sin categoría | Deixa un comentario

NOVOS APARTADOS NO BLOG

Ola nenos e nenas, queriamos comentarvos que na Horta de Auri engadimos tres carpetiñas novas, podedes velas con estos nomes: Aplausos, Pitos e Pasiño a pasiño.

Aínda están en construcción pero iremos achegando cousiñas a elas moi pronto.

Publicado en Sin categoría | Deixa un comentario

LEAF ART

Ola neniños e neniñas, hoxe queremos amosarvos os delicados traballos que fai un artista xaponés coñecido como lito_leafart.
A partir de follas das árbores crea fermosas, pequenas e delicadas escenas . Deixámosvos unha mostra do seu marabilloso traballo. Se vos interesa ver máis cousas podedes ver a súa conta en instragram.

     

    

Publicado en Sin categoría | Deixa un comentario

ONDE ESTÁN AS GALIÑAS?

Ola rapaces, seguro que alguns de vos estádesvos preguntando onde están as nosas galiñas, porque xa fai algún tempo que non as vedes.
No período de confinamento a mestra Pili levounas para a súa casa e seguen alí , disfrutando da boa vida, boa comida, auga fresquiña, espacio onde corretear…están como raíñas!!!.
Pero como sabemos que as botades de menos, xa lle estamos preparando a súa maletiña para que veñan ao colexio, por suposto seguirán difrutando das súas comodidades e ademáis dos vosos coidados e atencions. Que eso é o que máis lles gusta, estar con vós!!!!.

Publicado en Sin categoría | Deixa un comentario

BENVIDOS RAPARIG@S

Ola rapazas e rapaces,

Comezamos hoxe un novo curso , diferente, pero cheo de ilusions e de proxectos que esperamos levar a cabo con vos. Pouquiño a pouco irémosvos comunicando todas esas novas ideas que temos xa en mente.

Dende o equipo de A HORTA DE AURI queremos desexarvos un bo e sobretodo feliz curso.

Publicado en Sin categoría | Deixa un comentario

5 ANOS B ENCARGADOS DO HORTO

A semana de principios de Maio, os nenos e nenas de 5 anos B foron os responsables de encargarse do horto escolar e do coidado das galiñas.
O luns, o primeiro que fixemos foi reproducir unha votación como fixeran as súas familias o día anterior, nas elección xerais. Tiñamos que votar entre mercar leitugas ou tomates. Eliximos a un presidente de mesa que lle tocou ó responsable do día e a un vogal. Cada un escribiu no seu papel a elección e despois de comprobar na lista que se atopaba o seu nome e de ter a aprobación do presidente da mesa, exercía o seu dereito a voto. Tralo reconto de votos gañou a elección de mercar tomateiras con 10 votos e cinco para as leitugas.


Despois elaboramos os carteis para sinalar na horta a nosa plantación e saber dos coidados que precisa e elaboramos unha etiqueta para a caixa dos ovos.


No horto, sacamos as galiñas a pasear e mentres limpamos o galiñeiro, revisamos se había ovos e picamos o pan atrasado. Tamén aproveitamos para regar as plantacións do resto de compañeiros e arrancar xunto coas galiñas algunha mala herba.


No invernadoiro preparamos o terreo para a plantación, arrancando malas herbas, picando, removendo e regando a terra.

Despois de hidratarnos na aula porque facía moita calor voltamos á rúa para ir mercar as tomateiras á tenda. O dependente explicounos todas as plantas que alí vendía e serviunos 10 tomateiras de dúas clases diferentes.

 
De volta, no invernadoiro fomos plantando por parellas as tomateiras nos regos que tiñamos preparados. Van crecer un montón! porque facía moita, moita calor.

Xa na clase sorteamos os ovos por número de lista. Que os disfrutedes familia!

O resto da semana seguimos cos coidados do horto e das galiñas. Emocionados estivemos cando atopábamos ovos no galiñeiro e cando lle tocamos a cresta ás galiñas. Pero que mansiñas son!

 

E para que as familias viran o ben que o pasamos creamos este vídeo:

 

Publicado en Sin categoría | Deixa un comentario

E hoxe… tocoulle a quenda a 1º B

Os máis pequenos estiveron hoxe moi traballadores. Coa axuda da mestra revisaron a evolución do plantado no invernadoiro (allos, cenorias , chícharos , cebolas…). Tamén coidaron das pitas, dándolle de comer, beber, limpando e unha afortunada levou un ovo para a súa casa. Podedes velo nas seguintes imaxes.

Publicado en Sin categoría | Etiquetado , | Deixa un comentario

VIVIR NO SOLO

Este é o título dun cómic creado polo Consello de Cultura Galega, que acaba de ser reeditado, e é utilizado como recurso didáctico en museos e parques naturais como o de Nebrodi (Sicilia).
Como a noticia parécenos que ten importancia deixámosvos a ligazón para que lle botedes unha ollada.

http://https://www.lavozdegalicia.es/noticia/sociedad/2018/12/06/reeditan-vivir-solo-comic-sobre-importancia-terreno-genera-interes-nivel-internacional/0003_201812G6P27995.htm

 

 

Publicado en Sin categoría | Deixa un comentario

DÍA DA PAZ 2019

Esta xornada adicámola a alimentación en xeral, consumo responsable, deforestación… especial mención á nosa horta inaugurada oficialmente ese día.
Dende o departamento de TICS elaborouse un vídeo que proxectamos para todos os meniños do centro e as súas familias.
Aquí tedes o video na seguinte ligazón.

https://youtu.be/uySpBS0vJF4

 

 

Publicado en Sin categoría | Deixa un comentario